যিহিষ্কেল 45:8 - Chakma Bible

⁸ এ জাগায়ান ইস্রায়েল দেজর্ শাজন্‌ গুরিয়্যেবোর্ অধিকারত্ থেবঅ। মর্ শাজন্‌গুরিয়্যেগুনে মঅ মানুচ্চুনো উগুরে আর্ অত্যেচার ন-গুরিবাক্, বরং ইস্রায়েল জাদরে তার গুট্টিগুন অনুসারে ভূই ভোগ্ গুরিবাত্যে দিবা।

যিহিষ্কেল 45:8 ပူးပေါင်းရင်းမြစ်များ

গম্ উপদেজ্ 28:16

যে শাজন্ গুরিয়্যেবোর বিচের বুদ্ধি নেই তে অমকদ অত্যেচার গরে; যে শাজন্ গুরিয়্যেবো লুভ গরানা ঘিনেই তে ভালোক্‌দিন বাঁজি থায়।

যিরমিয় 22:17

মাত্তর্ তর্ চোগ আর মনান্ আগেদে বানা ভান্ন্যোয়ানি পানা, নিদ্দুযি মানুচ্চুনোর লো ঝরানা আর অত্যেচার আর জুলুম গরানা উগুরে।”

যিরমিয় 23:5

লগেপ্রভু কোইয়্যেদে, সে দিনুন এত্তন যেক্কে মুই দায়ূদোর বংশত্ এক্কো ন্যায়বলা চারারে তুলিম; তে রাজা ওইনে জ্ঞানর্ সমারে রাজাগিরি গুরিবো আর দেজত্ গম্ আর ন্যায় কাম গুরিবো।

যিহিষ্কেল 19:3

তার এক্কো ছঅ দাঙর্ ওইনে বোলী সিংহ ওই উদিলো। তে য়েমান শিগের্ গরানা শিগিলো আর মানুচ্ হাঃ ধুরিলো।

যিহিষ্কেল 19:7

তে তারার্ ঘরানি ভাঙিলো আর শঅরান্ বেক্কান ভস্ত গুরি ফেলেল। তার গুজুরোনিলোই দেজর্ বেক্কুনে দোরেলাক্।

যিহিষ্কেল 22:27

হোক্ক্যে বাঘে যেবাবোত্যেগুরি শিগের্ গরন সেবাবোত্যেগুরি সিদুগোর্ রাজার চাগরুনে লো ঝরান্ আর অন্যেয় গুরি পেবাত্তে মানুচ্ খুন গরন্।

যিহিষ্কেল 22:6

চঅ, তঅ ভিদিরে ইস্রায়েলর্ পত্তি শাজন্‌গুরিয়্যে লো ঝোরেবাত্তে কিবাবোত্যেগুরি তার্ খেমতাগান বেবহার গরের্।

যিহিষ্কেল 46:18

মানুচ্চুনোরে ধাবেই দিইনে শাজন্‌গুরিয়্যেবো তারার্ কনঅ সোম্বোত্তি গজক্ গুরি ন-পারিবো। তে বানা তার্ নিজো সোম্বোত্তিত্তুন্ তা পুয়োগুনোরে দি পারিবো যেনে মঅ মানুচ্চুনো ভিদিরেত্তুন্ কনজনে তার সোম্বোত্তির্ গিরোজ্ অনাগান্ ন-আরান্।’”

সফনিয় 3:13

ইস্রায়েলর সেই বাদবাগি মানুচ্চুনে অন্যেয় ন-গুরিবাক্; তারা মিজে কধা ন-কবাক্ বা তারার্ মুয়োত্ ছলনা ন-থেবঅ। তারা হেইনে গমেডালে ঘুম যেবাক্, কনজনে তারারে দর্‌বুগ্ ন-লাগেবাক্।”

যাকোব 2:6

অদচ সেই নাঢা মানুচ্চুনোরে তুমি অগমান গোজ্জ্য। মাত্তর্ তাগোয়্যে মানুচ্চুনে কি তমারে দুঘ্ ন-দুয়োন্ আর আদালদত্ টানি ন-নেযান্?

যিহোশূয় 11:23

লগেপ্রভু মোশিরে যে উগুমান দিয়্যে সেই মজিম যিহোশূয় পুরো দেজ্‌চান গজক্ গুরি নেযেল আর গুট্টি মজিম সোম্বোত্তি ইজেবে সিয়েনি ইস্রায়েলীয়গুনো ভিদিরে ভাগ্‌ গুরি দিলো। দেজত্‌ সেক্কে যুদ্ধো থামেই গেলঅ‌।

যিহোশূয় 19:49

দেজ্‌চান ভাগ গুরি দেনা শেজ্‌ অলে পরেন্দি ইস্রায়েলীয়গুনে লগেপ্রভুর্‌ উগুম মজিম নূনর পূঅ যিহোশূয়রে দেজঅ ভিদিরে এক্কান সোম্বোত্তি দিলো। তারা তারে ইফ্রয়িম-গুট্টির জাগায়ানি ভিদিরে মুড়ো-মুড়ি চাগালার তিম্নৎ-সেরহ আদামান দিলাক্। তে সেই আদামান চেইয়্যে। সিয়েন নূয়ো গুরি বানেইনে যিহোশূয় সিয়েনত্‌ বজত্তি গরা ধুরিলো।