যিহিষ্কেল 41:4 - Chakma Bible

⁴ সে পরেদি তে ভিদিরে গুদিবোর্ মাপ্ নেযেল; সিবে লাম্বাদি এলঅ কুড়ি আত্ আর পাদাজ্যেদি এলঅ কুড়ি আত্ । তে মরে কলঅ, “ইয়েনই দাঙর্ সুুদ্ধো-সাংগ জাগা।”

যিহিষ্কেল 41:4 ပူးပေါင်းရင်းမြစ်များ

১ রাজাবলী 6:16

তবনা-ঘর ভিদিরে দাঙর্ পবিত্র জাগা নাঙে ইক্কো ভিদিরে গুদি বানেবাত্তে তে তবনা-ঘরর্‌ পিচ্চো ভাগত্ কুড়ি আত্‌ জাগা তলেত্তুন্‌ ধুরি দোন্‌দোমা সং এরস গাজ তক্তালোই ফারক্‌ গুরি নেযেল।

১ রাজাবলী 6:20

সে জাগাগান এলদে কুড়ি আত্‌ লাম্বা, কুড়ি আত্‌ পাদাজ্যে আর কুড়ি আত্‌ অজল। খাটি সনালোই তে সিয়েন ভিদিরেন্দিগান নাদি দিলো আর ডালিঘরান্‌অ তে এরস গাজ তক্তালোই নাদি দিলো।

১ রাজাবলী 6:5

আজল্‌ গুদিবো আর দাঙর্‌ পবিত্র জাগানর্‌ তিন কিত্তেন্দি দেবালত্‌ বাস্যে তে এক্কান তিন তালা ঘর বানেল। সিয়েন ভিদিরে ভালোক্কুন্‌ গুদি এলাক।

১ রাজাবলী 7:50

খাটি সনার গলস, বুদ্দিবো কাজেবার চিম্‌টিগান, চেরাগ, মেজাং আর আগুন্‌ রাগেবার পিলেবো; ভিদিরে গুদিবো, অত্তাৎ দাঙর্ পবিত্র জাগানর দোরানত্তে আর তবনা-ঘরর আজল্‌ গুদিবো দোরানত্তে সনার কব্‌জা।

১ রাজাবলী 8:6

সে পরেন্দি ধর্মগুরুগুনে লগেপ্রভুর সুদোম-সুন্দুক্কো ঠিগ জাগানত্‌, তবনা-ঘরর্ ভিদিরে গুদিবোত্‌, অত্তাৎ দাঙর্ পবিত্র জাগানত্‌ করূবপুনোর মিলি দিয়্যে ডুয়োগানির্‌ তলে নেযেইনে রাগেলাক্।

২ বংশধর 3:8

সে পরেন্দি তে দাঙর্ সুদ্ধো-সাংগ জাগায়ান্‌ বানেল। সিয়েন্‌ ঘরানর্‌ পাদাজ্যে অনুসারে কুড়ি আত্‌ পাদাজ্যে আর কুড়ি আত্‌ লাম্বা গরা অলঅ। তেইশ্‌ টন চেরশত্‌ কেজি গম্‌ সোনালোই তে ভিদিরেন্দিগান্‌ বেড়েই দিলো।

২ বংশধর 5:7

সে পরেন্দি ধর্মগুরুগুনে লগেপ্রভুর সুদোম-সুন্দুক্কো ঠিগ জাগাত, তবনা-ঘরর্‌ ভিদিরে কামারাত্‌, অত্তাৎ দাঙর্ সুদ্ধো-সাংগ জাগানত্‌ করূবপুনোর ডুয়োগানির তলে নিইনে রাগেলাক্।

যিহিষ্কেল 41:23

আজল্ গুদিবো আর দাঙর্ সুদ্ধো-সাংগ জাগানত্ এক্কো গুরি দ্বিয়েন পাল্লার দোর্ এলঅ।

ফগদাং পেইয়্যে 21:16

শঅরান্ চেরকিত্যে-লাম্বা আর পাধাজ্জ্যেদি সং। যেরেদি তে সেই মাবিবার লুদিক্কোলোই শঅরান্ মাবিলে পরেদি দেগা গেলঅ সিয়েন লাম্বা, পাধাজ্জ্যে আর অজলদি দ্বি আজার চের্‌শ কিলোমিটার।