যিহিষ্কেল 41:19 - Chakma Bible

¹⁹ এক্কো মান্‌জ্যর মু আর এক্কো সিংহ মু; মান্‌জ্যর মু এক্কান খাজোর্ গাজ ইন্দি আর সিংহ মুয়োন অন্য খাজোর্ গাজ ইন্দি। গোদা উবোসনা-ঘরানর্ দেবাল চেরোকিত্তে ইগুন নক্‌শা গোজ্যে এলঅ।

যিহিষ্কেল 41:19 ပူးပေါင်းရင်းမြစ်များ

১ রাজাবলী 7:29

সে পাত্‌তানি উগুরে সিংহ, গোরু আর করূবোর মূত্তি এলাক্ আর সিংহ আর গোরুবোর তলে ফুলো ধোক্কেন্‌ নক্‌শা গোজ্যে এলঅ। বাক্‌সুবো উগুরে ফ্রেমর লগে বাজেয়্যে ইক্কো গাবালা বোজেবার জাগা এলঅ।

যিহিষ্কেল 1:10

তারার্ মুয়োনি চাদে এলদে এবাবোত্যে-তারার্ চের্‌‌‌জনর এক্কানত্ দরে মান্‌‌‌জ্যর্ মু এলঅ আর পত্তিজনর্ মুয়োনি ডেনেদি সিংহ ধোক্ক্যেন্, বাঙেদি গোরু ধোক্ক্যেন আর পত্তিজনর্ এক্কান গুরি ঈগল ধোক্ক্যেন্ মু এলঅ।

যিহিষ্কেল 10:14

পত্তি করূবোর চেরান্ গুরি মু এলঅ-পৌইল্যাবো করূবোর, দ্বিলম্বরবো মান্‌‌‌জ্যর, তিন লম্বরবো সিংহর আর চের্‌‌‌লম্বরবো ঈগল পেগোর্।

যিহিষ্কেল 10:21

পত্তিজনর চেরান্ গুরি মু আর চেরান্ গুরি ডুয়ো এলঅ আর তারার্ ডুয়োগানি তলে মান্‌জ্য আঢ ধোক্ক্যেন কিজু এলঅ।