যিহিষ্কেল 47:19 - Chakma Bible

¹⁹ দোগিণেদি দুযিগান ধূল্যে-সাগরর্ তামরত্তুন্ কাদেশর্ মরীবৎ পানিগান সং যেইনে মিসরর্ শুগুনো গাঙ সং ভূমধ্য সাগর সং যেবঅ। ইয়েনই অবঅ দোগিণেদি দুযিগান।

যিহিষ্কেল 47:19 ပူးပေါင်းရင်းမြစ်များ

যিহিষ্কেল 48:28

গাদ ভাগর্ দোগিণো দুযিগান অলঅ দেজর্ দোগিণো দুযি। সিয়েন তামরত্তুন্ কাদেশর্ মরীবৎ পানিগান সং যেইনে মিসরর্ শুগুনো গাঙ সং ভূমধ্য সাগর সং যেবঅ।

দ্বি’লম্বর বিররণ 32:51

ইয়েনর্ কারণান অলঅ, সীন ধূল্যেচর-চাগালাত্‌ কাদেজর মরীবার পানি ইদু ইস্রায়েলীয়গুনো মুজুঙোত্‌ তুমি মঅ উগুরে অবিশ্বেজর কামানি গোজ্য আর ইস্রায়েলীয়গুনো মুজুঙোত্‌ মরে সুদ্ধো-সাংগ বিলিনে মান্য ন-গরঅ।

গণাণা 34:5

সে পরেদি সিয়ান্‌ সিয়োত্তুন্‌ ঘুরিনে মিসর নাঙে যে শুগুনো গাঙান্‌ আঘে সিয়ান্‌ ধুরিনে ভূমধ্য সাগরত্‌ যেইনে শেজ্ অবঅ।

গণাণা 20:13

সেই পানিগানরে কুয়া অলঅ মরীবা (যিয়েনর্‌ ভেদ্‌তান “কোল্‌বাজানা”)। ইয়েনত্‌ ইস্রায়েলীয়গুনে লগেপ্রভুর লগে কোল্‌ বাজেয়োন্‌ আর লগেপ্রভু ইয়োদোই তারা ভিদিরে নিজোর পবিত্রতাগান্‌ ফগদাং গোজ্যে।

যিশাইয় 27:12

ও ইস্রায়েলীয়গুন্, সেদিন্যে বেঈ যেইয়্যে ইউফ্রেটিসত্তুন্ মিসরর্ শুগুনো গাঙান সং শোজ্য মারেদে ধোক্ক্যেন্ গুরি লগেপ্রভু তমারে মাড়িবো, আর এক এক গুরিনে তমারে এগত্তর্ গুরিবো।

গীতসংহিতা 81:7

দজাত্ পড়িনে তুই মরে ডাগিলে আর মুই তরে উদ্ধোর্ গুরিলুং; দেবা পেরাগ রবো সেরেত্তুন্ মুই তরে জোব্ দিলুং; মরীবার পানিগান ইদু মুই তরে জগা চেলুং।

যিহোশূয় 12:3

ইয়েনবাদে কিন্নেরৎ সাগরত্তুন্‌ অরাবার সাগর, অত্তাৎ নুন্‌ সাগর্‌ আর বৈৎ-যিশীমোতর পথ্‌তান্‌ সং আর দোগিণেন্দি পিস্‌গা মুড়োবোর তলেদি সং অরাবা সং জাগানর পূগেদি ভাক্কান্‌ তার শাজনর্‌ অধীনোত্‌ এলঅ‌।

দ্বি’লম্বর বিররণ 33:8

লেবি পৌইদ্যেনে তে কোইয়্যেদে, “তর্‌ ভক্তগুনো ইদু তর তূম্মীম আর ঊরীম আঘে; মঃসাতদ তুই তার যগা চেইয়োচ্‌, মরীবার পানি ইদু তা সমারে কোল্-কোজ্যে গোজ্যস্‌।

গণাণা 34:3

ইদোম দেজর্‌ দুঝিবো সং যে সীন ধূল্যেচর-চাগালাগান আঘে সিয়েনর্‌ কিজু ভাগ তমার দেজর্‌ দোগিণেদি পুরিবো। পূগেন্দি তমার্‌ এই দোগিণো দুঝিগান ধূল্যেচর-বড়গাঙর্‌ শেজ্ ভাগত্তুন্‌ আরাম্ভ ওইনে অক্রব্বীম মুড়োবোর্‌ পথ পাড় ওইনে সীন ধূল্যেচর-চাগালাত্‌ চোমেইনে কাদেশ-বর্ণেয়র দোগিণোন্দি যেবগোই। পরেদি সেই চিহ্নোগান্‌ হৎসর-অদরত্‌ এইনে অস্‌মোন সং যেবঅ।

১ রাজাবলী 8:65

এবাবোত্যেগুরি শলোমন আর তা সমারে বেক্‌ ইস্রায়েলীয়গুনে সে অক্তত্‌ আমা গোজেন লগেপ্রভুর মুজুঙোত্‌ সাত দিন আরঅ সাত দিন, বেক্কুনে চোদ্দো দিন সং ইক্কো পরব্‌ গুরিলাক। তারা অলাক্কে ইক্কো বড়্ মান্‌জ্যর্‌ ঝাক; তারা হমাৎ চাগালাত্তুন্‌ মিসর শুগুনো গাঙান্‌ সং পুরো চাগালাত্তুন্‌ এইনে মিজেলাক্।

যিহিষ্কেল 47:10

জাল্যেগুন গাঙ পারত্ থিয়্যেবাক্; ঐন্-গদীত্তুন্ ঐন্-ইগ্লয়িম সং জাল মিলি দিবার্ জাগা অবঅ। ভূমধ্য-সাগরর মাছ ধোক্ক্যেন সিয়েনতঅ নানান্ বাবোত্যে বোউত্ মাছ পাহ্ যেবঅ।

যিহিষ্কেল 47:15

দেজর্ দুযিগান অবঅ ইয়েন: উত্তোরেদি দুযি অবঅ ভূমধ্য সাগরত্তুন্ লেবো-হমাৎ ছাড়িনে হিৎলোনর পথতানর্ সদাদ সং;

গণাণা 20:1

বজরর্‌ পত্তম মাজত্‌ বেক্‌ ইস্রায়েলীয়গুনে সীন ধূল্যেচর-চাগালাত্‌ লুমিনে কাদেশ ইদু যেইনে থেলাক। মরিয়মে সেই জাগানত্‌ মুরি গেলঅ আর তারে গোর্ দিয়্যে অলঅ।

১ রাজাবলী 9:18

বালৎ, যিহূদার ধূল্যেচর-চাগালার্‌ তামর,

২ বংশধর 20:2

সেক্কে কয়েক্কো মানুচ্‌ এইনে যিহোশাফটরে কলাক্, “সাগর উকুলে অরাম দেজত্তুন্‌ এক্কো দাঙর্ সৈন্যদলে তঅ বিরুদ্ধে এজের্। তারা হৎসসোন-তামরত্‌, অত্তাৎ ঐন্‌-গদীত্‌ লুম্মোন্দি।”