যিহিষ্কেল 42:14 - Chakma Bible

¹⁴ ধর্মগুরুগুনে সেবা-কামত্তে উবোসনা-ঘরত্ যে কাবড়ানি পিনিনে সোমেবাক্ সিয়েনি এ বিল্ডিং দ্বিয়েনত্ খুলিবাক্ আর সে পরেদি বারেদি উদোনত্ যেই পারিবাক্, কিত্যে সিয়েনি সুদ্ধো-সাংগ পোজাক্। সাধারণ মানুচ্চুনো জাগাত্ যেবার আগেদি তারাত্তুন্ অন্য কাবড় পিনে পড়িবো।”

যিহিষ্কেল 42:14 ပူးပေါင်းရင်းမြစ်များ

যিশাইয় 61:10

মুই লগেপ্রভুরে নিইনে খুব হুজি ওম্; মঅ পরাণানে মর্ গোজেনরে নিইনে হুজি গুরিবো, কিত্তে জামেইবো যেবাবোত্যেগুরি নিজো মাঢাবোত্ হবঙান্ বানে আর নূয়ো বৌবো নিজোরে সোনা-রূবোলোই সাজাই সেবাবোত্যেগুরি তে মরে উদ্ধোরর্ কাবড়ান উরেয়্যে আর সততার্ পোজাকে সাজেয়্যে।

যিহিষ্কেল 44:1

সে পরেদি সেই মানুচ্চো মরে উবোসনা-ঘরর পূগেদি মু বারেদি গেদো ইধু ফিরেই আনিলো; গেট্টো বান্যে এলঅ।

যিহিষ্কেল 44:19

তারা যেক্কে বারেদি উদোনত্ থেইয়্যে মানুচ্চুনো ইধু সেক্কে সেবা-কামত্তে তারা যে পোজাক্কানি পিন্নোন্ সিয়েনি খুলিনে সুদ্ধো-সাংগ গুদিবোত্ থোইনে অন্য কাবড়-চুগোর্ পিনিবাক্, যেনে তারার্ পোজাগর্ ছাবাগুন্দোই মানুচ্চুনে মঅ নাঙে যুদো ওই ন-যান্।

লেবীয় 16:23

দাঙর্‌ পবিত্র জাগানত্‌ চোমেবার্‌ আগেন্দি হারোণে যেদক্কানি মসীনার্‌ কাবড়্‌ উরিবো মিলন-তাম্বুলত্‌ ফিরি এইনে সিয়েনি তাত্তুন্‌ খুলিনে সিয়োদোই থোই দিয়া পুরিবো।

লেবীয় 16:24

সে পরেদি তে পবিত্র তাম্বুল-ঘরর্‌ চাগালাত্‌ যেইনে পানিলোই গাদিনে ধর্মগুরুর অক্তমজিম কাবড়-চুগোর্‌ উরিবো। ইয়েনর পরেদি তে নিগিলি এইনে তার্‌ নিজোর্‌ আর মানুচ্চুনোত্তে এক্কো গুরি পুজ্যে-উৎসর্বর্‌ অনুষ্ঠান গুরি তার্‌ নিজোর্‌ আর মানুচ্চুনোর্‌ পাপ ঢাগি দিবার্‌ বেবস্থা গুরিবো।

লেবীয় 8:13

সে পরেদি তে হারোণর্‌ পূঅগুনো মুজুঙোত্ আনিনে তারা কিয়্যেত্ সিলুম্‌ উরেই দিলো আর কমরত্‌ ফারদ্‌ দুড়ি বাঁনিনে মাঢাত্‌ তোক্কে পিনেই দিলো। বেক্কানি মোশি লগেপ্রভুর্ উগুম মজিম্ গুরিলো।

লেবীয় 8:7

পরেদি তে হারোনরে ভিদিরে সিলুম্মো উরেই দিইনে ফারদ্‌ দুরিগান্‌ বাঁনি দিলো। তে এফোদর্‌ তলে সিলুম্মো আর সিবে উগুরে এফোদ্‌তুয়ো তারে উরেই দিলো আর এফোদ সমারে জড়া লাগেয়ে ফারদ্‌ দুরিগান্‌ দিইনে এফোদ্‌তোয়ো বাঁনি দিলো। সেক্কে এফোদ্‌তো তা কিয়্যেত্‌ আক্‌সোই থেলঅ।

লূকে লেখ্যে গম্ হবর্ 9:62

যীশু তারে কলঅ, “নাঙলত্ আঢ্ বাজেইনে যে পিজেদি রিনি চায় তে গোজেন রেজ্যর্ যগাজ্যে নয়।”

রোমীয় 13:14

তুমি কাবড় ধোক্ক্যেন্ গুরি প্রভু যীশু খ্রীষ্টরে দিইনে নিজোরে ঢাগি ফেলঅ; পাপ-খাচ্চ্যদর্ আওজ্ পূরোণা ইন্দি মনানি ন-দুয়ো।

রোমীয় 3:22

যিগুনে যীশু খ্রীষ্ট উগুরে বিশ্বেজ্ গরন্ তারার্ সেই বিশ্বেজর্ মাধ্যমে গোজেনে তারারে নিদ্দুজি বিলি মানি লবঅ। যিহূদী আর অযিহূদী বেক্কুনে সং সং,

গালাতীয় 3:27

কিয়া তমাত্তুন্ যিগুনোর্ খ্রীষ্টর্ মাধ্যমে বাপ্তিস্ম ওইয়্যে, তুমি কাবড় ধোক্ক্যেন গুরি খ্রীষ্টরে দিইনে নিজোরে ঢাঘি ফেল্ল্য।

১ পিতর 5:5

সেবাবোত্যেগুরি গাবুজ্জ্যেগুন, তুমি আজল্ নেতাগুনোর অধীনোত্ থাগঅ। তুমি বেক্কুনে নরম ওইনে একজন আরেকজনরে সেবা গরঅ, কিয়া পবিত্র বোইবোর কধামজিম, “গোজেনে বার্‌বোগুনোর্ বিরুদ্ধে যায়, মাত্তর্ নরম মানুচ্চুনোরে দোয়্যে গরে।”