যিহিষ্কেল 45:1 - Chakma Bible

¹ তুমি যেক্কে সোম্বোত্তি ইজেবে দেজর্ ভূইয়ানি ভাগ্ গুরি দিবা সেক্কে পোজোস্ আজার্ মাবেদে কাদি লাম্বা আর কুড়ি আজার্ মাবেদে কাদি পাদাজ্যে দেজর্ এক কট্টা ভূই লগেপ্রভুরে দিবা; সেই পুরো চাগালাগান অসিজি অবঅ।

যিহিষ্কেল 45:1 ပူးပေါင်းရင်းမြစ်များ

গম্ উপদেজ্ 3:9

তঅ ধন-সোম্বোত্তিগানিলোই আর তর্ পৌল্যে কাপ্যে খেত-খেত্তিগানি উৎসর্ব গুরিনে তুই লগেপ্রভুরে সর্মান দেগা;

যিহিষ্কেল 42:16

তে মাবেদে কাদিলোই চাগালাগানর্ পূগে, উত্তোরে, দোগিণে আর পোজিমেদি মাবানার্ পরেদি সিগুনোর্ পত্তিবো পাচশঅ মাবেদে কাদি অলঅ।

যিহিষ্কেল 48:29

এ দেজ্‌চান ইস্রায়েলর্ গুট্টিগুনোরে সোম্বোত্তি ইজেবে তুমি ভাগ গুরি দিবা, আর ইয়েন অবঅ তারার্ ভাগ্। মুই প্রভু লগেপ্রভু লগেপ্রভু এ কধাগান কঙর্।

লেবীয় 25:23

উমরত্তে কারঅ‌ ভূই বেজানা ন-চলিবো, কিত্যে বেক্‌ ভূইয়ানি মর্‌ আরঅ মঅ মুজুঙোত্ তুমি সিয়েনত্‌ পরবাস্যে ওইনে বজত্তি গুরিবা।

গণাণা 34:13

ইয়েনর্ পরেদি মোশি ইস্রায়েলীয়গুনোরে উগুম গুরিনে কলঅ, “তুমি চাম্বা চেইনে লগেপ্রভুর উগুম মজিম দেজ্‌চান তমার নয় গুট্টি আর মনঃশির অদ্দেক্ গুট্টি ভিদিরে ভাগ গুরি নেযেইনে তমার্‌ সোম্বোত্তি গুরি নেযেবা,

যিহোশূয় 13:7

ইস্রায়েলীয়গুনোর নয়-গুট্টি আর মনঃশি-গুট্টির অদ্দেক্‌ মান্‌জ্যরে তুই সোম্বোত্তি ইজেবে সিয়েনি ভাগ গুরি দিবে।”

যিহোশূয় 14:1

অন্য ইস্রায়েলীয়গুনে কনান দেজত্‌ সোম্বোত্তি ইজেবে জাগা-জোবিন্ পেলাক্‌। ধর্মগুরু ইলীয়াসর, নূনর পূঅ‌ যিহোশূয় আর ইস্রায়েলীয়গুনোর যুদো যুদো গুট্টির গিরির্-নেতাগুনে তারারে সিয়েনি ভাগ গুরি দিলাক্।

যিহোশূয় 14:2

লগেপ্রভু মোশিরে দিইনে যেধোক্ক্যেন উগুম দিয়্যে সেধোক্ক্যেন ইস্রায়েলীয়গুনোরে সাড়ে নয় গুট্টির ভিদিরে চাম্বা চেইনে সোম্বোত্তিগানি ভাগ গুরি দিয়্যে ওইয়্যে।

যিহোশূয় 14:3

মোশি আড়াই গুট্টির্ সোম্বোত্তিগানি যর্দনর পূগেন্দি আগে দি যেইয়্যে, মাত্তর্‌ তে লেবি-গুট্টিরে ইস্রায়েলীয়গুনো ভিদিরে কনঅ সোম্বোত্তি ন-দে।