যিহিষ্কেল 47:1 - Chakma Bible

¹ সে পরেদি তে মরে উবোসনা-ঘরত্ সোমেবার্ মুয়োনত্ তলাত্তুন পানি নিগিলিনে পূগেদি বেঈ যার্। উবোসনা-ঘরান পূগেদি মু এলঅ। সেই পানিগান উবোসনা-ঘরর্ দোগিণেদি তলাত্তুন্ পূজোবোর্ দোগিণেদি বেঈ যার্।

যিহিষ্কেল 47:1 ပူးပေါင်းရင်းမြစ်များ

গীতসংহিতা 46:4

এক্কান গাঙ্ আঘে যিয়েনর ভালোক্কানি ছড়া আঘে গোজেনর শঅরানরে হুজিয়ে রাজিয়ে রাগায়, হুজিয়ে রাগায় সেই সুদ্ধো-সাংগ জাগায়ান যিয়েনত্ দাঙর্ গোজেনে থায়।

গীতসংহিতা 46:5

গোজেনে সেই শঅরানত্ থায়, সেনত্তে সিয়েন থির্ থেবঅ; বেন্যেপোত্যে গোজেনে তারে বল্ দিবো।

গীতসংহিতা 87:7

যিগুনে গান গেবাক্ আর যিগুনে নাজিবাক্ তারা কবাক্, “মর্ বেক রংগ-ফুত্তির আওজ্‌ছান তইদু।”

যিশাইয় 2:3

ভালোক্ জাদর মানুচ্ এইনে কবাক্, “আঢঅ, আমি লগেপ্রভুর্ মুড়োবোত্ উদিয়োই, আঢঅ, যাকোবর্ গোজেন ঘরত্ যেই। তে আমারে তা পথ্‌তানি পৌইদ্যেনে শিক্ষ্যে দিবো আর আমি তা পধেদি চলিবোং।” তারা এ কধাগান কবাক্, কিত্তে সিয়োনত্তুন্ উগুম দিয়্যে অবঅ আর যিরূশালেমত্তুন্ ফগদাং অবঅ লগেপ্রভুর কধানি।

যিশাইয় 30:25

সেই দযার্ দিনোত্ যেক্কে ভালোক্ জনরে মারে ফেলা অবঅ আর ঘরানি ভাঙি পড়িবো সেক্কে বেক্ মুড়ো-মুড়িগুনো উগুরেদি বেইনে পানি গঙারান্ বেঈ যেবঅ।

যিশাইয় 55:1

লগেপ্রভু কত্তে, “ও তিরেস্ পেইয়্যে মানুচ্চুন্, তুমি বেক্কুনে পানি কায়-কুরে এজঅ; যিবের টেঙা-পোজে নেই তেয়ো এইনে কিনি হেই যোক্। এজঅ, টেঙা ছাড়া, এনেবাদে আংগুর-রস আর দুধ কিনো।

যিরমিয় 2:13

কিত্তে মঅ মানুচ্চুনে দ্বিয়েন পাপ গোজ্যন্। জিংকানিবলা পানির পয়নাল্ সিবে যে মুই তারা মরে ফেলেই যেইয়োন, আর নিজোত্তে তারা এমন্ পানি রাগেবার জাগা বানেয়োন যিবে ভাঙা, যিয়েনত্ পানি রাগা ন-যায়।

যিহিষ্কেল 40:6

সে পরেদি তে পূগেদি গেদো ইধু গেলঅ। তে সাঙুলোই উগুরেদি উদিনে গেদোত্ সোমেবার মুয়োন মাবিলো; সিয়েন লাম্বাদি এলদে এক মাবেদে কাদি।

যিহিষ্কেল 41:2

উবোসনা-ঘরর্ দেবালান্অ এলঅ ছয় আত্ দাদঅ। দ্বিবে বাজুর্ সংমোধ্যে জাগায়ান এলদে দশ আত্ আর পত্তি বাজু পাচ্ আত্ দাদঅ এলাক্। তে আজল্ গুদিবোয়ো মাবিলো; সিবে চোল্লিশ্ আত্ লাম্বা আর কুড়ি আত্ পাদাজ্যে এলঅ।

যিহিষ্কেল 46:24

তে মরে কলঅ, “ইগুন্ অলঅ চুলো; যিগুনে উবোসনা-ঘরর্ সেবা-কাম গরন্ তারা সিয়েনত্ মানুচ্চুনোত্তে উৎসর্বর জিনিস্‌চানি উজিবাক্।”

যিহিষ্কেল 47:12

গাঙর্ দ্বিপারত্ নানান্ বাবোত্যে গুলোগুলি গাজ্ জোর্মেব। সিগুনোর্ পাদানি শুগেই ন-যেবঅ, গুলোগুলি শেজ্ ন-অবঅ। পত্তি মাসত্ সিগুনোত্ গুলোগুলি ধুরিবো, কিত্যে উবোসনা-ঘরত্তুন্ সিয়েনত্ পানি বেঈ এবঅ। সিগুনোর্ গুলোগুলিগুন্ হেবাত্তে আর পাদানি গম্ অবাত্তে বেবহার গরা অবঅ।”

যিহিষ্কেল 47:2

পরেদি তে উত্তোর্-গেদো ভিদিরেদি মরে নিগিলেই আনিলো আর বারেদি পথ্‌তানদি ঘুরেইনে পূগেদি মু বারেদি গেদো ইধু নেযেল; সেই গেদোর্ দোগিণেদি এক্কানা গুরি পানি বেঈ যার্।

যোয়েল 3:18

“সেদিন্যে দাঙর্ দাঙর্ মুড়োগুনোত্তুন্ বোউত্ আংগুর-রস পাহ্ যেবঅ আর চিগোন চিগোন মুড়োগুনোত্তুন্ বোউত্ দুধ পাহ্ যেবঅ। যিহূদার বেক্ পানি গাঢ্‌‌‌‌তুনোদি পানি বেঈ যেবঅ। লগেপ্রভুর ঘরত্তুন্ এক্কো পয়নালা উদিনে শিটীমোর কলগ্‌‌‌‌কানরে পানি দান গুরিবো।

সখরিয় 13:1

মুই বেগত্তুন্ খেমতাবলা লগেপ্রভু কঙর্, সেদিন্যে দায়ূদো বংশর আর যিরূশালেম আদাম্মেগুনোর পাপ আর অসিজিগান ধোই ফেলেবাত্তে এক্কো পয়নালা খুলো অবঅ। সেদিন্যে দেজত্তুন্ মূত্তিগুন দূর গুরি দিয়্যে অবঅ আর তারার্ নাঙানিয়ো আর কারঅ মনত্ ন-থেবঅ। মুই দেজত্তুন্ তারার্ ভাববাদীগুনোরে দূর্ গুরি দিম আর ভান্ন্যেই আত্মাগুনোরেয়ো দূর্ গুরি দিম।

সখরিয় 14:4

সেদিন্যে তে এইনে যিরূশালেমর পূগেদি জৈতুন মুড়োবো উগুরে থিয়্যেব; সেক্কে জৈতুন মুড়োবো পূগেন্দিত্তুন্ পোজিমেদি ফাদি যেবঅ আর অদ্দেক্ উত্তোরে আহ্ অদ্দেক্ দোগিণে সুরি যেইনে এক্কান দাঙর্ কলগর্ সিরিস্‌টি গুরিবো।

সখরিয় 14:8

সে অক্তত্ হরান্ন্যে আর ঝার্‌কালত্ যিরূশালেমত্তুন্ মিদে পানি নিগিলিনে অদ্দেক্কান পূগেদি সাগর ইন্দি আর অদ্দেক্কান্ পোজিমেদি সাগর ইন্দি বেঈ যেবঅ।

ফগদাং পেইয়্যে 22:1

সিয়েন পরেদি সেই স্বর্গদূত্‌তো মরে জিংকানি-পানির্ গাঙান্ দেগেল। সিবে ফুদিগো ধোক্ক্যেন সাব্ এলঅ আর গোজেনর্ আহ্ ভেড়া-ছবোর্ সিংহাসনত্তুন্ নিগিলিনে শঅর পধর্ সংমোধ্যেদি বেঈ যার্। সেই গাঙানর্ দ্বিয়ো পারত্ জিংকানি-গাজ্ এলঅ। সিয়েনত্ বার বাবোত্যে গুলো ধরন্। পত্তি মাজত্ সিগুনোত্ গুলো ধরন্ আর সেই পাদানিলোই বেক্ জাদর্ মানুচ্চুনে গম অন্।

ফগদাং পেইয়্যে 22:17

পবিত্র আত্মাগানে আর বৌবো কত্তে, “আয়”। আর যে এ কধাগান শুন্যে তেয়ো কোগ্, “আয়”। যিবের্ তিরেস্ পেইয়্যে তে এজোক্ আর যে পানি হেবাত্যে চায় তে মাগানা জিংকানি-পানি হেই যোক্।