যিহিষ্কেল 47:18 - Chakma Bible

¹⁸ পূগেদি দুযিগান হৌরণ আর দামেস্কর ভিদিরেদি গিলিয়দ আর ইস্রায়েল দেজর্ ভিদিরেদি যর্দন গাঙ সং যেইনে ধূল্যে-সাগর সং যেবঅ। ইয়েনই অবঅ পূগেদি দুযিগান।

যিহিষ্কেল 47:18 ပူးပေါင်းရင်းမြစ်များ

পত্থম 13:10

সেক্কে লোটে রিনি চেইনে দেগিলো যর্দনর্ বেক্ সংজাগানত্‌ বোউত্‌ পানি আঘে আর জাগায়ান্‌ চাদে পেরায় লগেপ্রভুর বাগান ধোক্ক্যেন, আর সিয়েন্‌ ন-অলেয়ো প্রায় সোয়রত্‌ যেবার পদত্‌ মিসর দেজছান ধোক্ক্যেন। সেক্কেয়ো লগেপ্রভু সদোম আর ঘমোরা শঅরান্‌ ভস্ত গুরি ন-ফেলায়।

পত্থম 13:11

সেক্কে লোটে যর্দনর্ বেক্‌ সং জাগায়ান নিজোত্তে বেঈ লোইনে পূগেদি সুরি গেলঅ। এবাবোত্যেগুরি তারা একজন আরেক জনত্তুন্‌ ফারগ্ ওই গেলাক্।

পত্থম 31:23

সেক্কে তে তা কুদুম্মোগুনোরে নিইনে যাকোব পিজে পিজে লোড়েইনে সাত দিনো পদথ্ গেলঅ, আর গিলিয়দ মুড়োমুড়ি চাগালাত্‌ যেইনে তাল্লোই দেগা অলঅ।

পত্থম 31:47

লাবনে সে কুড়্‌‌‌বোর্‌ নাঙান্ রাগেল যিগর্‌-সাহদূথা (যিয়েনর্ ভেদ্‌তান্ “সাক্ষী-কুড়্”), মাত্তর্ যাকোবে তা নিজো কধাদি সিয়েনর নাঙান্ দিলো গল্-এদ (যিয়েনর্ অত্তয়ো “সাক্ষির-কুড়্”)।

পত্থম 37:25

ইয়েন পরেদি যোষেফ ভেইয়ুনে হানা-বিনে হেবাত্তে বুয়োইনে দেগিলাক্ গিলয়দত্তুন্‌ একদল ইশ্মায়েলীয় বেবসা গুরিয়্যে এত্তন্। উদো পিদিত্‌ গুরি তারা তুম্‌বাচ্‌ মজলা, গুগ্‌গুলু আর গন্ধরসছোই মিসর দেজত্‌ যাদন্।

ইয়োব 40:23

গাঙত্ জোরে বান এলেয়ো তে ন-দরায়; যর্দনর পানিগান জোরে এইনে তা মুয়োনত্ পড়িলেয়ো তে থির্ থায়।

যিরমিয় 50:19

মাত্তর্ ইস্রায়েলরে মুই তার নিজো চোড়েয়্যে ভূইয়োত্ ফিরেই আনিম আর তে কর্মিল আহ্ বাশন উগুরে চরি বেড়েব; ইফ্রয়িম আর গিলিয়দর মুড়োমুড়িগুনোত্ তার পরানান্ জুড়েব।

যিহিষ্কেল 47:16

সিয়েনত্তুন্ দামেস্ক আর হমাতর্ দুযি ভিদিরে থেইয়্যে বরোথা আর সিব্রয়িম সং; সিয়েনত্তুন্ হৌরণর দুযির্ কায়কুরে হৎসর-হত্তীকোন সং।

যোয়েল 2:20

“মুই উত্তোরেত্তুন্ এচ্চ্যে সৈন্যদল্লোরে তমাত্তুন্ দূর্ গুরি দিম; শুগুনো আর ভস্ত ওই যেইয়্যে ধূল্যেচর-চাগালাত্ তারারে ধাবেই দিম। তারার্ মুজুঙেদি ভাগ্‌কান পূগেদি সাগরত্ আর পিজেদি ভাগ্‌‌‌‌‌কান পোজিমে সাগরত্ ধাবেই দিম। তারার্ পজাবাজ্ উগুরেদি উদিবো আর সিয়েনত্তুন্ পজাবাজ্ নিগিলিবো, কিত্যেই তারার্ কামানি অলদে অমকদ বাড়্‌বো‌‌‌লোই ভরা।”

গণাণা 32:1

রূবেণ আর গাদ-গুট্টির মানুচ্চুনোর গোরু, ছাগল আর ভেড়াছাগলর দাঙর্‌ দাঙর্‌ পাল এলাক্। তারা দেগিলাক্ যাসের আর গিলিয়দ দেজ্‌চান্‌ য়েমান পালেবাত্তে অমহদ দোল্‌ জাগা।

গণাণা 34:10

পূগেন্দি দুঝিবোত্তে তুমি হৎসর-ঐননত্তুন্‌ শফাম সং এক্কো দুঝির্ চিহ্নো ঠিগ্ গুরি নিবা।

বিচের গুরিয়্যেগুন 10:8

সেই বজরত্‌ তারা ইস্রায়েলীয়গুনোরে দুলিনে-বিযেই মারিলাক্‌। তারা যর্দনর পূগেন্দি ইমোরীয়গুনোর দেজত্‌ গিলিয়দত্‌ বজত্তিগুরিয়্যে ইস্রায়েলীয়গুনোরে আদার বজর সং দুখ্‌ লাগেয়োন।