যিহিষ্কেল 5:10 - Chakma Bible

¹⁰ সিয়েনর ফলে তঅ ভিদিরে বাব্‌পুনে তারার্ পুয়ো-ঝিগুনোর য়েরানি হেবাক্ আর পুয়ো-ঝিগুনে তারার্ বাব্‌পুনোর্ য়েরানি হেবাক্। মুই তরে সাজা দিম্ আর তর্ বাঁজি থেইয়্যে মানুচ্চুনোরে চেরোকিত্তে ছিদি দিম্।

যিহিষ্কেল 5:10 ပူးပေါင်းရင်းမြစ်များ

২ রাজাবলী 6:29

সেনত্তে আমি মঅ পুয়োবোরে রানিনে হেইয়্যেই। তার্‌কেল্যে মুই তারে কলুং, ‘এবেরা তঅ পুয়োবো আমারে হেবাত্তে দে।’ মাত্তর্‌ তে তারে লুগেই রাগেয়্যে।”

নহিমিয় 1:8

কোজোলি গরঙ্‌, তঅ চাগর্‌ মোশিরে তুই যে উগুমান্‌ দুয়োচ্‌ সিয়েনি মনত্‌ তুলি চাহ্। তুই কোইয়োচ্ছ্যে, তুমি যুনি অবিশ্বেজি অ সালে মুই অন্য জাত্‌তুনো ভিদিরে তমারে ছিদি দিম্‌;

গীতসংহিতা 44:11

ডালি দেদে ভেড়া ধোক্ক্যেন্ গুরিনে তারার আঢত্ তুই আমারে তুলি দুয়োচ্ আর নানান্ জাদ ভিদিরে ছিদি দুয়োচ্।

যিশাইয় 49:26

তঅ উগুরে যিগুনে অত্যেচার গরন্ মুই তারার য়েরানি তারারে হাবেম্; তারা মদ ধোক্ক্যেন গুরি নিজো লো-গান হেইনে মাত্তল্ অবাক্। সেক্কে বেক্ মানুচ্চুনে হবর্ পেবাক্, মুই লগেপ্রভু তর্ উদ্ধোরগুরিয়্যে, তর্ মুক্তিদিয়্যে, যাকোবর্ সেই খেমতাবলা মানুচ্চো।”

যিশাইয় 9:20

এ ডাগেদি যিয়েনি আঘে সিয়েনি তারা গিলিবাক্, মাত্তর্ তো পেট্‌পরা থেবঅ; উ ডাগেদি যিয়েনি আঘে সিয়েনি হেই পারিবাক্, মাত্তর্ ঈল্ ন-অবঅ। যেরেদি পত্তিজনে নিজো মানুচ্চুনোর্ য়েরা হেবাক্-

যিরমিয় 13:14

আংগুর-রস পিলে ধোক্ক্যেন গুরি মুই একজন উগুরে আর একজনরে আছাড়্ মারিনে চুরমার গুরিম; বাপ্ ওক্ বা পুয়ো ওক্ বেক্কুনোরে চুরমার গুরিম। মুই কনঅ কোচ্‌‌পানা বা দোয়্যে বা মেয়্যে ন-গুরিম; তারারে ভস্ত গুরিম্‌‌‍‍বে গুরিম।’ ”

যিরমিয় 19:9

তারার শত্রুগুন, অত্তাৎ যিগুনে তারারে মারে ফেলেবাত্তে চান তারা যেক্কে তারারে ঘিরিবাক্ সেক্কে সে দুঘোর্ সময়োত্ মুই তারার ঝি-পুয়োগুনোর য়েরাগান তারারে হেবাত্তে বাধ্য গুরিম আর তারা একজনে আর একজনর য়েরা হেবাক্।

যিরমিয় 44:12

যিহূদার বাদবাগি যিদুক্কুন মানুচ্ মিসরত্ যেইনে বজত্তি গুরিবাক্ বিলিনে ঠিগ্ গোজ্যন্ তারা বিরুদ্ধে মুই এমন বেবস্থা গুরিম যেনে তারা বেক্কুনে মিসরত্ ভস্ত অয়। তারা বেক্কুনে যুদ্ধোত্ ন-অলে ভাদরাদত্ মুড়িবাক্। তারা অবাক্ ঠাট্টা-মশ্‌‌‌‌কারি আর ঈচ্ গরেদে মানুচ্; তারা অবস্থা দেগিনে মানুচ্চুনে আমক্ অবাক্, আর তারা নাঙানিলোই মানুচ্চুনে অভিশাব্ দিবাক।

যিরমিয় 49:32

তারার উট্‌‌তুন লুদেয়্যে মাল অবঅ আর তারার দাঙর্ য়েমান পাল লুদেয়্যে জিনিস অবঅ। যিগুনে মাঢাবোর দ্বিকিত্তেদি চুল কাবন্ তারারে মুই চেরোকিত্তে চিদি দিম্ আর বেক্কানিত্তুন্ তারা উগুরে দযা অনিম।

যিরমিয় 49:36

মুই আগাজ চেরোকিত্তেত্তুন্ চেরান্ বোইয়্যের্ এলম বিরুদ্ধে আনিম। সে বোইয়্যেরত্ মুই তারারে চেরোকিত্তে ছিদি দিম; এলমর দূর্ গুরি দিয়্যে বন্দীগুনে বেক্ জাদ্‌‌‌তুনো ইধু যেবাক্।

যিরমিয় 50:17

ইস্রায়েল যেনে এক্কান ছিদি পোজ্যে ভেড়া পাল যিগুনোরে সিংহগুনে লোড়েই দুয়োন্। পত্তমে আসিরিয়ার রাজা তারে আক্রমণ গোজ্যে; যেরেদি বাবিল রাজা নবূখদ্‌নিৎসরে তা আড়ুন্ গুড়ি গুরি দিয়্যে।

যিরমিয় 9:16

মুই তারারে এমন বেক্ জাদ ভিদিরে ছিদি দিম্ যিগুনোরে তারা হবর্ ন-পান বা তারার পুরোণি মানুচ্চুনেয়ো হবর্ ন-পান। তারার ভস্ত ন-গরানা সং মুই যুদ্ধো পাধেইনে তারা পিজেদি লোড়েম্।’ ”

আবিলেচ্ 2:20

ও লগেপ্রভু, চাহ্, ভাবি চাহ্, তুই দঅ আর্ কারঅ উগুরে এবাবোত্যে বেবহার ন-গরচ্? মিলেগুনে কি তারার্ নিজো পুয়ো-ছাগুনোরে হেবাক্ যিগুনোরে তারা পালেয়োন? প্রভুর সুদ্ধো-সাংগ জাগানত্ কি ধর্মগুরু আর ভাববাদীগুনোরে মারে ফেলা অবঅ?

আবিলেচ্ 4:10

দোয়্যেলু মিলেগুনে নিজো আঢে তারার্ পুয়ো-ছাগুনোরে হানা রানি দেদন্। মঅ মানুচ্চুনোর্ ভস্ত অবার্ সময় তারার্ পুয়ো-ছাগুন তারার্ হানা ওইয়োন্।

আবিলেচ্ 4:16

লগেপ্রভু নিজে তারারে ছিদি দিয়্যে; তে তারা উগুরে আর মনযোগ্ ন-দে। মান্‌জ্যে ধর্মগুরুগুনোরে সর্মান ন-দেগান্, দোয়্যে ন-গরন্ বুড়ো নেতাগুনোরে।

আবিলেচ্ 4:3

শিয়েলুনেয়ো নিজো ছঅগুনোরে বুগো দুধ হাবান্, মাত্তর্ মঅ মানুচ্চুন ধূল্যেচর-চাগালার্ উট পেক্কুনো ধোক্ক্যেন্ চিৎনপুজ্যে ওইয়োন্।

যিহিষ্কেল 12:14

মুই তার চেরোকিত্তে বেক্কুনোরে, অত্তাৎ তার কামগুরিয়্যেগুনোরে আর তার বেক্ সৈন্যদলুনোরে চেরোকিত্তে ছিদি দিম্ আর খুলো তলোয়ারলোই মুই তারারে লোড়েম্।

যিহিষ্কেল 12:15

“মুই যেক্কে তারারে নানান্ জাদত্ আর দেজ ভিদিরে ছিদি দিম্ সেক্কে তারা হবর্ পেবাক্ যে, মুয়ই লগেপ্রভু।

যিহিষ্কেল 17:21

তার সেরা সৈন্যগুনে যুদ্ধোত্ মুরি যেবাক্ আর বাদবাগি সৈন্যগুনে চেরোকিত্তে ছিদি পড়িবাক্। সেক্কে তুমি হবর্ পেবা যে, মুই লগেপ্রভু এ কধাগান কোইয়োং।’”

যিহিষ্কেল 20:23

সিয়েন বাদেয়ো ধূল্যেচর-চাগালাত্ মুই তারা ইধু শমক্ হেইয়োং, নানান্ জাদ আর দেজ ভিদিরে মুই তারারে ছিদি দিম,

যিহিষ্কেল 22:15

মুই তঅ মানুচ্চুনোরে নানান্ জাদত্ আর দেজ ভিদিরে ছিদি দিম্ আর তর্ অসিজিগান দূর্ গুরিম।

যিহিষ্কেল 36:19

মুই নানান্ জাদ্ আর দেজ ভিদিরে তারারে ছিদি দুয়োং; তারার্ আচার-বেবহার আর কামানি অনুসারে মুই তারারে সাজা দুয়োং।

যিহিষ্কেল 5:12

তঅ তিন ভাগর্ এক ভাগ মানুচ্ তঅ ভিদিরে অয় বানালোই ন-অয় ভাদরাদে মুরিবাক্; তিন ভাগর্ এক ভাগ্ দেবাল বারেদি যুদ্ধোত্ মুরিবাক্ আর তিন ভাগর্ এক ভাগরে মুই চেরোকিত্তে ছিদি দিম্ আহ্ খুলো তলোয়ারলোই লোড়েম।

যিহিষ্কেল 5:2

যেক্কে শঅরর্ ঘিরি থোইয়্যে দিনুন্ থুম্ ওই যেবঅ সেক্কে সেই চুলোর তিন ভাগর্ এক ভাগ চুল নিইনে শঅর ভিদিরে পুড়িবে। তিন ভাগর এক ভাগ চুল নিইনে ছুরিলোই শঅর চেরোকিত্তে সিয়েনি কুজি কুজি গুরি কাবিবে, আর তিন ভাগর্ এক ভাগ চুল নিইনে বোইয়্যেরত্ উড়েই দিবে। যেরেদি খুলো তলোয়ারলোই মুই মানুচ্চুনোরে লোড়েম্।

যিহিষ্কেল 6:8

“‘মাত্তর্ মুই কিজু মান্‌‌‌‌‌‌‌জ্যরে বাঁজেই রাগেম্; তুমি যেক্কে নানান্ দেজত্ আর জাদ ভিদিরে ছিদি পড়িবা সেক্কে সেই মানুচ্চুনে মরণর্ আঢত্তুন বাঁজিবাক্।

দানিয়েল 9:7

ও প্রভু, তুই ন্যায়বলা, মাত্তর্ এচ্চ্যে সং আমি অগমানে নাঢা যেইয়্যেই। যিহূদার মানুচ্চুনে, যিরূশালেমর আদাম্মেগুনে আর যিদুক্কুন ইস্রায়েলীয়রে তঅ উগুরে অবিশ্বেজর্ কারনে তুই নানান্ দেজত্ ছিদি দুয়োচ্ তারা বেক্কুনে অগমানে নাঢা যেইয়্যে আঘন্।

লেবীয় 26:29

সেক্কে পেট পড়ায়্‌ তুমি তমার্‌ ঝি-পূঅগুনোর্‌ য়েরা হেবা।

লেবীয় 26:33

ভালোক্‌ জাদ ভিদিরে মুই তমারে ছেট্টেরাগুরি রাগেম্‌ আর লাম্বা ছুড়ি আঢত্ লোইনে তমা পিজে পিজে লোড়েম। তমার দেজর্‌ বেক্‌ ভূই, শঅর আর আদামানি ভস্ত ওইনে পড়ি থেবঅ।

আমোষ 9:9

মুই উগুম দিম, আর চালোনত্ যেবাবোত্যেগুরি শোজ্য ঝারন্ সেবাবোত্যেগুরি বেক্ জাদ ভিদিরে মুই ইস্রায়েলর বংশবোরে ঝারিম, মাত্তর্ বিজিও মাদিত্ ন-পড়িবাক্।

সখরিয় 2:6

লগেপ্রভু কত্তে, “শুনো, শুনো। মুই দঅ চেরোকিত্তে তমারে ছিদি দুয়োং, মাত্তর্ ইক্কিনে তুমি উত্তোরে দেজত্তুন্ ধেই এজঅ।

সখরিয় 7:14

মুই নচিন্যে জাদ ভিদিরে তারারে ছিদিই দুয়োং। ইয়েনর্ পরেদি তারা দেজ্‌‌চান এমন মানুচ্ নেইয়্যে ওই পোজ্যন, সিয়েনত্ কনজনে যানা-এযানা ন-গুরিদাক্। এবাবোত্যেগুরি তারা সেই দোল্ দেজ্‌‌চানরে মানুচ্ নেইয়্যে গোজ্যন্।”

লূকে লেখ্যে গম্ হবর্ 21:24

লাম্বা ছুড়িলোই তারারে মারে ফেলা অবঅ আর বেক জাদ্‌তুনো ইধু তারা বন্দী ইজেবে ছিদি থেবাক্। যেদক্ দিন সং অযিহূদীগুনো সময়বো ন-পুরায় সেদক্ দিন সং অযিহূদীগুনে যিরূশালেমানরে তারার্ ঠেংঅ পাদালোই উরিবাক্।

দ্বি’লম্বর বিররণ 28:64

“সে পরেন্দি লগেপ্রভু পিত্‌থিমীর এক দুঝিত্তুন অন্য দুঝি সং বেক্‌ জাদর্‌ ভিদিরে তমারে ছিদি দিবো। তুমি সিয়েনত্‌ তমার আর তমার পুরোণিমানুচ্চুনোর হবর্ ন-পেইয়্যে গাজর আর পাত্তরর্‌ দেবেদামূত্তির পূজো গুরিবা।

দ্বি’লম্বর বিররণ 32:26

মুই কোইয়োং, মুই তারারে কট্টা কট্টা গুরি ফেলেম, তারার কধানি মান্‌জ্যর মনত্তুন পুঝি ফেলেম্‌।

দ্বি’লম্বর বিররণ 4:27

লগেপ্রভু নানান্‌ জাদ ভিদিরে তমারে ছিদি দিবো আর যিগুনো ভিদিরে তে তমারে ধাবেই দিবো তমাত্তুন্‌ খুব কম্‌ মান্‌জ্যেয়ই তারা ভিদিরে বাঁজি থেবাক।