যিহিষ্কেল 44:3 - Chakma Bible

³ বানা শাজন্‌গুরিয়্যেবো গেদো ভিদিরে বোইনে লগেপ্রভুর মুজুঙোত্ হেই পারিবো। তে শেজ্ গুদিবোদি গেদোত্ সোমেব আর একই পধেদি নিগিলিবো।”

যিহিষ্কেল 44:3 ပူးပေါင်းရင်းမြစ်များ

পত্থম 31:54

ইয়েনর পরেদি যাকোবে সেই মুড়োবোত্‌ য়েমান্‌-দালি দিলো আর তার কুদুম্মোগুনোরে খানা-দানা গুরিবাত্তেই ডাগিলো। খানা-দানার পরে সেই মুড়োবো উগুরেই তারা রেত্তো কাদেলাক্।

২ রাজাবলী 16:18

লগেপ্রভুর ঘরত্‌ জিরেবার্‌ আজাই যে কাবড়র ছামিয়ানা বানা ওইয়্যে আসিরিয়ার রাজার দরে আহসে সিগুন্‌ খুলিনে সোরেই রাগেল আর লগেপ্রভুর ঘরর্‌ বারেন্দি রাজা সোমেবাত্তে যে পথ্‌তান্‌ বানা ওইয়্যে সিয়েন্‌অ সোরেই রাগেল।

২ বংশধর 23:13

তে দেগিলোদে, লগেপ্রভুর ঘরত্‌ সোমেবার্‌ পথ্‌তানত্‌ রাজা তার্‌ থুনিবো কায়-কুরে থিয়্যেই আঘে আর সেনাপতিগুনে আর তূরী বাজেয়্যেগুনে রাজার্‌ কায়-কুরে আগন্‌। দেজর্‌ বেক্‌ মানুচ্চুনে হুুজি-ফুত্তি গত্তন্‌ আর তূরী বাজাদন্‌ আর গান গেইয়্যেগুনে বাজনা বাজেইনে নাঙ্ গিনেদে-গান গত্তন্‌। ইয়েনি দেগিনে অথলিয়া তার্‌ কাবড়্‌-চুগোড়ানি ফাদিনে রঅ ছাড়িনে কলঅ, “ইয়েন্‌ দঅ বেঈমানি! বেঈমানি!”

২ বংশধর 34:31

রাজা তার্‌ নিজোর্‌ জাগানত্‌ থিয়্যেইনে লগেপ্রভুর পধেন্দি আদিবাত্তে আর বেক্‌ মনান্‌-পরাণান্‌ দিইনে তার্‌ বেক্‌ উগুমানি, সুদোম্‌ আর হুকুমানি মানি চলিবাত্তে, অত্তাৎ এ বোইবো ভিদিরে লেখ্যে সুদোমর্‌ বেক্‌ কধানি পালেবাত্তে লগেপ্রভুর মুজুঙোত্‌ শমক্‌ খেলঅ।

যিশাইয় 23:18

মাত্তর্ তার লাভ আর আয় লগেপ্রভুর নাঙে যুদো গুরি রাগা অবঅ; সিগুন জোমেই রাগানা বা থুবোনা ন-অবঅ। যিগুনে লগেপ্রভু মুজুঙোত্ আঢাউদো গরদন্ তারার্ হানা-দানাত্তে আর দোল্ দোল্ কাবড়-চুগোরত্তে তার সে লাভ্‌‍‍‍পুন খরচ্ গরা অবঅ।

যিশাইয় 62:9

যিগুনে খেত্-খেত্তি কাবিনে তুবেবাক্ তারা সেই খেত্-খেত্তিগানি হেবাক্ আর লগেপ্রভুরে নাঙ্ গিনিবাক্। যিগুনে আংগুর তুবেবাক্ তারা মর্ সুদ্ধো-সাংগ জাগানর উদোনত্ তার রস্‌চান হেবাক্।” ‌‌‌

যিহিষ্কেল 34:24

মুই লগেপ্রভু তারার্ গোজেন ওম্ আর মর্ চাগর্ দায়ূদে তারার্ নেতা অবঅ। মুই লগেপ্রভু এ কধাগান কঙর্।

যিহিষ্কেল 37:25

যে দেজ্‌‌‌‌চান মুই মঅ চাগর্ যাকোবরে দুয়োং, যে দেজত্ তারার্ পুরোণি মানুচ্চুনে বজত্তি গুরি যেইয়োন সিয়েনত্ তারা বজত্তি গুরিবাক্। তারা, তারার্ পুয়ো-ছাগুনে আর নাদিন্ পুদিনুনে সিয়েনত্ জিংকানিবর্ বজত্তি গুরিবাক্ আর মর্ চাগর্ দায়ূদে উমরত্যে তারার্ রাজা অবঅ।

যিহিষ্কেল 40:9

সে গুদিবো লাম্বাদি এলদে আস্‌‌‌তো আত্ আর সিয়েনত্তুন্ নিগিলিবার পধত্ দ্বি কিত্তেদি খুদো দ্বিবে এলাক্ দ্বিআত্ গুরি পাদাজ্যে। গেদো শেজদি সেই গুদিবোর্ মুয়োন এলদে উবোসনা-ঘর ইন্দি।

যিহিষ্কেল 46:12

শাজন্‌গুরিয়্যেবো যেক্কে লগেপ্রভুর নাঙে নিজোর্ আওজে কনঅ উৎসর্ব গুরিবাত্তে চায়-সিবে পূজ্যে-উৎসর্ব ওক্ বা উদোলোলি-উৎসর্ব ওক্-সেক্কে তাত্তে পূগেদি মু গেইট্টো খুলি দিয়্যে পড়িবা। জিরেবার দিনো ধোক্ক্যেন গুরি তে তার্ পূজ্যে-উৎসর্ব বা উদোলোলি-উৎসর্বর অনুষ্ঠান গুরিবো। পরেদি তে বারেদি গেলে গেইট্টো বন্ধ গরা অবঅ।

যিহিষ্কেল 46:2

সেক্কে শাজন্‌গুরিয়্যেবোর্ বারেত্তুন্ গেদোত্ সোমেবার গুদিবোদি সোমেইনে গেদো খুদোবোর্ কায়কুরে থিয়্যে পড়িবো। ধর্মগুরুগুনে তার পূজ্যে-উৎসর্ব আর উদোলোলি-উৎসর্বর্ অনুষ্ঠান গুরিবাক্। গেদোত্ সোমেবার মুয়োনত্ তে উবোসনা গুরিবার পরেদি নিগিলি যেবঅ, মাত্তর্ সাজোন্যে সং গেইট্ খুলো থেবঅ।

দ্বি’লম্বর বিররণ 12:7

সিয়োদোই তমার গোজেন লগেপ্রভুর মুজুঙোত্‌ তুমি আর তমার পরিবারর মানুচ্চুনে হানা-দানা গুরিবাক্ আর তার আশিদ্‌বাদ মজিম পাওনা তমার কামর্‌ খেতখেত্তিলেই তুমি ফুত্তি গুরিবা।

ফগদাং পেইয়্যে 3:20

চঅ, মুই দুয়োরান ইধু থিয়্যেইনে বাজ্জাঙর্। কেঅ যুনি মর্ মুয়ো রবুয়ো শুনিনে দুয়োরান খুলি দে সালে মুই ভিদিরে তাইধু যেইম্ আর তা সমারে হানা-দানা গুরিম, আর তেয়ো মঅ সমারে হানা-দানা গুরিবো।