যিহিষ্কেল 41:13 - Chakma Bible

¹³ সে পরেদি তে উবোসনা-ঘরান্ মাবিলো; সিয়েন এলদে লাম্বাদি একশ আত্ আর উবোসনা-ঘরত্তুন্ মেলা জাগা আর পিজেদি দেবাল্ সুদ্ধো বিল্ডিঙান লাম্বাদি এলদে একশ আত্।

যিহিষ্কেল 41:13 ပူးပေါင်းရင်းမြစ်များ

যিহিষ্কেল 40:47

সে পরেদি তে উদোনান্ মাবিলো। সিয়েন এলদে একশ আত্ লাম্বা আর একশ আত্ পাদাজ্যে এক্কান চের্‌‌‌‌কোনা জাগা। আর পূজোবো উবোসনা-ঘরর মুজুঙোত্ এলঅ।

যিহিষ্কেল 41:12

উবোসনা-ঘরর পোজিমেদি মেলা জাগানত্ শেজ্ দুযিত্ এক্কান পাক্কাঘর্ এলঅ। সিয়েন সত্তুর্ আত্ পাদাজ্যে আর নব্বই আত্ লাম্বা এলঅ। সিয়েনর চেরোকিত্তে দেবালানি এলঅ পাচ্ আত্ দাদঅ।

যিহিষ্কেল 41:14

পূগেদি উবোসনা-ঘরর্ মুজুঙোত্ যে খুলো জাগায়ান্ এলঅ সিয়েন লাম্বাদি এলদে একশ আত্।

যিহিষ্কেল 41:15

সে পরেদি তে দ্বিকিত্তেদি ভিদিরে পথ্ সুদ্ধো পোজিমেদি বিল্ডিঙান মাবিলো; সিয়েন লাম্বাদি এলদে একশ আত্। উবোসনা-ঘরর আজল্ গুদিবো, ভিদিরে গুদিবো আর উদোন ইন্দি মুয়োন-গোজ্যে বারান্দার দেবালানি গাজ তক্তালোই নাঢি দিয়্যে এলঅ। সেই তিনান্ জাগাত্ সোমেবার মুয়োত্ দ্বিকিত্তেদি খুদোগুন আর জালি দিয়্যে বেক্ জানালানিয়ো তক্তালোই নাঢি দিয়্যে এলঅ। জানালাগুনোত্ গাজ পাল্লা এলঅ।

যিহিষ্কেল 42:1

পরেদি তে মরে উবোসনা-ঘরর উত্তোরেদি বারেদি উদোনত্ আনিনে এক্কান বিল্ডিঙোত্ নেযেল। সেই বিল্ডিঙান্ উবোসনা-ঘরর্ উত্তোরেদি মেলা জাগান কায় আর পোজিমেদি বিল্ডিঙান কায় এলঅ।

যিহিষ্কেল 42:10

উবোসনা-ঘরর্ দোগিণেদি ঠিগ্ এক্কুই এক্কান বিল্ডিং এলঅ। সিয়েন এলদে ভিদিরে উদোনর্ মেলা জাগান কায় আর পোজিমেদি বিল্ডিঙান কায়।

যিহিষ্কেল 42:2

সিয়েন এলদে একশ আত্ লাম্বা আর পঞ্চাশ আত্ পাদাজ্যে আর সিয়েনত্ সোমেবার পথ্‌তান এলদে উত্তোরেদি মু।‌‌