যিহিষ্কেল 48:21 - Chakma Bible

^21-22 সেই যুদো গোজ্যে জাগায়ানর্ পূগেদি আর পোজিমেদি জাগায়ান থেবঅ শাজন্‌গুরিয়্যে গুনোত্তে। এ দ্বিয়েন জাগার্ উত্তোর-দোগিণে মাব্‌‌‌‌পান যুদো গোজ্যে জাগান ধোক্ক্যেন পোজোশ্ আজার্ মাবেদে কাদি। এই দ্বিয়েন জাগা দেজর্ পূগেদি আর পোজিমেদি দুযি সং যেবঅ। এবাবোত্যেগুরি শাজন্‌গুরিয়্যেগুনোর্ জাগানর্ সংমোধ্যে থেবঅ উবোসনা-ঘর সুদ্ধো ধর্মগুরুগুনোর্ জাগা, লেবীয়গুনোর্ জাগা আর শঅরর্ জাগা। শাজন্‌গুরিয়্যেবোর্ এ জাগায়ান উত্তোরে যিহূদা আর দোগিণে বিন্যামীনর জাগানর্ দুযির্ সংমোধ্যে থেবঅ উবোসনা-ঘর সুদ্ধো ধর্মগুরুগুনোর্ জাগা, লেবীয়গুনোর্ জাগা আর শঅরর্ জাগা। শাজন্‌গুরিয়্যেবোর্ এ জাগায়ান উত্তোরে যিহূদা আর দোগিণে বিন্যামীনোর্ জাগান সংমোধ্যে থেবঅ।

যিহিষ্কেল 48:21 ပူးပေါင်းရင်းမြစ်များ

যিহিষ্কেল 37:24

“‘মঅ চাগর্ দায়ুদে তারার্ রাজা অবঅ আর তারার্ বেক্কুনোর পালক একজন অবঅ। তারা মর্ রীদি-সুদোম মজিম্ চলিবাক আর মর্ বেক সুদোমানি উজিয়ার্ ওইনে পালেবাক্।

যিহিষ্কেল 48:10

ইয়েন অবঅ ধর্মগুরুগুনোত্তে পবিত্র ভাগ্। উত্তোর্ আর দোগিণেদি ইয়েন অবঅ পোজোশ্ আজার্ মাবেদে কাদি লাম্বা আর পোজিমে আহ্ পূগেদি দশ আজার্ মাবেদে কাদি পাদাজ্যে। সিয়েনর্ সংমোধ্যেদি থেবদে লগেপ্রভুর্ ঘরান্।

যিহিষ্কেল 48:20

সেই যুদো গোজ্যে পুরো জাগায়ান অবঅ পোজোশ্ আজার্ মাবেদে কাদি গুরি এক্কান গুল্ জাগা। এ জাগান ভিদিরে থেবঅ সেই সুদ্ধো-সাংগ ভাগ্‌‌‌কান আর শঅর্ আহ্ সিয়েনর্ কায়কুরে জাগায়ানি।

যিহিষ্কেল 48:8

যিহূদার দুযির্ দোগিণে পূগেত্তুন্ পোজিমেদি সং থেবঅ সেই জাগায়ান যিয়েন তুমি বিশেষ কামত্তে যুদো গুরি রাগেবা। সিয়েন পাদাজ্যেদি অবদে পোজোশ্ আজার্ মাবেদে কাদি আর লাম্বায় অবদে অন্য গুট্টিগুনো ভাগ ধোক্ক্যেন দেজর্ পূগেদিত্তুন্ পোজিমেদি সং; সেজাগানর্ সংমোধ্যে থেবদে উবোসনা-ঘর।

হোশেয় 1:11

যিহূদা আর ইস্রায়েল মানুচ্চুনে আরঅ মিজেবাক্ আহ্ তারা উগুরে এক্কো নেতারে নেযেবাক্। তা আগেদি যে দেজত্ তারা বন্দী এলাক্ সিয়েনত্তুন্ তারা এবাক্, কিত্যে যিষ্রিয়েলর সেই দিন্নো অবঅ মহৎ।