যিহিষ্কেল 43:4 - Chakma Bible

⁴ লগেপ্রভুর মহিমাগান পূগেদি গেদো ভিদিরেদি উবোসনা-ঘরত্ সোমেল।

যিহিষ্কেল 43:4 ပူးပေါင်းရင်းမြစ်များ

যাত্রা 40:34

সে পরেদি মেঘচাগ্‌ এইনে মিলন-তাম্বুলান্‌ নাঢি ফেলেল আর লগেপ্রভুর মহিমায় থেবার-তাম্বুলান ভুরি গেলঅ‌।

যাত্রা 40:35

থেবার-তাম্বুলান, অত্তাৎ মিলন-তাম্বুলান্‌ মেঘে ঢাক্ক্যা আর লগেপ্রভুর্‌ মহিমায় ভোজ্যে এলঅ‌ বিলিনে মোশি সিয়োত্‌ চোমেই ন-পারিলো।

যিশাইয় 60:1

লগেপ্রভু কোইয়্যেদে, ও যিরূশালেম, উঠ্, পহ্‌‌‌র দে, কিত্তে তঅ পহ্‌‌‌রান লুম্মেগি; লগেপ্রভুর মহিমাগানে তরে পহ্‌‌‌র দের্।

যিহিষ্কেল 1:28

ঝড় দিনোত্ মেঘ ভিদিরে রান্‌‌জোনি ধোক্ক্যেন তা চেরোকিত্তে সেই পহ্‌‌রান্ দেগা যার্। যিয়েন দেগা গেলঅ সিয়েন এলদে লগেপ্রভুর মহিমা ধোক্ক্যেন্। মুই সিয়েন দেগিনে মাদিত্ মাঢা নিগিরি পড়িলুং আর একজনরে কধা কদে শুনিলুং।

যিহিষ্কেল 11:23

লগেপ্রভুর মহিমাগান শঅর ভিদিরেত্তুন্ উদিনে শঅরর্ পূগেদি মুড়োমুড়ি উগুরে যেইনে থামেল।

যিহিষ্কেল 3:12

সে পরেদি গোজেনর আত্মাগানে মরে তুলি নিলো, আর মুই মঅ পিজেদি জোরে কোইয়্যে এ কধাগান শুনিলুং, “লগেপ্রভুর থেবার্ জাগানত্ তার্ মহিমার বাঈনী ওক্।”

যিহিষ্কেল 43:1

সে পরেদি তে মরে পূগেদি মু গেট্টো ইধু আনিলো,

যিহিষ্কেল 43:2

আর মুই পূগেদিত্তুন্ ইস্রায়েল গোজেনর মহিমাগান্ এত্তে দেগিলুং। তার্ মুয়ো রবো এলদে জোরে বেঈ যেইয়্যে পানি গঙার গুজুরোনি ধোক্ক্যেন্ আর তার মহিমালোই পিথ্‌‌‌‌‌‌তিমীগান জোল্‌‌‌‌‌‌জোল্যে ওই উদিলো।

যিহিষ্কেল 44:2

লগেপ্রভু মরে কলঅ, “এ গেট্টো বান্যে থেবঅ, খুলো ন-অবঅ যেনে কনজনে ইবে ভিদিরেদি সোমেই ন-পারন্। ইবে বান্যে থেবঅ, কিত্যে ইস্রায়েলর গোজেন লগেপ্রভু ইবের্ ভিদিরেদি সোম্মেগোই।

যিহিষ্কেল 44:4

সে পরেদি সেই মানুচ্চো মরে উত্তোরে গেদোর্ পধেদি উবোসনা-ঘর মুজুঙোত্ আনিলো। মুই দেগিলুং লগেপ্রভুর ঘরান্ তার মহিমালোই ভুরি যেইয়্যে; সেক্কে মুই মাঢা নিগিরিনে পড়িলুং।