যিহিষ্কেল 41:26 - Chakma Bible

²⁶ বারান্দার জালি দিয়্যে জানালানির্ দ্বিকিত্তেদি আর ফ্রেমানিত্ খাজোর্ গাজ নক্‌‌শা গোজ্যে এলঅ। ইগুন বাদেয়ো উবোসনা-ঘরর বীমুনোত্ আর কায়কুরে গুদিগুনোত্অ খাজোর্ গাজ নক্‌‌শা গোজ্যে এলঅ।

যিহিষ্কেল 41:26 ပူးပေါင်းရင်းမြစ်များ

১ রাজাবলী 7:4

ঘরর্ চেরোকিত্তে দেবালত্‌ মুজুঙো-মুজুঙি তিন সুর জানালা দিয়্যে অলঅ।

১ রাজাবলী 7:6

সে পরেন্দি তে থাম-কুটির নাঙে এক্কান ঘর বানেল। সিয়েন লাম্বান্দি এলদে পঞ্চাশ আত্‌ আর পাদাজ্যেন্দি তিরিশ আত। সিয়েনর মুজুঙেন্দি এলদে এক্কান চাল-দিয়্যে আস্‌চালা, আর সে চালান্‌ কয়েক্কো থুনি উগুরে বোজেয়্যে এলঅ। সে থুনিগুনোর মুজুঙোত্‌ চালানর্‌ তলেন্দি ইক্কো থুনি এলঅ।

যিহিষ্কেল 40:16

গুদিগুনোর্ বারেদি দেবালত্ আর খুদো দ্বিবের্ কায়কুরে দেবালানত্ জালি দিয়্যে জানালা এলঅ, আর গেদো শেজদি যে গুদিবো এলঅ সিয়েনর্ দেবালানত্অ সেবাবোত্যে এলঅ; এবাবোত্যেগুরি গেদোর্ দেবালানিত্ সেবাবোত্যে জানালা এলঅ। ইয়েনি বাদেয়ো খুদো দ্বিবেত্ খাজোর্ গাজ্ খোদাই গোজ্যে এলঅ।

যিহিষ্কেল 40:48

সে পরেদি তে মরে উবোসনা-ঘরর বারান্দাত্ আনিলো আর বারান্দা মুজুঙোত্ খুদো দ্বিবে আর সোমেবার পধ দ্বিকিত্তেদি বাজু মাবিলো। পত্তি বাজু পাচ্ আত্ পাদাজ্যে আর তিন আত্ দাঙর্ এলাক্।

যিহিষ্কেল 40:9

সে গুদিবো লাম্বাদি এলদে আস্‌‌‌তো আত্ আর সিয়েনত্তুন্ নিগিলিবার পধত্ দ্বি কিত্তেদি খুদো দ্বিবে এলাক্ দ্বিআত্ গুরি পাদাজ্যে। গেদো শেজদি সেই গুদিবোর্ মুয়োন এলদে উবোসনা-ঘর ইন্দি।

যিহিষ্কেল 41:5

সে পরেদি তে উবোসনা-ঘরর দেবালান্ মাবিলো; সিয়েন এলদে ছয় আত্ দাদঅ আর সেই দেবাল বারেদিগান তিন কিত্তেদি দেবালান্ বাস্যেগুরি যে গুদিগুন এলাক্ সিগুন এক এক্কো চের্ আত্ পাদাজ্যে এলাক্।