যিহিষ্কেল 48:13 - Chakma Bible

¹³ ধর্মগুরুগুনোর দুযির্ কায়কুরে লেবীয়গুনে পোজোশ্ আজার্ মাবেদে কাদি লাম্বা আর দশ আজার্ মাবেদে কাদি পাদাজ্যে এক্কান জাগা পেবাক্।

যিহিষ্কেল 48:13 ပူးပေါင်းရင်းမြစ်များ

যাত্রা 23:19

তমা খেদত্তুন্‌ কাবি আন্যে পত্তম ফসলর্‌ বেগত্তুন্‌ গম্‌ ভাগ্কান্‌ তুমি তমার্‌ গোজেন লগেপ্রভুর্‌ ঘরত্‌ নেযেবা। ছাগল ছবোর্‌ য়েরাগান তার্‌ মাবো দুত্তোই ন-রানিবা।

যিহিষ্কেল 45:3

সেই পুরো সুদ্ধো-সাংগ চাগালান ভিদিরেত্তুন্ পোজোস্ আজার্ মাবেদে কাদি লাম্বা আর দশ আজার্ মাবেদে কাদি পাদাজ্যে এক্কান ভাগ্ মাবি রাগেবা। এ ভাগ্‌‌‌‌‌‌কান ভিদিরে উবোসনা-ঘর, অত্তাৎ যদবদে সুদ্ধো-সাংগ জাগা থেবঅ।

যিহিষ্কেল 45:5

বাদবাগি পোজোস্ আজার্ মাবেদে কাদি লাম্বা আর দশ আজার্ মাবেদে কাদি পাদাজ্যে জাগায়ান সেই লেবীয়গুনোর্ গজগত্ থেবঅ যিগুনে উবোসনা-ঘরর্ কাম গরন। সিয়েনত্ তারা বজত্তি গুরিবাক্।

যিহিষ্কেল 48:12

ইয়েন অবঅ দেজর্ পবিত্র ভাগত্তুন্ তারাত্তে এক্কান বিশেষ ভাগ; এ ভাগ্‌কান থেবঅ লেবীয়গুনোর ভাগর্ দুযি কায়কুরে, আর ইয়েন অবঅ দাঙর্ সুদ্ধো-সাংগ জাগা।

যিহিষ্কেল 48:14

লেবীয়গুনে সেই ভূইয়ান বেজানা বা সিয়েনর্ ভাগ্‌‌কান বদলাবুদুলি গুরি ন-পারিবাক্। সিয়েন বেগত্তুন্ গম্ ভূই আর সিয়েন অন্যগুন আঢত্ দেনা ন-চুলিবো, কিত্যে সিয়েন লগেপ্রভুর নাঙে পবিত্র।

লেবীয় 25:34

মাত্তর্‌ তারার্‌ আদাম আর শঅরর্‌ য়েমান চোড়েবার্‌ মাঠ্‌টুন্‌ বিজি ন-পারিবাক্; সিগুন্‌ তারার্‌ উমরর্‌ সোম্বোত্তি।

লূকে লেখ্যে গম্ হবর্ 10:7

সেই ঘরানত্ থেয়ো আর তারা যিয়েন্ দুয়োন্ সিয়েনই হেয়ো, কিয়া যে কাম্ গরে তে বেতন্ পেবার্ যগাজ্যে। এক্কান্ ঘর্ ফেলেইনে অন্য ঘরত্ ন-যেয়ো।

দ্বি’লম্বর বিররণ 12:19

তমা দেজত্‌ তুমি যেদকদিন সং বজত্তি গুরিবা সেদকদিন লেবীয়গুনো উগুরে তমাত্তুন্‌ খিয়েল রাগা পুরিবো।