Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




যিহিষ্কেল 43:7 - Chakma Bible

7 তে কলঅ, ও মানজ্যর্ পুয়োবো, ইয়েন মর্ সিংহাসনর্ জাগা আর মর্ টেঙ্ রাগেবার জাগা। মুই ইধু ইস্রায়েলীয়গুনো ভিদিরে উমর সং বজত্তি গুরিম। ইস্রায়েলীয়গুনে আর কনদিন্‌অ মর্ পবিত্র নাঙান্ কলংকিত ন-গুরিবাক্। তারার্ বা তারার্ রাজাগুনোর্ মূত্তিপূজোলোই আর পূজোর্ অজল্ জাগানত্ তারার্ রাজাগুনোর মরাকিয়্যেনি নেযানালোই মঅ নাঙান্ কলংকিত ন-গুরিবাক্।

အခန်းကိုကြည့်ပါ။ ကော်ပီ




যিহিষ্কেল 43:7
43 ပူးပေါင်းရင်းမြစ်များ  

মুই ইক্কিনে তত্তে এক্কান জদবদে দোল্‌ ঘর বানেয়োং; ইয়েন অবদে তর্‌ উমরর্ থেবার্‌জাগা।”


তে পূজো অজল্‌ জাগায়ানিত্‌, মুড়ো উগুরে আর পত্তি ডেলা ছিদিপোজ্যে য়েল্‌ গাজ তলে য়েমান্‌ উৎসর্ব গুরিদো আর আগর্‌বাট্টি জ্বালেদ।


পরেন্দি রাজা দায়ূদে থিয়্যেইনে তারারে কলঅ, মর্‌ ভেইয়ূন আর মর্‌ মানুচ্চুন্‌, মঅ কধাগান্‌ গমেডালে শুনো। লগেপ্রভুর সুদোম-সুন্দুক্কোত্তে, অত্তাৎ আমা গোজেন টেঙ্‌ থবার্‌ জাগানত্তে এক্কান্‌ থিদেবর্ গোজ্যে ঘর্‌ বানেবার্‌ আওজ্ মঅ মনত্‌ এলঅ, আর মুই সিয়েন্‌ বানেবার্‌ যুক্কোলঅ গোজ্যং।


তে কোইয়্যেদে, “ইয়েনই মর্ জনমত্তে জিরেবার জাগা; মুই ইয়োদোই বজত্তি গুরিম, কিত্তে মুই সিয়েনই চেয়োং।


গোজেনে সেই শঅরানত্ থায়, সেনত্তে সিয়েন থির্ থেবঅ; বেন্যেপোত্যে গোজেনে তারে বল্ দিবো।


বেক্ জাদ্‌তুনো উগুরে গোজেনে রাজাগিরি গরে; তার পবিত্র সিংহাসনত্ তে বজি আঘে।


গোজেনর্ রথ আজার আজার, লাখ্ লাখ্; প্রভু সিয়েনির ভিদিরে পবিত্র জাগানত্ আঘে, যেধোক্ক্যেন তে সিনাই মুড়োবোত্ এলঅ।


যেক্কে তুই স্বর্গত উদিলে সেক্কে উদি যেইয়্যে বন্দিগুনোরে চালেই নেযেয়োচ্। মানুচ্চুনোর ভিদিরে, এমন কি, উল্লোমিগুনোর ইদু থাগদে তইদু বোউত্ দান এচ্চ্যে, যেনে তুই, ও লগেপ্রভু গোজেন, তারা ইদু থেই পারচ্।


লগেপ্রভুই রাজা; বেক জাদ্‌তুনে গির্‌গিরে উদোদোক্। তে স্বর্গদূত্‌তুনো উগুরে সিংহাসনত্ বুজি আঘে; পিত্‌থিমীগান টলমল গোরোক্।


আমা গোজেন লগেপ্রভুর বাঈনী গর; তা টেঙ্ থইদ্যে মুজুঙোত্ মাদা নিগিরিনে তারে জু জু জান; তে পবিত্র।


ইস্রায়েলীয়গুনোর মাধ্যমে তুই মর্‌ থেবাত্তে এক্কান্‌ পবিত্র জাগা বানেবে। সেক্কে মুই তারা ভিদিরে বজত্তি গুরিম।


মুই ইস্রায়েলীয়গুনোর্‌ গোজেন ওইনে তারা ইদু বজত্তি গুরিম।


যে বজরত্ রাজা উষিয় মুরি গেলঅ সে বজরত্ মুই দেগিলুং প্রভু অমকদ অজল্ এক্কান সিংহাসনত্ বজি আঘে। তা রাজ্-পোজাগর্ তলে কট্টাগান্দোই উবোসনা-ঘরান্ ভর্‌পুনোং এলঅ।


লগেপ্রভু কত্তে, “স্বর্গগান মর্ সিংহাসন আর পিত্‌থিমীগান মর্ টেঙ্ থবার জাগা। তুমি মত্তে কুদু ঘর বানেবা? মর্ জিরেবার জাগায়ান কুদু অবঅ?‌


তঅ সুনাঙান রোক্ষ্যে গুরিবাত্তে তুই আমান্দিত্তুন মুয়োন ফিরেই ন-নেযেচ্; তর্ বাঈনী গুরিবার সিংহাসনর জাগায়ানরে অসন্মান অবাত্তে ন-দিচ্। আমাত্তে তর্ থিদেবর্ গোজ্যে সুদোমর কধানি ইদোত্ তুল্; তুই সিয়েনি বাদ ন-দিচ্।


তারার পাজিগানিত্তে আর পাপ্পানিত্তে মুই তারারে দ্বিগুন ফল দিম, কিত্তে তারা মঅ দেজ্‌‍‍‍চানরে অসিজি গোজ্যন আর তারাত্তে জঘন্য মূত্তি আর পুজোলোই মর্ সেই অধিকারানরে পুরোন গোজ্যন‍।”


সেই পৌইল্যাত্তুন্ ধুরি থিদেবর্ গোজ্যে বাঈনী গুরিবার সিংহাসনান্ অলঅ আমা পবিত্র উবোসনা-ঘরর জাগা।


সে অক্তত্ মান্‌জ্যে যিরূশালেমানরে কবাক্ লগেপ্রভুর সিংহাসন, আর লগেপ্রভুরে উবোসনা গুরিবাত্তে বেক্ জাদ্‌‌‌তুনে যিরুশালেমত্ থুবেবাক্। তারার ভান্ন্যেই মনর্ একগেয়েমিলোই আর তারা ন-চলিবাক্।


সিয়েনত্ নীলকান্তমণির সিংহাসন ধোক্ক্যেন কিজু এক্কান দেগা গেলঅ। সেই অজলত্ থেইয়্যে সিংহাসন উগুরে মান্‌‌জ্য সাইজো ধোক্ক্যেন একজনরে দেগা গেলঅ।


সে পরেদি মুই রিনি চেলুং, আর করূব্‌‌‌‌‌‌‌‌পুনোরে মাঢা উগুরেদি যিয়েনি বিজেয়্যে এলঅ সিয়েন উগুরে নীলকান্তমণির সিংহাসন ধোক্ক্যেন কিজু এক্কান দেগিলুং।


“‘ও ইস্রায়েলীয়গুন,মুই প্রভু লগেপ্রভু কঙর্, যঅ, তুমি পত্তিজনে যেইনে তমা মূত্তিগুনোরে সেবা গরঅ। মাত্তর্ পরেদি মঅ কধা তুমি হামাক্কায় শুনিবা আর সেক্কে তুমি তমার বক্‌‌‌‌‌শিজ্ আর মূত্তিলোই আর মর্ সুদ্ধো-সাংগ নাঙান অসিজি ন-গুরিবা।


মর্ মানুচ্ ইস্রায়েলীয়গুনো ভিদিরে মুই মঅ পবিত্রতাগান ফগদাং গুরিম। মঅ নাঙান্ মুই আর্ অপবিত্র অবাত্তে ন-দিম; সেক্কে জাদ্‌‌‌‌তুনে হবর্ পেবাক, মুয়ই লগেপ্রভু, ইস্রায়েল ভিদিরে সেই সুদ্ধো-সাংগ মানুচ্চো।


ইক্কিনে তারা মত্তুন্ তারার মূত্তি পূজোগুন আর তারার্ রাজাগুনোর মরাকিয়্যেনি দূর্ গোরোদোক্; সেক্কে মুই উমর সং তারা ভিদিরে বজত্তি গুরিম।


শঅর চেরোকিত্তে দেবাল মাব্‌‌পান অবঅ আদার আজার্ মাবেদে কাদি। সে অক্তত্তুন্ ধুরি শঅরানর্ নাঙ্ অবঅ, ‘লগেপ্রভু ইয়েনত্ আঘে।’ ”


ইস্রায়েলীয়গুনে তারার্ পূজোর্ চেরোকিত্তে মূত্তিগুনো ভিদিরে, বেক্ দাঙর্ দাঙর্ মুড়োগুন উগুরে, ডেলা ছিদি পোজ্যে পত্তি গাজর্ তলে আর পাদালোই ভরা পত্তি এলোন গাজর্ তলাত্, অত্তাৎ যেদক্কানি জাগাত্ তারার্ মূত্তিগুনোর নাঙে তারা তুম্বাজ্ আগর্‌বাট্টি উৎসর্ব গুরিদাক্ সেই বেক্ জাগানিত্ মুরিনে পড়ি থেবাক্। সেক্কে বাঁজি থেইয়্যে মানুচ্চুনে হবর্ পেবাক্ যে, মুয়ই লগেপ্রভু।


মুই ইস্রায়েলীয়গুনোর মরাকিয়্যেনি তারার্ মূত্তিগুনো মুজুঙোত্ রাগেম আর তমা পূজোগুনোর্ চেরোকিত্তে তমা আড়ুন ছিদি দিম।


ও ইফ্রয়িম, মূত্তিগুন লগে তর্ আর কনঅ সম্পর্ক নেই। মুয়ই তর্ তবনার্ জোব্‌‌‌‌‌পান দিম আর তর্ যত্তন্ নেযেম। মুয়ই তেল্‌‌‌‌‌তেল্যে বেরস গাজ ধোক্ক্যেন; তর্ ফলুন মত্তুন্ এজে।”


লগেপ্রভু কত্তে, সেক্কে তুমি হবর্ পেবা যে, মুয়ই তমার্ গোজেন লগেপ্রভু; মুই সিয়োনত, মর্ সুদ্ধো-সাংগ মুড়োবোত্ বজত্তি গরং। যিরূশালেমান সুদ্ধো-সাংগ অবঅ; বিদেশীগুন আর কনদিন্‌অ সিদু ন-যেবাক্।


মুই তমার পূজোর উজু জাগায়ানি শেজ্ গুরি দিম, পৌইরেক-পূজো ভাঙি ফেলেম আর তমার পরাণ নেইয়্যে দেব-দেবীগুনো উগুরে তমার মরাকিয়্যেগানি ফেলেই দিম, আর মুই তমারে অমকদ ঘিনাইদে চোগোন্দি চেইম্‌।


মুই আঢুড়ুনোরে বাজেই রাগেম আর ধাবেই দিয়্যে মানুচ্চুনোরে গুরিম এক্কো দরমর জাদ্। মুই লগেপ্রভু সেদিন্যেত্তুন্ ধুরি উমরত্যে সিয়োন মুড়োবোত্ তারা উগুরে রাজাগিরি গুরিম।


তো যুনি কনজনে ভাববাদী ইজেবে কধা কন্ সালে তা নিজোর্ মা-বাবে তারে কবাক্, তত্তুন্ মরা পুরিবো, কিত্যে তুই লগেপ্রভুর নাঙে মিজে কধা কোইয়োচ্। তে ভাববাদী ইজেবে কধা কলে পরেদি তা নিজো মা-বাবে তারে আত্যের্‌লোই মারে ফেলেবাক্।‌‌‌


মুই তমারে যেদক্কানি উগুম্ দুয়োং সিয়েনি পালেবাত্তে তারারে শিক্ষ্যে দুয়ো। চঅ, যুগোর্ থুম্ সং নিত্য মুই তমা সমারে সমারে আগং।”


সে কধাগানই মানুচ্‌ ওইনে জর্মেল আর আমা ভিদিরে বজত্তি গুরিলো। বাবা গোজেনর্ বানা এক্কো গুরি পুয়ো ইজেবে তার্ যে মহিমা সে মহিমাগান্ আমি দেক্ক্যেই। তে দোয়্যে আর সত্যলোই ভরা।


যীশু তারে জোব্ দিলো, যুনি কেঅ মরে কোচ্‌পায় সালে তে মঅ কধানি মানি চুলিবো। মঅ বাপ্পো তারে কোচ্‌পেবঅ আর আমি তা ইধু এবং তা সমারে বজত্তি গুরিবোং।


আর গোজেনর্ থেবার্ ঘরানত্ মূর্ত্তির জাগায়ান্ কুধু? আমি দঅ জেদা গোজেনর্ থেবার্ ঘর। পবিত্র বোইবোত্ গোজেনে কোইয়্যেদে, “মুই মঅ মানুচ্চুনো ইধু বজত্তি গুরিম, আর তারা সমারে আঢাউদো গুরিম। মুই তারার্ গোজেন ওম্, আর তারা মর্ নিজোর্ মানুচ্ অবাক্।”


গোজেনর্ আর ভেড়া-ছবোর্ সিংহাসন সেই শঅরত্ থেবঅ আর তার্ চাগরুনে তারে সেবা গুরিবাক্।


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ