যিহিষ্কেল 5:13 - Chakma Bible

¹³ ইয়েনি গরানার্ পরেদি মর্ অমকদ বেজার্ অনাগান্ থুম্ অবঅ; তারা উগুরে মর্ রাগ্‌‌কান পুরোপুরি ঢালি দেনার পরেদি মুই শান্ত ওম্। সেক্কে তারা হবর্ পেবাক্ যে, মর্ রিবেঙর্ জ্বালায় মুই লগেপ্রভু এই কধানি কোইয়োং।

যিহিষ্কেল 5:13 ပူးပေါင်းရင်းမြစ်များ

যিশাইয় 1:21

হায়, সতী শঅরান্ কিবাবোত্যে বেশ্যে ধোক্ক্যেন্ ওই যেইয়্যে! সিয়েন এক সময়োত্ ন্যায়বিচেরে ভরা এলঅ; গম্ জিনিস্‌ছান সে ভিদিরে বজত্তি গুরিদো; মাত্তর্ ইক্কিনে বজত্তি গত্তন্ খুনিগুনে।

যিশাইয় 1:24

সেনত্তে বেগত্তুন্ খেমতাবলা প্রভু লগেপ্রভু, ইস্রায়েলর্ সেই খেমতাবলা গোজেনে কোইয়্যেদে, “আহ্, মর্ বিপক্ষগুনো আঢত্তুন্ মুই রেহাই পেইম্ আর মঅ শত্রুগুনো উগুরে হেনা উগুরেম্।

যিশাইয় 59:17

তে বুগ্‌‌কো রোক্ষ্যে গুরিবাত্তে ন্যায্যতাগান গুরিলো আর মাঢাবো রোক্ষ্যে গুরিবাত্তে উদ্ধোরান মাঢাত্ দিলো। তে হেনা সুজিবার কাবড়ানি উরিলো আর চাদর ধোক্ক্যেন গুরি আওজ্‌‌চান কিয়্যেত্ উরিলো।

যিশাইয় 9:7

তার শাজন্ খেমতা বাড়ানা আর শান্তির্ থুম্ ন-অবঅ। তে দায়ূদোর সিংহাসন আর তা রেজ্যগান উগুরে রাজাগিরি গুরিবো; তে সেই সময়ত্তুন্ ধুরি উমরত্তে ন্যায়বিচের্ আর সততালোই সিয়েন থিদেবর্ গুরিবো আর সিয়েন থির্ গুরিবো। বেগত্তুন্ খেমতাবলা লগেপ্রভু গভীন্ আওজে ইয়েনি গুরিবো।

যিরমিয় 14:12

তারা যুনিয়ো বা উবোস থান্ তো তারার কানানিগানি মুই ন-শুনিম; পুজ্যে- উৎসর্ব আর শোজ্য-উৎসর্বর অনুষ্ঠান গুরিলেয়ো মুই সিয়েনি গুজি ন-লোম। সিয়েনর বদলে যুদ্ধো, ভাদরাত্ আর পীড়ে ভানালোই মুই তারারে ভস্ত গুরিম।”

যিরমিয় 15:9

সাত্‌‍তো পুয়ো-ছার্ মা বল্‌পোজ্যে ওইনে লাজে আর অগমান অবস্থায় শেজ্ নিজেস্ ফেলেবাক। সময় থাগদে তা জিংকানির বেলান ডুবি যেবঅ। যিগুনে বাঁজি থেবাক্ তারারেয়ো মুই শত্রুগুনোরে তলোয়ার মুজুঙোত্ দিম।‍‍‍ মুই লগেপ্রভু এ কধাগান কঙর্।”

যিরমিয় 25:12

মাত্তর্ সত্তুর বজর্ অলে পরেদি মুই বাবিলোর রাজা আর তা জাদ্‌তুনোরে তারার অন্যেয়ত্তে সাজা দিম আর বাবিলীয়গুনোর দেজ্‌‌‌চান উমরত্তে ভস্তর্ জাগা বানেম।

আবিলেচ্ 4:11

লগেপ্রভু তার্ অমকদ অহুজিগানরে পুরোপুরি নিগিলেয়্যে; তার্ অমকদ রাগ্‌কান তে ঢালি দিয়্যে। তে সিয়োনত্ আগুন জ্বালেয়্যে; সেক্কে তার্ খুদোগুন সং জ্বালেই দিয়্যে;

আবিলেচ্ 4:22

ও সিয়োন-ঝিবো, তঅ সাজাগান শেজ্ অবঅ; তে তরে আর্ বন্দীদজাত্ ফেলেই ন-রাগেব; মাত্তর্ ও ইদোম্-ঝিবো, তে তর্ অন্যেয়র সাজা দিবো আর তঅ পাপ্‌পানি ফগদাং গুরিবো।

যিহিষ্কেল 13:15

সেই দেবালান্ আর সিয়েনরে যিগুনে চিবিদিলোই নাঢি দুয়োন তারা উগুরে মুই মঅ রাগ্‌কান পুরোপুরি ঢালি দিম। মুই মানুচ্চুনোরে কোম্, সেই দেবালান্ নেই আর যিগুনে সিয়েন চিবিদি গুল্যন্,

যিহিষ্কেল 14:21

“ইক্কিনে মুই প্রভু লগেপ্রভু কঙর্, মুই যেক্কে যিরূশালেমর মানুচ্ আর এ্যামানুন মারে ফেলেবাত্তে সিয়েন বিরুদ্ধে যুদ্ধো, ভাদরাত্, ঝার্‌বো য়েমান আর ভানা-এ চেরান্ দর্‌গরেপারা সাজা পাদেম্ সেক্কে কত্তমান না ভান্ন্যেই অবঅ!

যিহিষ্কেল 16:42

সে পরেদি তঅ উগুরেত্তুন মর্ রাগ্‌কান আর মনর্ জ্বালাগান থামেব। মুই শান্ত ওম, আর অহুজি ন-ওম।

যিহিষ্কেল 16:63

মুই যেক্কে তর্ বেক অন্যেয়ানি খেমা গুরিম সেক্কে তুই সেই বেক্ অন্যেয় কামানির্ কধা ইদোত্ তুলিনে লাজেবে আর তর্ অসর্মানত্তে আর কনদিন্‌অ মুয়োন ন-খুলিবে। মুই প্রভু লগেপ্রভু এ কধাগান কঙর্।”

যিহিষ্কেল 17:21

তার সেরা সৈন্যগুনে যুদ্ধোত্ মুরি যেবাক্ আর বাদবাগি সৈন্যগুনে চেরোকিত্তে ছিদি পড়িবাক্। সেক্কে তুমি হবর্ পেবা যে, মুই লগেপ্রভু এ কধাগান কোইয়োং।’”

যিহিষ্কেল 20:21

মাত্তর্ সেই পুয়ো-ছাগুনে মঅ বিরুদ্ধে উল্লোমী গুরিলাক্। তারা মর্ সুদোমানি ন-পালেলাক্ আর যে রীদি-সুদোমানি পালেইলে মানুচ্ জিংকানি পায় তারা মর্ সেই আইন-কানুনানি মানি চলানা ইন্দি মনযোগ ন-দিলাক্; তারা মর্ দিয়্যে জিরেবার দিনুনোর পবিত্রতাগান রোক্ষ্যে ন-গুরিলাক্। সেনত্তে মুই কলুং ধূল্যেচর-চাগালাত্ মুই তারা উগুরে মর্ রাগ্‌‌কান আর অমকদ অহুজি অনাগান পুরোপুরি ঢালি দিম।

যিহিষ্কেল 20:8

মাত্তর্ তারা মঅ বিরুদ্ধে উল্লোমী গুরিলাক্, মঅ কধানি শুনিবাত্তে রাজি ন-অলাক্। যিদুক্কুন জঘন্য মূত্তি তারা ইধু গম্ লাগিদো সিগুন তারা দূর্ ন-গুরিলাক্ আর মিসরর মূত্তিগুন ন-ছাড়িলাক্। সেনত্তে মুই কলুং মিসরত্ মুই তারা উগুরে মঅ রাগ্‌‌‌‌কান আর অমকদ অহুজি অনাগান্ পুরোপুরি ঢালি দিম।

যিহিষ্কেল 21:17

মুইয়ো আঢত্ আঢ্‌‌‌‌‌‌‌‌‌‌তোই আঘাত্ গুরিম আর মঅ রাগ্‌‌‌‌‌‌‌‌‌‌কান থামেব। মুই লগেপ্রভু এ কধাগান কঙর্।”

যিহিষ্কেল 21:22

তার ডেন্ আঢত্ থোইয়্যে গোণেবার-পড়িবার জিনিস্‌চানে যিরূশালেম ইন্দি পথ্‌তান দেগেই দিবো; সিয়েনত্ তে দেবাল আর গেট্ ভাঙিবার মিশিন বোজেব, মারে ফেলেবার উগুম দিবো, যুদ্ধোর্ ডাগনি দিবো, নিযো কুড়্ আর অজল্ কুড়্ বানেব।

যিহিষ্কেল 23:25

মর্ মনর্ জ্বালা মুই তঅ বিরুদ্ধে কামত্ লাগেম বিলিনে তারা অমকদ রাগ গুরিনে তল্লোই বেবহার গুরিবাক্। তারা তর্ নাগ-কান কাবি দিবাক্ আর তর্ বাদবাগি মানুচ্চুনোরে মারে ফেলেবাক্। তারা তঅ ঝি-পুয়োগুনোরে নেযেবাক্, আর তর্ বাদবাগি মানুচ্চুন আগুনোত্ পুড়ি মুরিবাক্।

যিহিষ্কেল 24:13

“‘ও যিরূশালেম, তর্ ভান্ন্যেই কামান অলঅ তর্ সেই অসিজিগান। মুই তরে কাজেবাত্তে চেট্ট্যা গুরিলুং মাত্তর্ তর্ অসিজিগানত্তুন্ তুই সাব্ ন-অলে। তঅ বিরুদ্ধে মঅ রাগ্‌‌‌‌‌‌‌কান পুরোপুরি ঢালি ন-দেনা সং তুই আর সাব্ ন-অবে।

যিহিষ্কেল 43:8

তারা মঅ ঘরর্ কায়কুরে তারার্ ঘরানি বানেয়োন; তারা ঘরানি আর মঅ ঘরানি মোধ্যে বানা এক্কান দেবাল এলঅ। তারার জঘন্য কামানিলোই তারা মঅ পবিত্র নাঙান্ কলংকিত গোজ্যন্। সেনত্তে মুই রাগে তারারে ভস্ত গোজ্যং।

যিহিষ্কেল 6:10

সেক্কে তারা হবর্ পেবাক্, মুয়ই লগেপ্রভু; তারা উগুরে এ দযাগান আনিবার কধা মুই অনত্তক্ ন-কং।’ ”

যিহিষ্কেল 6:12

যে দূরোত্ আঘে তে ভানালোই মুরিবো আর যে কায়-কুরে আঘে তে যুদ্ধোত্ মুরিবো, আর যে বাঁজিবো তে ঘিজ্যে ভিদিরে পড়িনে ভাদরাদে মুরিবো। এবাবোত্যেগুরি মঅ রাগ্‌‌কান মুই তারা উগুরে পুরোপুরি গুরি ঢালি দিম্।

যিহিষ্কেল 7:3

ইক্কিনে সে সময়ান তঅ উগুরে লুম্মেগি আর তঅ বিরুদ্ধে মুই মঅ রাগ্‌‌‌কান ঢালি দিম। তঅ চালচলন মজিম্ মুই তঅ বিচের্ গুরিম আর তর্ বেক জঘন্য কামানিত্তে তরে সাজা দিম।

যিহিষ্কেল 7:8

মুই যাদিমাদি তমা উগুরে মঅ রাগ্‌‌‌‌‌কান পুরোপুরি ঢালি দিম্। তমা চালচলন মজিম্ মুই তমারে বিচের্ গুরিম আর তমার্ বেক জঘন্য কামানিত্তে সাজা দিম।

দানিয়েল 11:36

উত্তরেদি রাজাবো নিজো আওজ্ মজিম কাম্ গুরিবো। বেক্ দেবেদাগুনোত্তুন্ তে নিজোরে দাঙর্ গুরি দেগিবো আর যিবে দেবেদগুনোর গোজেন তা বিরুদ্ধেয়ো দাঙর্ দাঙর্ কধা কবঅ। গোজেনর রাগ্‌‌কান পুরোপুরিগুরি ঢালি ন-দেনা সং তে সফল অবঅ, কিত্যে যিয়েন থির্ গরা ওইয়্যে সিয়েন ‌‌হামাক্কায় ঘুদিবো।‌‌

হোশেয় 10:10

মর্ যেক্কে হুজি সেক্কে মুই তারারে সাজা দিম; তারার্ দ্বিয়েন পাপর্ কারনে তারারে বানিবাত্তে নানান্ জাদে তারা বিরুদ্ধে এগত্তর্ অবাক্।

সখরিয় 6:8

সে পরেদি তে মরে ডাগিনে কলঅ, “চাহ্, যিগুনে উত্তোর্ দেজ ইন্দি যাদন্ তারা মঅ রাগ্‌‌‌‌‌‌কান থামেই দুয়োন্।”

দ্বি’লম্বর বিররণ 28:63

যে খুজিলোই লগেপ্রভু তমারে ভালেদি গোজ্যে আর তমার মান্‌জ্যর সোংখ্যে বাড়েই দিয়্যে সেই খুজিলোই সেক্কে তে তমারে ভস্ত গুরিনে শেজ্‌ গুরি দিবো। যে দেজ্‌ছান তুমি গজক্ গুরিবাত্তে যর্‌ সে দেজ্‌ছানত্তুন শিঙোর্‌ সুদ্ধো তমারে তুলি ফেলা অবঅ।

দ্বি’লম্বর বিররণ 32:36

লগেপ্রভু সেক্কে কবঅ, তার মানুচ্চুনোর বল্‌ ফুরেইয়্যে, চাগর বা গিরোজ্ কারর্‌ আর বল্‌ নেই, সেক্কে তে তার মানুচ্চুনোর পক্ষ নেযেব, তার চাগরুনো উগুরে দোয়্যে গুরিবো।