যিহিষ্কেল 47:6 - Chakma Bible

⁶ তে মরে কলঅ, “ও মান্‌‌জ্যর্ পুয়োবো, তুই কি ইয়েন দেগিলে?” সে পরেদি তে মরে গাঙ পারত্ ফিরেই নেযেল।

যিহিষ্কেল 47:6 ပူးပေါင်းရင်းမြစ်များ

যিহিষ্কেল 40:4

মানুচ্চো মরে কলঅ, “ও মান্‌‌জ্যর পুয়োবো, তুই চোগেদি চাহ্ আর কানেদি শুন আহ্ মুই তরে যিয়েনি দেগেম সিয়েনি বেক্কানিদি মনযোগ্ দে, কিত্যে সেনত্তে তরে ইধু আনা ওইয়্যে। তুই যিয়েনি দেগিবে বেক্কানি ইস্রায়েলীয়গুনোরে কবে।”

যিহিষ্কেল 44:5

সেক্কে লগেপ্রভু মরে কলঅ, ও মান্‌জ্যর্ পুয়োবো, তুই গমেডালে চাহ্ আর কানেদি শুন্ আহ্ মঅ ঘর পৌইদ্যেনে মুই তরে যেদক্কানি সুদোম্ আর রীদি-সুদোম পৌইদ্যেনে কোম্ সিয়েনি বেক্কানিত্ মনযোগ দে। উবোসনা-ঘরত্ কন্না সোমেই পারিবো আর কন্না সোমেই ন-পারিবো সে পৌইদ্যেনে মনযোগ দে।‌‌

যিহিষ্কেল 8:17

তে মরে কলঅ, “ও মান্‌‌জ্যর পুয়োবো, তুই ইয়েন দেগিলে? যিহূদার মানুচ্চুনে যে জঘন্য কাম্ ইধু গত্তন্ সিয়েন গরানা তারার্ তপ্পে কি এক্কান সামান্য বেপার? তারা অত্যেচারে দেজ্‌‌চান ভোরেই ফেলেয়োন আর আমিঝে মর্ অহুজিগান জাগেই তুল্যন্। চঅ, তারা মরে কি অমকদ অগমান গোজ্যন্।

যিহিষ্কেল 8:6

তে মরে কলঅ, “ও মান্‌‌‌‌জ্যর পুয়োবো, তারা যিয়েনি গত্তন্ সিয়েনি কি তুই দেগর্? ইস্রায়েলীয়গুনে ইয়েনত্ কি অমকদ জঘন্য কাম গোজ্যন্ যিয়েনত্তে মত্তুন্ মঅ সুদ্ধো-সাংগ জাগানত্তুন্ দূরোত্ সুরি যাহ্ পুরিবো। মাত্তর্ ইয়েনর পরেদিয়ো তুই আর জঘন্য কাম দেগিবে।”

সখরিয় 4:2

তে মরে কলঅ, “তুই কি দেগর্?” জোবত্ মুই কলুং, “মুই এক্কো সনার্ চেরাগ টগ্ দেগঙর্ যিবের্ মাঢাবোত্ রোইয়্যেদে এক্কো তেলর্ পিলে। সেই চেরাগ টগ উগুরে সাত্‌‌তো চেরাগ্ আর পত্তি চেরাগত্ সাত্‌‌‌তো চেরাগ বুদ্ধি রাগেবার জাগা আঘে।‌

সখরিয় 5:2

তে মরে কলঅ, “তুই কি দেগর্?” জোবত্ মুই কলুং, “মুই কুড়ি আঢ্ লাম্বা আর দশ আঢ্ পাদাজ্যে এক্কো উড়েদে বোই দেগঙর্।”

মথি লেখ্যে গম্ হবর্ 13:51

ইয়েনর পরেদি যীশু তা শিচ্চ্যগুনোরে পুযোর্ গুরিলো, “তুমি কি ইয়েনি বেক্কানি বুঝি পাজ্জ্য?”