যিহিষ্কেল 40:49 - Chakma Bible

⁴⁹ বারান্দাগান এলদে কুড়ি আত্ লাম্বা আর এগার আত্ পাদাজ্যে। সিয়েনত্ উদিবার এক্কান সিড়ি এলঅ আর সেই দ্বিবে বাজুর মুজুঙোত্ এলঅ এক্কো গুরি খুদো।

যিহিষ্কেল 40:49 ပူးပေါင်းရင်းမြစ်များ

১ রাজাবলী 6:3

তবনা-ঘরর্‌ আজল্‌ গুদিবোর্‌ মুজুঙেন্দি যে আজ্‌চালাগান এলঅ সিয়েন্‌ ঘরানর পাদাজ্যে মাপ মজিম্ কুড়ি আত্‌ পাদাজ্যে আর ঘরানর মুজুঙেত্তুন্‌ সিয়েনর লাম্বান্দি এলদে দশ আত্।

২ বংশধর 3:17

সে খুদো দ্বিবে তবনা-ঘর মুজুঙোত্‌ দোগিণেন্দি এক্কো আর উত্তোরেন্দি আর এক্কো উজু গুরিনে দিয়্যে অলঅ। যিবের দোগিণেন্দি এলঅ সিবের্‌ নাঙান্‌ তে দিলোদে যাখীন (যিয়েনর্ ভেদ্‌তান্ “তে থিবিদে গোজ্যে”) আর যিবে উত্তোরেন্দি এলঅ সিবের্‌ নাঙান্‌ দিলোদে বোয়স (যিয়েনর্ ভেদ্‌তান্ “তা ভিদিরেই বল্‌”)।

যিহিষ্কেল 40:31

ভিদিরে উদোনর্ দোগিণো মু গেদোত্ সোমেবার গুদিবো মুয়োন এলদে বারেদি উদোন ইন্দি। গেদোত্ সোমেবার্ পধ দি কিত্তেদি খুদোগুনোত্ খাজোর্ গাজ নক্‌শা গোজ্যে এলঅ। সিদু উদিবার সিড়িগানত্ আস্‌টোবো পোইদ্যে এলঅ।

যিহিষ্কেল 40:34

তার্ সোমেবার গুদিবো মুয়োন এলদে বারেদি উদোন ইন্দি। গেদোত্ সোমেবার পধ দ্বিকিত্তেদি খুদোগুনোত্ খাজোর্ গাজ নক্‌‌শা গোজ্যে এলঅ। সিদু উদিবার সিড়িগানত্ আস্‌‌টোবো পোইদ্যে এলঅ।

যিহিষ্কেল 40:37

তার খুদো দ্বিবে এলঅ বারেদি উদোন ইন্দি; সিগুনোত্ খাজোর্ গাজ নক্‌শা গোজ্যে এলঅ। সিদু উদিবার সিড়িগানত্ আস্‌‌‌টোবো পোইদ্যে এলঅ।

ফগদাং পেইয়্যে 3:12

যে জিদিবো তারে মুই মর্ গোজেন ঘরর্ এক্কো খুদো বানেম; তে আর কনদিন্‌অ বারেদি ন-যেবঅ। মুই তা উগুরে মর্ গোজেনর্ নাঙান্ আর মর্ গোজেনর্ শঅরানর্ নাঙান লিগিম। নুয়ো যিরূশালেমানই সেই শঅরান্। স্বর্গ ভিদিরেত্তুন্ মঅ গোজেন ইত্তুন এ শঅরান্ লামি এবঅ। যে জিদিবো মুই তা উগুরে মর্ নুয়ো নাঙান্অ লিগিম।