যিহিষ্কেল 47:10 - Chakma Bible

¹⁰ জাল্যেগুন গাঙ পারত্ থিয়্যেবাক্; ঐন্-গদীত্তুন্ ঐন্-ইগ্লয়িম সং জাল মিলি দিবার্ জাগা অবঅ। ভূমধ্য-সাগরর মাছ ধোক্ক্যেন সিয়েনতঅ নানান্ বাবোত্যে বোউত্ মাছ পাহ্ যেবঅ।

যিহিষ্কেল 47:10 ပူးပေါင်းရင်းမြစ်များ

পত্থম 14:7

সে পরেদি এ রাজাগুনে ঘুরি যেইনে ঐনমিষ্পট, অত্তাৎ কাদেশত্‌ গেলাক তারা অমালেকীয়গুনোর পুরো দেজ্‌ছান্‌ জিদি নেযেয়োন্‌ আর হৎসসোন-তামর শঅরত্‌ যে ইমোরিয়োগুনে এলাক তারারে ওদেই দিলাক্।

২ বংশধর 20:2

সেক্কে কয়েক্কো মানুচ্‌ এইনে যিহোশাফটরে কলাক্, “সাগর উকুলে অরাম দেজত্তুন্‌ এক্কো দাঙর্ সৈন্যদলে তঅ বিরুদ্ধে এজের্। তারা হৎসসোন-তামরত্‌, অত্তাৎ ঐন্‌-গদীত্‌ লুম্মোন্দি।”

গীতসংহিতা 104:25

উইয়োবু দাঙর্, দোজ্যে সাগর- সিয়েনত্ ঘুরি বেড়েয়্যে চিগোন-দাঙর গুণি ন-পুরেইয়্যে জেদা প্রাণি ভরা আগন্।

যিশাইয় 19:8

জাল্যেগুনে হায় হায় গুরিবাক্ আর য়্যেল্ গাঙত্ যিগুনে বুজ্জি ফাদন্ তারা আবিলেচ্ গুরিবাক্। যিগুনে পানিত্ জাল্ ফেলান তারা বল্‌‌পোজ্যে অবাক্।

যিশাইয় 49:12

চঅ, তারা দূরোত্তুন এবাক্; কেউ উত্তোরেত্তুন, কেউ পোজিমেত্তুন আর কেউ সীনীম দেজত্তুন এবাক্।”

যিশাইয় 49:20

তর্ যে পুয়োগুনোরে তুই আরেয়োচ্ তারা তইদু এইনে কবাক্, ‘এ জাগায়ান আমাত্তে অমকদ চিগোন্; বজত্তি গুরিবাত্তে আমার আরঅ জাগা দে।’

যিহিষ্কেল 26:14

মুই তরে পাত্তর্ ধোক্ক্যেন গুরি রাগেম আর তুই অবে জাল্ শুগেবার জাগা। তরে আর বানা ন-অবঅ, কিত্যে মুই প্রভু লগেপ্রভু এ কধাগান কঙর্।

যিহিষ্কেল 26:5

সিয়েন সাগর বুগোত্ জাল্ শুগেবার্ জাগা অবঅ, কিত্তে মুই প্রভু লগেপ্রভু এ কধাগান কঙর্। তে জাদ্‌‌‌‌তুনোর লুদেয়্যে জিনিস অবঅ।

যিহিষ্কেল 47:15

দেজর্ দুযিগান অবঅ ইয়েন: উত্তোরেদি দুযি অবঅ ভূমধ্য সাগরত্তুন্ লেবো-হমাৎ ছাড়িনে হিৎলোনর পথতানর্ সদাদ সং;

যিহিষ্কেল 47:19

দোগিণেদি দুযিগান ধূল্যে-সাগরর্ তামরত্তুন্ কাদেশর্ মরীবৎ পানিগান সং যেইনে মিসরর্ শুগুনো গাঙ সং ভূমধ্য সাগর সং যেবঅ। ইয়েনই অবঅ দোগিণেদি দুযিগান।

যিহিষ্কেল 48:28

গাদ ভাগর্ দোগিণো দুযিগান অলঅ দেজর্ দোগিণো দুযি। সিয়েন তামরত্তুন্ কাদেশর্ মরীবৎ পানিগান সং যেইনে মিসরর্ শুগুনো গাঙ সং ভূমধ্য সাগর সং যেবঅ।

গণাণা 34:6

তমা দেজর্‌ পোজিমেন্দি দুঝিবো অবঅ ভুমধ্য সাগরান। ইয়েনোই অবঅ তমার্‌ পোঝিমেন্দি শেজ্ দুঝিগান।

মথি লেখ্যে গম্ হবর্ 4:19

যীশু তারারে কলঅ, “মঅ সমারে এজঅ, মুই তমারে মানুচ্-ধরা জাল্যে বানেম্।”

মার্ক 1:17

যীশু তারারে কলঅ, “মঅ লগে এজঅ। মুই তমারে মানুচ্-ধরা জাল্যে বানেম্।”

যিহোশূয় 15:62

নিব্‌শন, লবণ-নগর আর ঐন্‌-গদী। এ ছঅ‌গান শঅর্‌ আর ইয়েনির কায়-কুরে বেক্‌ আদামানি তারা পেইয়োন।

যিহোশূয় 23:4

যর্দন গাঙত্তুন্‌ পোজিমেন্দি ভূমধ্য সাগর সং যিদুক্কুন্‌ জাদরে মুই ভস্ত গুরি দুয়োং আর যিদুক্কুন্‌ জাদ এজঅ‌ বাগি রোইয়োন্‌ তারার্‌ বেক্কুনোর জাগায়ানি মুই তমা গুট্টিগুনো ভিদিরে সোম্বোত্তি ইজেবে ভাগ গুরি দুয়োং।

১ শমূয়েল 23:29

দায়ূদে সিয়োত্তুন্‌ ঐন-গদীর কেম্প দোক্কেন্‌ জাগায়ানিত্‌ যেইনে বজত্তি গরা ধুরিলো।

১ শমূয়েল 24:1

শৌল পলেষ্টীয়গুনোরে লড়ানা শেজ্‌ গুরিনে ফিরি এজানার পরেন্দি মানুচ্চুনে তারে হবর্‌ দিলাক্‌, দায়ূদে ঐন-গদীর ধূল্যেচর-চাগালাত্‌ আঘে।