যিহিষ্কেল 40:5 - Chakma Bible

⁵ মুই দেগিলুং এক্কান দেবালদি উবোসনা-ঘরর্ চেরোকিত্তে ঘিজ্যে আঘে। মানুচ্চোর্ আঢ মাবেদে কাদিবো লাম্বাদি ছয় আত্; পত্তি আত্ এক আত্ চের্ আঙুল্ গুরি লাম্বা। তে দেবালান মাবিলো; সিগুন এক্কো মাবেদে কাদি দাঙর্ আর এক্কো মাবেদে কাদি অজল্।

যিহিষ্কেল 40:5 ပူးပေါင်းရင်းမြစ်များ

গীতসংহিতা 125:2

যিরূশালেম চেরোকিত্তে যেধোক্ক্যেন মুড়োমুড়িয়্যে ঘিজ্যে সেধোক্ক্যেন গুরি লগেপ্রভু তা মানুচ্চুনোরে ঘিরি রাগায়, ইক্কিনে রাগার্ আর উমরত্তে রাগেব।

যিশাইয় 26:1

সেদিন্যে যিহূদা দেজত্ এ গান্নো গাহ্ অবঅ: আমার্ এক্কান দরমর শঅর্ আঘে; গোজেনর্ দিয়্যে উদ্ধোরান্দোই উদ্ধোর অবঅ তার দেবালান আর রোক্ক্যের্ বেবস্থাগান।

যিশাইয় 60:18

কনঅ ক্ষতি গুরিবার কধা আর তমা দেজত্ শুনো ন-যেবঅ, তঅ দুযি ভিদিরে শুনো ন-যেবঅ কনঅ ভস্ত বা বিনাশ কধা। তঅ দেবাল নাঙানি অবঅ উদ্ধোর আর তর্ গেট্‌তুনোর নাঙানি অবঅ নাঙ্ গিনেনা।‌‌‌‌‌‌‍‍

যিহিষ্কেল 41:8

মুই দেগিলুং, উবোসনা-ঘরান্ এক্কান অজল্ সং জাগা উগুরে আঘে আর সিয়েনই এলঅ উবোসনা-ঘর আহ্ গুদিগুনোর গড়াগান। সেই গড়াগান এক মাবেদে কাদি, অত্তাৎ ছয় আত্ অজল্ আর গুদিগুনোত্তুন্ পাচ্ আত্ বাজ্যে এজঅ।

যিহিষ্কেল 42:15

উবোসনা-ঘরর্ চেরোকিত্তে দেবাল ভিদিরে বেক্কানি মাবানা থুম্ গুরিলে পরেদি তে মরে পূগো গেদো বারেদি আনিলো আর বারেদি চেরোকিত্তে চাগালাগান মাবিলো।

যিহিষ্কেল 42:20

সুদ্ধো-সাংগ জাগানত্তুন্ সাধারণ মানুচ্চুনোর জাগায়ানি যুদো গুরিবাত্তে চেরোকিত্তে এক এক্কান পাচশঅ মাবেদে কাদিলোই লাম্বা এক্কান দেবাল এলঅ।

যিহিষ্কেল 43:13

“উবোসনা-ঘরর ডালি পূজোবো মাব্‌পান্ আঢ মাপ অনুসারে গরা ওইয়্যে; পত্তি আঢ্ এলদে এক আত্ চের্ আঙুল্ গুরি। ইয়েন অলঅ ডালিপূজোর্ মাপ: ডালিপূজোর্ গড়াগান এক আত্ অজল্ আর তার চেরোকিত্তে ডালি পূজোবোত্তুন্ এক আত্ গুরি বাড়েয়্যে আর গড়াগানর্ চেরোকিত্তে দুযিগান আধা আত্ অজল্। ডালিপূজোবো এ বাবোত্যে অজল্ অবঅ-‌‌‌

সখরিয় 2:5

লগেপ্রভু কত্তে, তে নিজেই সিয়েনর চেরোকিত্তে আগুনোর দেবাল অবঅ আর তেয়ই তার মহিমায় সিয়েনত্ থেবঅ।’ ”

দ্বি’লম্বর বিররণ 3:11

রফায়ীয়গুনোর্‌ বাদবাগি মানুচ্চুনো ভিদিরে বানা বাশনর রাজা ওগয়ই বাঁজি এলঅ। তার্‌ লুয়োর্‌ বানেয়্যে ঘুম্‌ যেবার্‌ খাট্টান এলদে লাম্বান্দি প্রমাণ গোজ্যে আত্তোই নয় আত্‌ আর পাদাজ্যে চের্‌ আত্‌। সিয়েন্‌ এজঅ অম্মোনীয়গুনোর্‌ রব্বা শঅরত্‌ আঘে।

ফগদাং পেইয়্যে 21:12

সেই শঅরানর্ এক্কান দাঙর্ অজল্ দেবাল এলঅ আর সেই দেবালানিত্ বারজন স্বর্গদূত্ এলাক্। ইস্রায়েল জাদর্ বার গুট্টির নাঙ্ সেই গেট্‌তুনো উগুরে লেগা এলঅ।