যিহিষ্কেল 43:9 - Chakma Bible

⁹ ইক্কিনে তারা মত্তুন্ তারার মূত্তি পূজোগুন আর তারার্ রাজাগুনোর মরাকিয়্যেনি দূর্ গোরোদোক্; সেক্কে মুই উমর সং তারা ভিদিরে বজত্তি গুরিম।

যিহিষ্কেল 43:9 ပူးပေါင်းရင်းမြစ်များ

১ রাজাবলী 8:13

মুই ইক্কিনে তত্তে এক্কান জদবদে দোল্‌ ঘর বানেয়োং; ইয়েন অবদে তর্‌ উমরর্ থেবার্‌জাগা।”

গীতসংহিতা 46:5

গোজেনে সেই শঅরানত্ থায়, সেনত্তে সিয়েন থির্ থেবঅ; বেন্যেপোত্যে গোজেনে তারে বল্ দিবো।

গীতসংহিতা 68:17

গোজেনর্ রথ আজার আজার, লাখ্ লাখ্; প্রভু সিয়েনির ভিদিরে পবিত্র জাগানত্ আঘে, যেধোক্ক্যেন তে সিনাই মুড়োবোত্ এলঅ।

যাত্রা 29:45

মুই ইস্রায়েলীয়গুনোর্‌ গোজেন ওইনে তারা ইদু বজত্তি গুরিম।

যিহিষ্কেল 37:23

তারার্ বেক মূত্তিগুন, মূত্তি বা তারার্ কনঅ বজং জিনিস্‌‌‌চোই তারা আর্ নিজোরে অসিজি ন-গুরিবাক্। তারার্ বেক পাপ আর ভান্ন্যেই পধেদি যানাত্তুন্ মুই তারারে রোক্ষ্যে গুরিম আর সিজি গুরিম। তারা মঅ মানুচ্ অবাক্ আর মুই তারার্ গোজেন ওম্।

যিহিষ্কেল 43:7

তে কলঅ, ও মানজ্যর্ পুয়োবো, ইয়েন মর্ সিংহাসনর্ জাগা আর মর্ টেঙ্ রাগেবার জাগা। মুই ইধু ইস্রায়েলীয়গুনো ভিদিরে উমর সং বজত্তি গুরিম। ইস্রায়েলীয়গুনে আর কনদিন্‌অ মর্ পবিত্র নাঙান্ কলংকিত ন-গুরিবাক্। তারার্ বা তারার্ রাজাগুনোর্ মূত্তিপূজোলোই আর পূজোর্ অজল্ জাগানত্ তারার্ রাজাগুনোর মরাকিয়্যেনি নেযানালোই মঅ নাঙান্ কলংকিত ন-গুরিবাক্।

হোশেয় 2:2

তমা মাবোরে গেইল্ দুয়ো, গেইল্ দুয়ো তারে, কিত্যে তে মর্ মোগ্ নয় আর মুইয়ো তার নেক্ নয়। তে তার্ চোগো টার্ মারানাত্তুন্ বেশ্যেগিরি আর তা বুগোত্তুন্ বেভিচের্ দূর গোরোক্।

২ করিন্হীয় 6:16

আর গোজেনর্ থেবার্ ঘরানত্ মূর্ত্তির জাগায়ান্ কুধু? আমি দঅ জেদা গোজেনর্ থেবার্ ঘর। পবিত্র বোইবোত্ গোজেনে কোইয়্যেদে, “মুই মঅ মানুচ্চুনো ইধু বজত্তি গুরিম, আর তারা সমারে আঢাউদো গুরিম। মুই তারার্ গোজেন ওম্, আর তারা মর্ নিজোর্ মানুচ্ অবাক্।”