যিহিষ্কেল 42:11 - Chakma Bible

¹¹ উত্তোরেদি ধোক্ক্যেন এ বিল্ডিঙান্ সং এক্কান পথ এলঅ। এ বিল্ডিঙান্ বেক্কানিত্তুন, অত্তাৎ লাম্বাদি, পাদাজ্যেদি, সোমেবার পথ্‌‌‌‌তান আর ভিদিরে সল্লাগান উত্তোরেদি বিল্ডিঙান ধোক্ক্যেন এলঅ।

যিহিষ্কেল 42:11 ပူးပေါင်းရင်းမြစ်များ

যিহিষ্কেল 42:4

সে পথ্‌‌‌তান এলদে দশ আত্ পাদাজ্যে; সিয়েনত্তুন্ বিল্ডিঙো ভিদিরে মেলা জাগানত্ যেবাত্তে এক আত্ পাদাজ্যে এক্কান পথ এলঅ। বিল্ডিঙোর্ গুদিগুন উত্তোরেদি খুলো এলঅ।

যিহিষ্কেল 43:11

তারা যুনি তারার্ বেক কামানিত্তে লাজান্ সালে উবোসনা-ঘরর নক্‌শাগানর্ খুদিনাঢি তারারে জানা; তার্ ফ্রেমানি, তার বারেদি যেবার আর ভিদিরে সোমেবার পথ্‌তান, অত্তাৎ তার পুরো আড়ুগ্‌কান্ আর তার্ বেক নিয়ম আর রীদি-সুদোমানি তারা ইধু ফগদাং গর্। সিয়েনর্ বেক্কানি তারা মুজুঙোত্ লেখ্ যেনে তারা সিয়েনর নক্‌শা মজিম্ কাম্ গুরি পারন আর সিয়েনর বেক সুদোমানি মানি চলি পারন্।

যিহিষ্কেল 44:5

সেক্কে লগেপ্রভু মরে কলঅ, ও মান্‌জ্যর্ পুয়োবো, তুই গমেডালে চাহ্ আর কানেদি শুন্ আহ্ মঅ ঘর পৌইদ্যেনে মুই তরে যেদক্কানি সুদোম্ আর রীদি-সুদোম পৌইদ্যেনে কোম্ সিয়েনি বেক্কানিত্ মনযোগ দে। উবোসনা-ঘরত্ কন্না সোমেই পারিবো আর কন্না সোমেই ন-পারিবো সে পৌইদ্যেনে মনযোগ দে।‌‌

যিহিষ্কেল 48:30

“শঅরত্তুন্ বারেদি যেবার কয়েক্কো গেইট্ থেবঅ। ইস্রায়েলর্ গুট্টিগুনোর্ নাঙ ধগে সেই গেইট্টুনোর্ নাঙ্ দিয়্যে অবঅ। সাড়ে চের্ আজার্ মাবেদে কাদি উত্তোরেদি দেবালত্ তিন্নো গেইট্ থেবঅ। সিগুনোর্ নাঙ্ অবঅ রূবেণ-গেইট্, যিহূদা-গেইট্ আর লেবি-গেইট।