যিহিষ্কেল 48:15 - Chakma Bible

¹⁵ বাদবাগি পাচ্ আজার্ মাবেদে কাদি পাদাজ্যে আর পোজোশ্ আজার্ মাবেদে কাদি লাম্বা চাগালাগান শঅরর্ সাধারন কামত্তে, অত্তাৎ বাড়ি-ঘর আর য়েমান্ চোরেবাত্তে বেবহার গরা অবঅ। শঅরান্ সিয়েনর্ সংমোধ্যে থেবঅ;

যিহিষ্কেল 48:15 ပူးပေါင်းရင်းမြစ်များ

যিহিষ্কেল 22:26

তার ধর্মগুরুগুনে মর্ রীদি-সুদোম বিরুদ্ধে কাম্ গরন আর মর্ সুদ্ধো-সাংগ জিনিস্‌চানি অসিজি গরন। যিয়েনি সিজি আর যিয়েনি সিজি নয় তারা সিয়েনি এক গুরি ফেলান্; তারা সিজি আর অসিজি ভিদিরে যে ফারক্কান্ আঘে সে পৌইদ্যেনে শিক্ষ্যে ন-দুয়োন্ আর মর্ জিরেবার দিনুন পালানা পৌইদ্যেনে চোগ্‌‌‌‌‌‌‌‌‌‌‌কুন নাঢি রাগান্। ইয়েনত্ তারা ভিদিরে মঅ নাঙানর্ পবিত্রতাগান বর্‌‌‌‌‌‌‌‌‌‌‌‌বাত্ অর্।

যিহিষ্কেল 42:20

সুদ্ধো-সাংগ জাগানত্তুন্ সাধারণ মানুচ্চুনোর জাগায়ানি যুদো গুরিবাত্তে চেরোকিত্তে এক এক্কান পাচশঅ মাবেদে কাদিলোই লাম্বা এক্কান দেবাল এলঅ।

যিহিষ্কেল 44:23

মঅ নাঙে যিয়েনি যুদো গরা ওইয়্যে আর যিয়েনি যুদো গরা ন-অয় সিয়েনি ভিদিরে ফারগ্‌‌কান কি সিয়েনি তারা মঅ মানুচ্চুনোরে শিক্ষ্যে দিবাক্ আর কুবোন্ সিজি আর কুবোন্ অসিজি সিয়েনি তারারে দেগেই দিবে।

যিহিষ্কেল 45:6

সুদ্ধো-সাংগ চাগালাগানর্ কায়কুরে পাচ্ আজার মাবেদে কাদি পাদাজ্যে আর পোজোস্ আজার মাবেদে কাদি লাম্বা এক্কান ভাগ্ শঅরত্তে রাগা পড়িবো। সেই শঅরান পুরো ইস্রায়েল জাদত্তে থেবঅ।