যিহিষ্কেল 5:11 - Chakma Bible

¹¹ সেনত্তে মুই প্রভু লগেপ্রভু মঅ জিংকানিগান নাঙে কঙর্, তর্ বেক বাজে মূত্তি আর জঘন্য কামানিলোই তুই মঅ ঘরান অসিজি গোজ্যস্ বিলিনে মুই নিজে মঅ দোয়্যেগান সোরেই নেযেম্; মুই তঅ উগুরে মেয়্যে গুরি রিনি ন-চেম্ বা তরে রেহাই ন-দিম্।

যিহিষ্কেল 5:11 ပူးပေါင်းရင်းမြစ်များ

২ রাজাবলী 21:4

লগেপ্রভু যে ঘরান পৌইদ্যেনে কোইয়্যে, “মুই যিরূশালেমত্‌ বজত্তি গুরিম,” লগেপ্রভুর সে ঘরান ভিদিরে তে কয়েক্কো ডালিপূজো বানেল।

২ রাজাবলী 21:7

তে যে আশেরা-খুদোবো চাজিনে বানেয়্যে সিবে নেযেইনে তবনা-ঘরত্‌ রাগেল। এ তবনা-ঘরান পৌইদ্যেনে লগেপ্রভু দায়ূদ আর তা পুয়ো শলোমনরে কোইয়্যে, “এ ঘরান্‌ আর ইস্রায়েলর বেক্‌ গুট্টিগুনো ভিদিরেত্তুন্‌ মর্‌ বেঈ নেযেয়্যে এ যিরূশালেমানরে মুই উমরত্তে মর্‌ বজত্তি জাগা বানেম্‌।

২ রাজাবলী 23:12

রাজঘর ছাল উগুরে রাজা আহস উগুরে গুদিবো ইদু যিহূদার রাজাগুনে যিদুক্কুন্‌ ডালিপূজো বানেয়োন আর লগেপ্রভুর ঘরর্‌ দ্বিয়েন্‌ উদোনত্‌ মনঃশি যিদুক্কুন্‌ ডালিপূজো বানেয়্যে যোশিয় সিগুনোরে ভাঙিনে কট্টা কট্টা গুরিনে কিদ্রোণ কলগত্‌ ফেলেই দিলো।

২ বংশধর 33:4

যে ঘরান পৌইদ্যেনে লগেপ্রভু কোইয়্যে, “মুই জিংকানিবর যিরূশালেমত্‌ বজত্তি গুরিম,” লগেপ্রভুর সে ঘর ভিদিরে তে কয়েক্কো ডালিপূজো বানেল।

২ বংশধর 33:7

তে যে মূত্তিবো কাবিনে বানেইয়্যে সিবে নেযেইনে গোজেন ঘরত্‌ রাগেল। গোজেনে এ ঘরান পৌইদ্যেনে দায়ূদ আর তার্‌ পুয়ো শলোমনরে কোইয়্যেদে, “এ ঘরান্‌ আর ইস্রায়েলর পুরো গুট্টিগুনো ভিদিরেত্তুন্‌ মর্‌ বেঈ লোইয়্যে এ যিরূশালেমানরে মুই উমরত্তে মর্‌ থেবার্‌ জাগা বানেম্‌।

২ বংশধর 36:14

ইয়েনিবাদেয়ো ধর্মগুরুগুনোর্‌ বেক্‌ নেতাগুনে আর মানুচ্চুনে অন্য জাদ ধোক্ক্যেন বজং অভ্যেস্‌ গুরি চলিনে জদবদে পাপ গুরিলাক্‌ আর লগেপ্রভু যিরূশালেমত্‌ তার্‌ যে ঘরানরে নিজোর্‌ নাঙে যুদো গোজ্যে সিয়েন্‌ অসিজি গুরিলো।

ইয়োব 27:22

সেই দাঙর্ বোইয়্যেরানত্তুন্ যেক্কেনে তারা যাদিমাদি ধেই যেবাত্তে চেবাক্ সেক্কেনে চিৎনপুজ্যেগুরি সিয়েনে তারা উগুরে ঝাবেই পুরিবো।

গীতসংহিতা 107:39

অত্যেচারে, দজাত্ পুরিনে আর দুঘে আরঅ তারা জনেদি কমি যান আর তারার অবস্থাগান গম্ ন-অয়।

গীতসংহিতা 95:11

সেনত্তে মুই রাগে শমক্ হেইনে কোইয়োঙে, “মর্ দিয়্যে জিরেবার জাগানত্ তারা যেই ন-পারিবাক্। ”

যিরমিয় 10:24

ও লগেপ্রভু, বানা ন্যায়বিচেরলোই তুই মরে সংশোধন গর্, মাত্তর্ তর্ রাগে সিয়েন ন-গুরিচ্, গুরিলে তুই মরে এক্কুবারে শূন্য গুরি দিবে।

যিরমিয় 16:18

তারার পাজিগানিত্তে আর পাপ্পানিত্তে মুই তারারে দ্বিগুন ফল দিম, কিত্তে তারা মঅ দেজ্‌‍‍‍চানরে অসিজি গোজ্যন আর তারাত্তে জঘন্য মূত্তি আর পুজোলোই মর্ সেই অধিকারানরে পুরোন গোজ্যন‍।”

যিরমিয় 32:34

মঅ ঘরত্ তারা তারার সাংগাদিক্ মূত্তিগুন বোজেইনে সিয়েন অসিজি গোজ্যন্।

যিরমিয় 44:4

মুই বার্ বার্ মঅ চাগরুনোরে, অত্তাৎ ভাববাদীগুনোরে পাদেয়োং; তারা কোইয়োন্দে যে, তারা যেন সেই জঘন্য কামানি ন-গরন্ যিয়েনি মুই ঘিনাং।

আবিলেচ্ 2:17

লগেপ্রভু তা পরিকল্পনা মজিম্ কাম গোজ্যে; যে কধানি তে বোউত্ আগেদি কোইয়্যে সে কধানি পূরোণ গোজ্যে। তে মেয়্যে ন-গুরিনে তরে মেলা মারি দিয়্যে; শত্রুরে তঅ বিরুদ্ধে তে ফুত্তি গুরিবাত্তে দিয়্যে, তর্ বিপক্কগুনোর্ বলানি বাড়েই দিয়্যে।

আবিলেচ্ 2:21

পুয়ো আর বুড়োগুনে ধূল্যে ভিদিরে পধে পধে পড়ি আগন্; মর্ গাবুজ্যে-গাবুরিগুনে তলোয়ার ইধু পড়ি যেয়োন। তর্ রাগ দিনোত্ তুই তারারে মারে ফেল্যস্; তুই তারারে কাবি ফেল্যস্, মেয়্যে ন-গরচ্।

যিহিষ্কেল 11:18

“তারা সিদু ফিরি যেইনে বেক্ বাজে মূত্তি আর জঘন্য মূত্তিগুন দূর্ গুরি দিবাক্।

যিহিষ্কেল 11:21

মাত্তর্ যিগুনোর মনানি বাজে মূত্তি আর জঘন্য মূত্তিগুনো ইন্দি, তারার্ কামর ফল মুই তারা উগুরে ঢালি দিম। মুই প্রভু লগেপ্রভু এ কধাগান কঙর্।”

যিহিষ্কেল 23:28

তুই যিগুনোরে ঈচ্ গরচ্, যিগুনোর ইন্দিত্তুন্ তুই ফিজ্যস্ তারা আঢত্ মুই তরে তুলি দিম।

যিহিষ্কেল 23:38

ইয়েনি বাদেয়ো সেই একই সময়োত্ তারা মর্ ঘরান অসিজি গোজ্যন্। তারা মর্ জিরেবার দিনুনোর সুদ্ধো-সাংগগান রোক্ষ্যে ন-গরন্।

যিহিষ্কেল 23:39

সেই একই দিনোত্ তারা তারার্ মূত্তিগুন ইধু তারার্ ঝি-পুয়োগুনোরে জবাই গোজ্যন্ আর মঅ ঘরত্ সোমেইনে সিগুন অসিজি গোজ্যন্। তারা মঅ ঘর ভিদিরে এ কামানি গোজ্যন্।

যিহিষ্কেল 24:14

মর্ কাম গুরিবার সময় এচ্চ্যে। মুই সিয়েন গুরিম্‌বে গুরিম, মেয়্যেয়ো ন-গুরিম বা নরমঅ ন-ওম্। তর্ আচার-বেবহার আর তর্ কাম মজিম্ তরে বিচের্ গরা অবঅ। মুই প্রভু লগেপ্রভু এ কধাগান কঙর্।’”

যিহিষ্কেল 29:15

পথ্রোষচান্ অবঅ বেগত্তুন নরম রেজ্য; অন্য জাদ্‌‌‌‌‌তুনো ভিদিরে সিয়েনে কনদিন্‌অ নিজোরে অজল্ ন-গুরিবো। মুই তারে এদক্ নরম গুরিম, সিয়েনে আর কনদিন্‌অ অন্য জাদ্‌‌‌‌‌তুনো উগুরে রাজাগিরি গুরি ন-পারিবো।

যিহিষ্কেল 33:11

তুই তারারে কঅ, মুই প্রভু লগেপ্রভু, মর্ জিংকানির নাঙে কঙর্, পাজি মানুচ্চুনোর মরণত্তে মুই কনঅ হুজি ন-অং, বরং তারা যেন ভান্ন্যেই পধত্তুন্ ফিরিনে বাঁজন্ সিয়েন্দোই মুই হুজি অং। ও ইস্রায়েল জাদ্, তুমি ফিরো, তমা ভান্ন্যেই পধত্তুন্ তুমি ফিরো। কিত্তে তুমি মুরি যেবা?

যিহিষ্কেল 43:8

তারা মঅ ঘরর্ কায়কুরে তারার্ ঘরানি বানেয়োন; তারা ঘরানি আর মঅ ঘরানি মোধ্যে বানা এক্কান দেবাল এলঅ। তারার জঘন্য কামানিলোই তারা মঅ পবিত্র নাঙান্ কলংকিত গোজ্যন্। সেনত্তে মুই রাগে তারারে ভস্ত গোজ্যং।

যিহিষ্কেল 44:7

তমা অন্য জঘন্য আচার-বেবহার লগে তুমি মইধু হানা, তেল্ আর লো উৎসর্ব গুরিবার অক্তত্ মনেদি আর কিয়্যেদি সুন্নত-ন-গোজ্যে বিদেশীগুনোরে মঅ ঘরত্ আনিনে মঅ ঘরান্ অসিজি গোজ্য আর তারার কাম ভিদিরেদি তুমি মর্ সুদোমান বাতিল গোজ্য।

যিহিষ্কেল 5:7

সেনত্তে মুই প্রভু লগেপ্রভু কঙর্, ও যিরূশালেম, তঅ চেরোকিত্তে দেজ্‌‌‌চানিত্তুন্ তুই আরঅ বেশ্ ভান্ন্যেই ওইয়োচ্। তুই মঅ নিয়মানি ন-মানচ্ আর মর্ সুদোমানিয়ো ন-পালাচ্। এমন কি, তর্ চেরোকিত্তে জাদ্‌‌‌‌তুনোর সুদোম্ মজিম্‌অ ন-চলচ্। ‌‌‌

যিহিষ্কেল 7:20

তারার্ দোল্ সোনানিলোই তারা বাড়্‌বো গুরিদাক্ আর সিয়েনিলোই তারার্ জঘন্য মূত্তি আর মূত্তিগুন বানেদাক্। সেনত্তে মুই তারাত্তে সিগুন অসিজি গুরি দিম্।

যিহিষ্কেল 7:4

মুই তঅ ইন্দি মেয়্যেলি চোগে রিনি ন-চেম্ বা তরে রেহাইঅ ন-দিম্; তর্ চালচলন আর তঅ ভিদিরে জঘন্য কামানিত্তে মুই ঘেচ্চেকগুরি তরে সাজা দিম্। সেক্কে তুই হবর্ পেবেদে, মুয়ই লগেপ্রভু।’”

যিহিষ্কেল 7:9

মুই মেয়্যেলি চোগেদি তমা ইন্দি রিনি ন-চেম্ বা তমারে রেহাইঅ ন-দিম্; তমার চালচলনানি আর তমা ভিদিরে জঘন্য কামর্ পাওনাগানি মুই তমারে দিম্। সেক্কে তুমি হবর্ পেবা যে, মুই লগেপ্রভু আঘাত্ গরং।

যিহিষ্কেল 8:15

তে মরে কলঅ, “ও মান্‌‌‌‌জ্যর পুয়োবো, তুই ইয়েন কি দেগিলে? ইয়েনত্তুন্‌অ বেশ্ জঘন্য জিনিস তুই দেগিবে।”

যিহিষ্কেল 8:16

সে পরেদি তে মরে লগেপ্রভুর ঘর ভিদিরে উদোনত্ নেযেল আর সিদু উবোসনা-ঘরত্ সোমেবার মুয়োনত্ বারান্দা আর পূজোর্ সংমোধ্যে পেরায়্ পোজোশ্‌জন মানুচ্ এলাক্। লগেপ্রভু ঘর ইন্দি পিজেদি ফিরিনে পূগেদি মু গুরি তারা বেলানরে জু জু জানাদন্।

যিহিষ্কেল 8:18

সেনত্তে মুই রাগে জুলি উদিনে তারা সমারে ইয়েনি বেবহার গুরিম; মুই তারারে মেয়্যেলি চোগেদি রিনি ন-চেম্ বা তারারে রেহাই ন-দিম্। তারা মঅ কান্‌‌জাবা কুরে রঅ ছাড়িলেয়ো মুই তারা কধা ন-শুনিম।”

যিহিষ্কেল 9:10

সেনত্তে মুই তারারে মেয়্যেলী চোগেদিয়ো ন-চেম্, রেহাইঅ ন-দিম; তারা যিয়েনি গোজ্যন্ সিয়েনর ফল মুই তারা উগুরে ঢালি দিম্।”

যিহিষ্কেল 9:5

সে পরেদি মুই শুনিলুং তে সেই ছয়জনরে কত্তে, “তুমি শঅর ভিদিরে তা পিজে পিজে যঅ আর কনঅ মেয়্যে দোয়্যে ন-দেগেইনে মানুচ্চুনোরে মারে ফেলঅ, কাররে রেহাই ন-দুয়ো।

লেবীয় 15:31

যেরেদি লগেপ্রভু মোশি আর হারোণরে কলঅ, “ইস্রায়েলীয়গুনো ভিদিরে মর্‌ থেবার্‌-তাম্বুল আঘে। তুমি বেক্‌ ফি-বলাগানত্তুন্‌ তারারে দূরোত্‌ রাগেবা যেনে তারা থেবার-তাম্বুলান ফি-বলা গুরিনে তারা ফি-বলাগান ভিদিরে মুরি ন-যান।”

আমোষ 8:7

লগেপ্রভু, যিবে যাকোবর্ বাঈনী গুরিবার, তে শমক্ হেইনে কোইয়্যেদে, “তারা যিয়েনি গোজ্যন সিয়েনি কনদিন্‌অ মুই ভুলি ন-যেইম্।

সখরিয় 11:6

দেজ মানুচ্চুনো উগুরে মুই আর দোয়্যে ন-গুরিম; মুই পত্তিজনরে তার পাড়াল্যে আর রাজা আঢত্ তুলি দিম। তারা দেজ্‌‌চানরে ভস্ত গুরিবাক্ আর তারা আঢত্তুন্ মুই কাররে উদ্ধোর্ ন-গুরিম।”

মালাখি 3:17

তারা পৌইদ্যেনে বেগত্তুন্ খেমতাবলা লগেপ্রভু কত্তে, “মর্ ঠিগ্ গোজ্যে দিনোত্ তারা মর্ নিজোর্ বিশেজ্ সোম্বোত্তি অবাক্; তারা মরই অবাক্। এক্কো মানুচ্ যেবাবোত্যেগুরি তার্ সেবাগুরিয়্যে পুয়োবোরে মেয়্যে গুরিনে সাজাত্তুন্ রেহাই দে সেবাবোত্যেগুরি মুই তারারে রেহাই দিম্।

রোমীয় 11:12

সালে দেগা যায়, যিহূদীগুনোর পাপর্ কারনে জগদ মানুচ্চুনোর্ বোউত্ লাভ অলঅ, অয়, তারার ক্ষতির্ কারনে অযিহূদীগুনোর্ বোউত্ লাভ অলঅ। সেনত্যে যিহূদীগুনো উগুরে গোজেনর্ পুরো আশিদ্‌বাদ্‌তান যেলক্কে লামি এবঅ, সেলক্কে তা সমারে আরঅ কত্তমান বেচ্‌ আশিদ্‌বাদ এবঅ।

রোমীয় 11:21

কিয়া গোজেনে যেক্কে এলঅ ডেলাগুন্অ রেহাই ন-দে সেক্কে তরেয়ো রেহাই ন-দিবো।

রোমীয় 8:32

গোজেনে নিজোর্ পুয়োবোরেয়ো রেহাই ন-দিলো বরং আমা বেক্কুনোত্ত্যে তারে মরণর্ আঢত্ তুলি দিলো। সালে তে কি পুয়োবো সমারে আর বেক্কানিয়ো আমারে দান ন-গুরিবো?

দ্বি’লম্বর বিররণ 29:20

লগেপ্রভু কনদিনঅ তারে ক্ষেমা গুরিবাত্তে রাজী ন-অবঅ। সে মানুচ্চো বিরুদ্ধে তার রাগ্‌কান জুলি উদিবো আর তার্‌ মনত্‌ তার পাওনা ভোক্তির আওজ্ জাগিই উদিবো। এই বোইবোত্‌ যেদক্কানি অভিশাবর কধা লেগা আঘে সিয়েনি বেক্কানি তা উগুরে পুরিবো। লগেপ্রভু পিত্‌থিমীত্তুন তার নাঙান্‌ পুঝি ফেলেব।

ইব্রীয় 6:13

গোজেনে যেক্কে অব্রাহাম ইধু এগেম্ গোজ্জ্যে সেক্কে তে নিজো নাঙেই শমক্ হেইয়্যে, কিয়া তাত্তুন্ দাঙর্ এন্‌ আর কেঅ নেই যিবের্ নাঙে তে শমক্ খেই পারে।