যিহিষ্কেল 45:3 - Chakma Bible

³ সেই পুরো সুদ্ধো-সাংগ চাগালান ভিদিরেত্তুন্ পোজোস্ আজার্ মাবেদে কাদি লাম্বা আর দশ আজার্ মাবেদে কাদি পাদাজ্যে এক্কান ভাগ্ মাবি রাগেবা। এ ভাগ্‌‌‌‌‌‌কান ভিদিরে উবোসনা-ঘর, অত্তাৎ যদবদে সুদ্ধো-সাংগ জাগা থেবঅ।

যিহিষ্কেল 45:3 ပူးပေါင်းရင်းမြစ်များ

১ রাজাবলী 6:16

তবনা-ঘর ভিদিরে দাঙর্ পবিত্র জাগা নাঙে ইক্কো ভিদিরে গুদি বানেবাত্তে তে তবনা-ঘরর্‌ পিচ্চো ভাগত্ কুড়ি আত্‌ জাগা তলেত্তুন্‌ ধুরি দোন্‌দোমা সং এরস গাজ তক্তালোই ফারক্‌ গুরি নেযেল।

যিহিষ্কেল 45:2

সিয়েনত্তুন্ পাচশঅ মাবেদে কাদি লাম্বা আর পাচশঅ মাবেদে কাদি পাদাজ্যে এক্কান ভাগ উবোসনা-ঘরত্তে থেবঅ; সিয়েনর্ চেরোকিত্তে পঞ্চাশ আত্ খুলো জাগা থেবঅ।

যিহিষ্কেল 45:4

এ ভাগ্‌‌‌‌‌‌কান ধর্মগুরুগুনোত্তে; সিয়েন পবিত্র। ধর্মগুরুগুনে উবোসনা-ঘরত্ সেবা-কাম গরন আর লগেপ্রভুরে সেবা গুরিবাত্তে তা মুজুঙোত্ উজেই যান্। সেই জাগানত্ অবঅ তারার্ ঘর-বাড়ি আর উবোসনা-ঘরত্তে সুদ্ধো-সাংগ জাগা।

যিহিষ্কেল 48:10

ইয়েন অবঅ ধর্মগুরুগুনোত্তে পবিত্র ভাগ্। উত্তোর্ আর দোগিণেদি ইয়েন অবঅ পোজোশ্ আজার্ মাবেদে কাদি লাম্বা আর পোজিমে আহ্ পূগেদি দশ আজার্ মাবেদে কাদি পাদাজ্যে। সিয়েনর্ সংমোধ্যেদি থেবদে লগেপ্রভুর্ ঘরান্।

যিহিষ্কেল 48:8

যিহূদার দুযির্ দোগিণে পূগেত্তুন্ পোজিমেদি সং থেবঅ সেই জাগায়ান যিয়েন তুমি বিশেষ কামত্তে যুদো গুরি রাগেবা। সিয়েন পাদাজ্যেদি অবদে পোজোশ্ আজার্ মাবেদে কাদি আর লাম্বায় অবদে অন্য গুট্টিগুনো ভাগ ধোক্ক্যেন দেজর্ পূগেদিত্তুন্ পোজিমেদি সং; সেজাগানর্ সংমোধ্যে থেবদে উবোসনা-ঘর।