যিহিষ্কেল 43:3 - Chakma Bible

³ এ দর্শনান্ দেগিনে মুই মাঢা নিগিরি পড়িলুং; মুই শঅর-ভস্ত অনার্ যে দর্শনান্ কবার গাঙ পারত্ দেগিলুং এ দর্শনান্ এলদে সিয়েন ধোক্ক্যেন্।

যিহিষ্কেল 43:3 ပူးပေါင်းရင်းမြစ်များ

যিরমিয় 1:10

চাহ্, উগুরি ফেলেবাত্যে আর ভাঙি ফেলেবাত্তে, ভস্ত আর সর্বনাশ গুরিবাত্তে আর বানেবাত্তে আহ্ থিদেবর্ গুরিবাত্তে এচ্চ্যে মুই তরে জাদ উগুরে আর রেজ্যগানি উগুরে নেযেলুং।”

যিহিষ্কেল 3:23

সেনত্তে মুই উদিনে কলগত্ গেলুং। কবার গাঙ পারত্ লগেপ্রভুর যে মহিমাগান দেখ্যং সেবাবোত্যে মহিমাগান্ সিয়েনত্ দেগিলুং; আর মুই মাঢা নিগিরি পড়িলুং।

যিহিষ্কেল 32:18

ও মান্‌‌জ্যর পুয়োবো, মিসর মানুচ্চুনোত্তে আবিলেচ্ গর আর যিগুনে মরণ জাগাত্ লামদন্ তারা লগে তারে আর অন্য খেমতাবলা জাদর্ মানুচ্চুনোরে পিত্‌‌‌থিমীর গভীনোত্ পাধেই দে।

যিহিষ্কেল 44:4

সে পরেদি সেই মানুচ্চো মরে উত্তোরে গেদোর্ পধেদি উবোসনা-ঘর মুজুঙোত্ আনিলো। মুই দেগিলুং লগেপ্রভুর ঘরান্ তার মহিমালোই ভুরি যেইয়্যে; সেক্কে মুই মাঢা নিগিরিনে পড়িলুং।

যিহিষ্কেল 8:4

আর সিয়েনত্ মঅ মুজুঙোত্ এলঅ ইস্রায়েলর গোজেনর মহিমাগান্, যিয়েনি মুই কলগত্ দর্শনর ভিদিরেদি দেখ্যং।

যিহিষ্কেল 9:1

সে পরেদি মুই গোজেনরে রঅ ছাড়িনে ডাগি কধে শুনিলুং, “ও শঅর-ভস্ত গুরিবার কামত্ নেযেয়্যে মানুচ্চুন, তুমি পত্তিজনে ভস্ত গরেদে আত্যেরানি আঢত্ লোইনে ইধু এজঅ।”

যিহিষ্কেল 9:10

সেনত্তে মুই তারারে মেয়্যেলী চোগেদিয়ো ন-চেম্, রেহাইঅ ন-দিম; তারা যিয়েনি গোজ্যন্ সিয়েনর ফল মুই তারা উগুরে ঢালি দিম্।”

যিহিষ্কেল 9:3

সেক্কে ইস্রায়েলর্ গোজেনর যে মহিমাগান্ করূব্‌‌‌পুনো উগুরে এলঅ সিয়েনি সিয়োত্তুন্ উদিনে উবোসনা-ঘরর ফ্রেমান ইধু গেলঅ। লগেপ্রভু মসীনার কাবড় উজ্যে সেই মানুচ্চোরে ডাগিলো।

যিহিষ্কেল 9:5

সে পরেদি মুই শুনিলুং তে সেই ছয়জনরে কত্তে, “তুমি শঅর ভিদিরে তা পিজে পিজে যঅ আর কনঅ মেয়্যে দোয়্যে ন-দেগেইনে মানুচ্চুনোরে মারে ফেলঅ, কাররে রেহাই ন-দুয়ো।