যিহিষ্কেল 47:8 - Chakma Bible

⁸ তে মরে কলঅ, “এ পানিগান পূগেদি বেঈ যার্ আর অরাবার ভিদিরেদি ধূল্যে-সাগরত্ যেইনে লুম্মেগোই। যেক্কে সিয়েন যেইনে সাগরত্ পোজ্যে সেক্কে সিদুগোর্ পানিগান মিদে ওই যায়।

যিহিষ্কেল 47:8 ပူးပေါင်းရင်းမြစ်များ

যাত্রা 15:25

এই কধাগান্‌ শুনিনে মোশি যেইনে লগেপ্রভু ইধু কানাকুদি গরা ধুরিলো। তে মোশিরে এক্কো গাজ্ দেগেই দিলো। মোশি সিবে পানিত্‌ ফেলে দিলো আর সেই পানিগান হেই পারেপা অলঅ‌। লগেপ্রভু সিয়েনত্‌ তারারে জগা চেলঅ আর তারাত্তেই এক্কান সুদোম আর আইন থিদেবর্ গুরিলো।

যিশাইয় 35:1

ধূল্যেচর-চাগালা আর শুগুনো ভূইয়ানি হুজি অবঅ; ধূল্যেচর জাগায়ানিয়ে হুজি অবঅ আর ফুল ফুদেব। ফাগোন্-চৈত্ মাজত্ পত্তম ফুলো ধোক্ক্যেন সিয়েনিত্ বোউত ফুল ধুরিবাক্; ধূল্যেচরানিয়ে বোউত্ হুজি অবঅ আর হুজিয়ে রঅ ছাড়িবো। সিয়েনরে লেবানন ধোক্ক্যেন বাঈনী গরা অবঅ, দিয়্যে অবঅ কর্মিল আর শারোণর দোল্ জিনিস্‌‌চান; মানুচ্চুনে লগেপ্রভুর বাঈনীগান্ দেগিবাক্, দেগিবাক্ আমা গোজেনর দোল্ জিনিস্‌চান।

যিশাইয় 35:6

সেক্কে লেং-আঢুড়ুনে উরিঙো ধোক্ক্যেন্ ফাল্যেবাক্, বোবাগুনোর জিলানি হুজিয়ে রঅ ছাড়িবো। ধূল্যেচর-চাগালার তলেত্তুন্ জোরে পানি নিগিলি এবঅ, আর ধূ্ল্যেচরর নানান্ জাগাত্ গঙার্ বেবঅ।

যিশাইয় 35:7

শুগুনো ভূইয়ানি পুয়োর্ অবঅ, আর তিরেস্ পেইয়্যে মাদিগানিত্ পানির পয়নালা উদিবো; যিয়েনত্ শিয়েলুনে পড়ি থেদাক্ সে জাগানত্ জোর্মেবদে নল-খাগড়ার ঝার্।

যিশাইয় 43:20

ঝার্‌বো য়েমান, শিয়েল আর উটপেখ্‌কুনে মরে বাঈনী গুরিবাক্, কিত্তে মঅ মানুচ্চুনোরে, মর্ বেঈ লোইয়্যে মানুচ্চুনোর হেবাত্তে মুই ধূল্যেচর চাগালার্ পানি যোগেই দিম আর ধূল্যেচরত্ গাঙ্ বোজেই দিম।‌‌

যিশাইয় 49:9

তুই বন্দীগুনোরে কবে, ‘তুমি উদ্ধোর্ অ,’ আর যিগুনে আন্ধারত্ আগন তারারে কবে, ‘তুমি নিগিলি এজঅ।’ তারা পধ পারত্ আর গাজ্-বাজ্ নেইয়্যে মুড়ো উগুরে হানা পেবাক্।

যিরমিয় 31:9

তারা কানি কানি এবাক্; মুই যেক্কে তারারে ফিরেই আনিম সেক্কে তারা তবনা গুরি গুরি এবাক্। সং পধেদি মুই পানি গঙার ইন্দি তারারে আনিম; সিয়েনত্ তারা উজোত্ ন-হেবাক্, কিত্তে মুই ইস্রায়েলর, অত্তাৎ ইফ্রয়িমর বাপ্ আর তে মর্ পোইল্যা পুয়োবো।

মালাখি 1:11

পূগেত্তুন্ ধুরি পোজিমেদি সং বেক্ জাদ ভিদিরে মঅ নাঙান্ মহৎ অবঅ। বেক্ জাগানিত্ মঅ নাঙে আগর্‌বাট্টি জ্বালা অবঅ আর উৎসর্ব গুরিবাত্তে সিজি জিনিস আনা অবঅ, কিত্যেই বেক্ জাদ ভিদিরে মঅ নাঙান্ মহৎ অবঅ।

মথি লেখ্যে গম্ হবর্ 13:15

এই বেক্ মানুচ্চুনোর মনানি বাজে আর কানানি নাঢা যেইয়্যে, আর তারা তারার্ চোগ্‌কুন নাঢি রাগেয়োন, যেন তারা চোগেদি ন-দেগন্, কানদি ন-শুনোন্ আর মনানদি ন-বুঝোন্, আর গম্ অবাত্তে মইদু ফিরি ন-এজন্।

যোহন 5:4

এক্কো স্বর্গদূতে অক্‌ত অক্‌ত সে পোর্‌‌বোত্ লামিনে পানি এলোনি-ফেলোনি গুরিদো, আর সে পরেদি যে পৌইল্যা পানিত্ লামিদো তার্ যে কনঅ পিড়ে গম্ ওই যেদঅ। সেনত্তে বেক্‌ পিড়েল্ল্যেগুনে পানি লুরিবোদে আজায় সিধু পড়ি থেদাক্।

দ্বি’লম্বর বিররণ 3:17

পোজিমেন্দি তারার্‌ শেজ্ দুঝিগান এলদে অরাবার্‌ যর্দন গাঙর্‌ যে ভাগ্‌কান কিন্নেরৎত্তুন পিস্‌গা মুড়োবোর্‌ কামাগানর্‌ তলেন্দি অরাবার দোজ্যে সাগরর্‌, অত্তাৎ ধূল্যে-সাগর সং যেয়েগোই সে ভাগ্‌কান।

দ্বি’লম্বর বিররণ 4:49

সিয়েন ভিদিরে এলদে যর্দনর্‌ পূগেন্দি পুরো অরাবা চাগালাগান। ইয়েন্‌ পিস্‌গা মুড়োবো কামাগানর্‌ তলেন্দি অরাবার সাগর সং যেয়েগোই।