যিহিষ্কেল 42:13 - Chakma Bible

¹³ সে পরেদি তে মরে কলঅ, “উবোসনা-ঘরর মেলা জাগাত্ উত্তোর্ আর দোগিণেদি বিল্ডিং দ্বিয়েন ধর্মগুরুগুনোর। যে ধর্মগুরুগুনে লগেপ্রভু ইধু যান্ তারা এ বিল্ডিং দ্বিয়েনত্ উৎসর্বর দাঙর্ সুদ্ধো-সাংগ জিনিসচানি হেবাক্। সিয়েনত্ তারা শোস্য-উৎসর্ব, পাপ-উৎসর্ব আর দুষ উৎসর্বর দাঙর্ সুদ্ধো-সাংগ জিনিসচানি থবাক্, কিত্যে বিল্ডিং দ্বিয়েন সুদ্ধো-সাংগ।

যিহিষ্কেল 42:13 ပူးပေါင်းရင်းမြစ်များ

যাত্রা 29:31

“অদেঅদে-অনুষ্ঠানর্‌ এই ভেড়াছাগল্লোর য়েরা নেযেইনে এক্কান পবিত্র জাগাত্‌ উযো পুরিবো।”

যিহিষ্কেল 40:38

বারেদি উদোন সংমোধ্যে ভিদিরে গেদোর্ খুদোবো কায়কুরে এক কিত্তেদি খুলো এক্কো গুদি এলঅ; সিবে এলদে পুজ্যে-উৎসর্বর্ য়েমান য়েরা ধবার্ জাগা।

যিহিষ্কেল 41:12

উবোসনা-ঘরর পোজিমেদি মেলা জাগানত্ শেজ্ দুযিত্ এক্কান পাক্কাঘর্ এলঅ। সিয়েন সত্তুর্ আত্ পাদাজ্যে আর নব্বই আত্ লাম্বা এলঅ। সিয়েনর চেরোকিত্তে দেবালানি এলঅ পাচ্ আত্ দাদঅ।

যিহিষ্কেল 42:1

পরেদি তে মরে উবোসনা-ঘরর উত্তোরেদি বারেদি উদোনত্ আনিনে এক্কান বিল্ডিঙোত্ নেযেল। সেই বিল্ডিঙান্ উবোসনা-ঘরর্ উত্তোরেদি মেলা জাগান কায় আর পোজিমেদি বিল্ডিঙান কায় এলঅ।

যিহিষ্কেল 42:10

উবোসনা-ঘরর্ দোগিণেদি ঠিগ্ এক্কুই এক্কান বিল্ডিং এলঅ। সিয়েন এলদে ভিদিরে উদোনর্ মেলা জাগান কায় আর পোজিমেদি বিল্ডিঙান কায়।

লেবীয় 10:17

পাপ-উৎসর্বর্ য়েরাগান কিত্তে তুমি পবিত্র তাম্বুল-ঘরর্ চাগালা ভিদিরে হেই ন-ফেল? ইয়েন দঅ দাঙর্ পবিত্র জিনিস। লগেপ্রভুর্ মুজুঙোত্ ইস্রায়েলীয়গুনোর পাপ ঢাগিনে তারার্ সাজাত্তুন উদ্ধোর গুরিবাত্তেই সিয়েন তমারে দিয়্যে অইয়্যে।

লেবীয় 10:3

সেক্কে মোশি হারোণরে কলঅ, “লগেপ্রভু কোইয়্যেদে, ‘যিগুনে মইদু এজন্‌ তারা যেন মরে পবিত্র বিলিনে মানন্‌। মানুচ্চুনোর্‌ চোগোত্‌ তারা যেন মর্‌ সর্মান্‌ তুলি ধরন।’ ” হারোণে জুরো গুরি রলঅ।

লেবীয় 14:13

পবিত্র তাম্বুল-ঘরর্‌ চাগালাত্‌‌ যিয়েনত্‌ পাপ-উৎসর্ব আর পুজ্যে-উৎসর্বর্‌ য়েমান্‌ কাবা অয় সে ভেড়াছাগল্লো কাবা পুরিবো। পাপ-উৎসর্বর্‌ য়েরাগান ধোক্ক্যেন দুষ-উৎসর্বর য়েরাগানঅ ধর্মগুরুবোর্ পাওনা। এই য়েরাগান্‌ দাঙর্‌ পবিত্র জিনিস্।

লেবীয় 2:10

এ শোজ্য-উৎসর্বর জিনিজোর্‌ বাদবাগি যিয়েনি থেবঅ সিয়েনি হারোণ আর তার্‌ পূঅগুনোর্‌ পাওনা অবঅ। লগেপ্রভুর্ নাঙে আগুন্দোই-গোজ্যে বেক্‌ উৎসর্বয়ান ভিদিরে শোজ্য-উৎর্বর্ এ বাদবাগি ভাক্কান দাঙর্ পবিত্র জিনিস্।

লেবীয় 2:3

এ শোজ্য-উৎসর্বর জিনিজোর্‌ বাদবাগি যিয়েনি থেবঅ সিয়েনি হারোণ আর তার্ পূঅগুনোর্‌ পাওনা অবঅ। লগেপ্রভুর্ নাঙে আগুন্দোই-গোজ্যে বেক্‌ উৎসর্বয়ান ভিদিরে শোজ্য-উৎর্বর্ এ যেরেদি ভাক্কো দাঙর্‌ পবিত্র জিনিস্।

লেবীয় 21:22

হালিক্ গোজেনর্‌‌ নাঙে উৎসর্ব গোজ্যে হানা ভিদিরে পবিত্র আর দাঙর্‌ পবিত্র বেক্‌ হানাগানি তে হেই পারিবো,

লেবীয় 24:9

এই রুটি হারোণ আর তার পূঅগুনে পবিত্র তাম্বুল-ঘরর্‌ চাগালাত্‌‌ হেবাক্, কিত্যে লগেপ্রভুর্ নাঙে আগুন্দোই-গোজ্যে উৎসর্বর জিনিজো ভিদিরে ইবে এক্কো দাঙর্‌ পবিত্র জিনিস্। ইবে তারার্‌ নিত্য পাওনা।”

লেবীয় 6:19

ইয়েন পরেদি লগেপ্রভু মোশিরে আরঅ‌ কলঅ,

লেবীয় 6:29

ধর্মগুরু্‌-পরিবারর্‌ যে কনঅ মরদ মান্‌জ্যে সিয়েন্‌ হেই পারিবো। ইবে দাঙর্‌ পবিত্র জিনিজ।

লেবীয় 7:1

ইবে অলঅ দুষ্‌-উৎসর্বর্ সুদোম। এ উৎসর্বর্ য়েরাগান দাঙর্‌ পবিত্র জিনিস।

লেবীয় 7:6

ধর্মগুরু-পরিবারর্‌ যে কনঅ মরদ মানুচ্‌ সিয়েন্‌ হেই পারিবাক্‌, মাত্তর্‌ সিয়েন্‌ হা পুরিবো পবিত্র তাম্বুল-ঘরর্‌ চাগালাত্‌। ইবে দাঙর্‌ পবিত্র জিনিস।

গণাণা 16:40

মোশিরে দিইনে লগেপ্রভু তারে যে উগুমান দিয়্যে তে সিয়েনোই গুরিলো। ইয়েন গরা অলঅ যেনে ইস্রায়েলীয়গুনে মনত্‌ রাগান, হারোণর বংশধর বাদে আর কনজনে পৌইরেগ্ জ্বালেবাত্তে লগেপ্রভুর মুজুঙোত্‌ যেই ন-পারন; যুনি কনজনে যান্‌ সালে তার্‌ অবস্থা কোরহ আর তার দলর মানুচ্চুনো ধোক্ক্যেন অবঅ।

গণাণা 16:5

তে কোরহ আর তার দলর মানুচ্চুনোরে কলঅ, “এযেত্যেকেল্যে বেন্যেমাদান্ লগেপ্রভু দেগেই দিবো কন্না তার মানুচ্‌ আর কন্না তার নাঙে যুদো গোজ্যে। তেয়ই সেই মানুচ্চোরে তা মুজুঙোত্‌ যেবাত্তে দিবো। যিবেরে তে বেঈ লবঅ তারে তে তা মুজুঙোত্‌ যেবাত্তে দিবো।

গণাণা 18:7

মাত্তর্‌ ধর্মগুরু্‌ ইজেবে বানা তুই আর তর্‌ পূঅগুনে পূজোবোর আর পর্দার ভিদিরে কামানি গুরি পারিবাক্। ধর্মগুরুর্ কামান্ মুই দান ইজেবে তমারে দুয়োঙর্। লেবীয়গুনে বাদে আর কনজনে যুনি মিলন-তাম্বুলোর চাগালা ইদু এজন্‌ সালে তারে মারে ফেলা অবঅ।”

দ্বি’লম্বর বিররণ 21:5

সে পরেন্দি ধর্মগুরুগুনে, অত্তাৎ লেবি-গুট্টির মানুচ্চুনে মুজুঙেন্দি উজেই যেবাক, কিত্যে সেবা-কাম গুরিবাত্তে, লগেপ্রভুর নাঙে আশিদ্‌বাদ ফগদাং গুরিবাত্তে আর কোল্‌-কোজ্জে আর মার্‌পিদোর বিচের্‌ গুরিবাত্তে তমার গোজেন লগেপ্রভু তারারেয়ো বেঈ লোইয়্যে।