যিহিষ্কেল 48:14 - Chakma Bible

¹⁴ লেবীয়গুনে সেই ভূইয়ান বেজানা বা সিয়েনর্ ভাগ্‌‌কান বদলাবুদুলি গুরি ন-পারিবাক্। সিয়েন বেগত্তুন্ গম্ ভূই আর সিয়েন অন্যগুন আঢত্ দেনা ন-চুলিবো, কিত্যে সিয়েন লগেপ্রভুর নাঙে পবিত্র।

যিহিষ্কেল 48:14 ပူးပေါင်းရင်းမြစ်များ

যাত্রা 22:29

তমার্‌ ক্ষেত-ক্ষেত্তিত্তুন্‌ আর আংগুর-রজত্তুন্‌ মরে যিয়েনি দিবার্‌ সিয়েনি দেদে দেরি ন-গোজ্য। তমার পত্তম পূঅবো মরে দিয়্যে পুরিবো।

যাত্রা 23:19

তমা খেদত্তুন্‌ কাবি আন্যে পত্তম ফসলর্‌ বেগত্তুন্‌ গম্‌ ভাগ্কান্‌ তুমি তমার্‌ গোজেন লগেপ্রভুর্‌ ঘরত্‌ নেযেবা। ছাগল ছবোর্‌ য়েরাগান তার্‌ মাবো দুত্তোই ন-রানিবা।

যিহিষ্কেল 48:12

ইয়েন অবঅ দেজর্ পবিত্র ভাগত্তুন্ তারাত্তে এক্কান বিশেষ ভাগ; এ ভাগ্‌কান থেবঅ লেবীয়গুনোর ভাগর্ দুযি কায়কুরে, আর ইয়েন অবঅ দাঙর্ সুদ্ধো-সাংগ জাগা।

যিহিষ্কেল 48:13

ধর্মগুরুগুনোর দুযির্ কায়কুরে লেবীয়গুনে পোজোশ্ আজার্ মাবেদে কাদি লাম্বা আর দশ আজার্ মাবেদে কাদি পাদাজ্যে এক্কান জাগা পেবাক্।

লেবীয় 23:20

ধর্মগুরুবো লগেপ্রভুর্ মুজুঙোত্ দুলেয়্যে-উৎসর্ব ইজেবে সেই দ্বিবে ভেড়া ছঅ‌ আর পত্তমে তুল্যে ফসলর বানেয়ে রুটি নেযেইনে দুলেব। ইগুন্‌ লগেপ্রভুর্ নাঙে উৎসর্ব গোজ্যে পবিত্র জিনিস্ যিগুন্‌ ধর্মগুরুগুনোর্‌ পাওনা।

লেবীয় 25:32

মাত্তর্ সোম্বোত্তি ইজেবে পেইয়ে লেবীয়গুনোর্‌ বেক্‌ আদাম আর শহর আর সিয়েনি ভিদিরে ঘরানি তারার্‌ যে কনঅ সময় ছাড়েই নেযেবার্‌ অধিকারান থেবঅ।

লেবীয় 25:34

মাত্তর্‌ তারার্‌ আদাম আর শঅরর্‌ য়েমান চোড়েবার্‌ মাঠ্‌টুন্‌ বিজি ন-পারিবাক্; সিগুন্‌ তারার্‌ উমরর্‌ সোম্বোত্তি।

লেবীয় 27:28

মাত্তর্‌ যুনি কনজনে তার্‌ নিজোর্‌ কনঅ কিজু লগেপ্রভুর নাঙে ভস্তর্ অভিশাবর তলে বিলি ফগদাঙ্‌ গরন সালে তে সিয়েন্‌ আর বিজি দেনা বা ছাড়েই নেযে ন-পারিবো-সিয়েন্‌ পরিবারর্‌ ভূই ওক্‌ বা মানুচ্‌ বা য়েমান ওক্। এধোক্ক্যেনগুরি যেদক্কানি ভস্তর্‌ অভিশাবর্‌ তলে বিলি ফগদাঙ্‌ গরা অয় সিয়েনি বেক্কানি লগেপ্রভুর নাঙে দাঙর্‌ পবিত্র জিনিস্ বিলি ধুরি নেযা পুরিবো।

রোমীয় 8:23

বানা সিয়েন্ নয়, মাত্তর্ যে মহিমাগান্ আমি যেরেদি পেবং সিয়েন্ পত্তম ফল্ ইজেবে পবিত্র আত্মারে পেইনে আমি নিজেয়ো মনেদি কোঙের্। আর সেই সমারে সেই দিন্নোত্তে বাজ্জেই আঘি যেক্কে গোজেনর্ পুয়ো-ছা ইজেবে আমারে ফগদাং গরা অবঅ, অত্তাৎ ভস্তর্ আঢত্তুন্ আমা কিয়্যেগানিরে উদ্ধোর্ গরা অবঅ।