যিহিষ্কেল 45:4 - Chakma Bible

⁴ এ ভাগ্‌‌‌‌‌‌কান ধর্মগুরুগুনোত্তে; সিয়েন পবিত্র। ধর্মগুরুগুনে উবোসনা-ঘরত্ সেবা-কাম গরন আর লগেপ্রভুরে সেবা গুরিবাত্তে তা মুজুঙোত্ উজেই যান্। সেই জাগানত্ অবঅ তারার্ ঘর-বাড়ি আর উবোসনা-ঘরত্তে সুদ্ধো-সাংগ জাগা।

যিহিষ্কেল 45:4 ပူးပေါင်းရင်းမြစ်များ

যিহিষ্কেল 40:45

তে মরে কলঅ, “দোগিণোদি মু গুদিবো উবোসনা-ঘরর দেগাশুনোর ভার্-পেইয়্যে ধর্মগুরুগুনোত্তে আর উত্তোরেদি মু গুদিবো পূজোর্ দেগাশুনোর্ ভার-পেইয়্যে ধর্মগুরুগুনোত্তে। সেই ধর্মগুরুগুন অলাক্ সাদোকর্ পুয়োগুন; লেবীয়গুনো ভিদিরে বানা তারা লগেপ্রভুর মুজুঙোত্ তার সেবা-কামত্তে যেই পারন্।”

যিহিষ্কেল 43:19

সাদোক বংশর যে ধর্মগুরুগুন মরে সেবা গুরিবাত্তে মইধু এজন্ তুই পাপ-উৎসর্বত্তে তারারে এক্কো দামাড়া গোরু দিবে।

যিহিষ্কেল 44:28

ধর্মগুরুগুনোর সোম্বোত্তি কদে বানা মুয়ই থেইম্। তুমি ইস্রায়েলীয়গুন তমা দেজত্ তারারে কনঅ সোম্বোত্তি ন-দিবা; মুয়ই ওম্ তারার সোম্বোত্তি।

যিহিষ্কেল 45:1

তুমি যেক্কে সোম্বোত্তি ইজেবে দেজর্ ভূইয়ানি ভাগ্ গুরি দিবা সেক্কে পোজোস্ আজার্ মাবেদে কাদি লাম্বা আর কুড়ি আজার্ মাবেদে কাদি পাদাজ্যে দেজর্ এক কট্টা ভূই লগেপ্রভুরে দিবা; সেই পুরো চাগালাগান অসিজি অবঅ।

যিহিষ্কেল 45:3

সেই পুরো সুদ্ধো-সাংগ চাগালান ভিদিরেত্তুন্ পোজোস্ আজার্ মাবেদে কাদি লাম্বা আর দশ আজার্ মাবেদে কাদি পাদাজ্যে এক্কান ভাগ্ মাবি রাগেবা। এ ভাগ্‌‌‌‌‌‌কান ভিদিরে উবোসনা-ঘর, অত্তাৎ যদবদে সুদ্ধো-সাংগ জাগা থেবঅ।

যিহিষ্কেল 48:8

যিহূদার দুযির্ দোগিণে পূগেত্তুন্ পোজিমেদি সং থেবঅ সেই জাগায়ান যিয়েন তুমি বিশেষ কামত্তে যুদো গুরি রাগেবা। সিয়েন পাদাজ্যেদি অবদে পোজোশ্ আজার্ মাবেদে কাদি আর লাম্বায় অবদে অন্য গুট্টিগুনো ভাগ ধোক্ক্যেন দেজর্ পূগেদিত্তুন্ পোজিমেদি সং; সেজাগানর্ সংমোধ্যে থেবদে উবোসনা-ঘর।

গণাণা 16:5

তে কোরহ আর তার দলর মানুচ্চুনোরে কলঅ, “এযেত্যেকেল্যে বেন্যেমাদান্ লগেপ্রভু দেগেই দিবো কন্না তার মানুচ্‌ আর কন্না তার নাঙে যুদো গোজ্যে। তেয়ই সেই মানুচ্চোরে তা মুজুঙোত্‌ যেবাত্তে দিবো। যিবেরে তে বেঈ লবঅ তারে তে তা মুজুঙোত্‌ যেবাত্তে দিবো।