যিহিষ্কেল 40:45 - Chakma Bible

^45-46 তে মরে কলঅ, “দোগিণোদি মু গুদিবো উবোসনা-ঘরর দেগাশুনোর ভার্-পেইয়্যে ধর্মগুরুগুনোত্তে আর উত্তোরেদি মু গুদিবো পূজোর্ দেগাশুনোর্ ভার-পেইয়্যে ধর্মগুরুগুনোত্তে। সেই ধর্মগুরুগুন অলাক্ সাদোকর্ পুয়োগুন; লেবীয়গুনো ভিদিরে বানা তারা লগেপ্রভুর মুজুঙোত্ তার সেবা-কামত্তে যেই পারন্।”

যিহিষ্কেল 40:45 ပူးပေါင်းရင်းမြစ်များ

১ বংশধর 6:49

মাত্তর্‌ হারোণ আর তা বংশর মানুচ্চুনে গোজেন চাগর্‌ মোশির বেক্‌ উগুম মজিম্ পূজ্যে-উৎসর্ব ডালি আর আগর্‌বাট্টি-পূজো উগুরে উৎসর্ব অনুষ্ঠানানি গুরিদাক্‌ আর দাঙর্‌ সুদ্ধো-সাংগ জাগানিত্‌ যিয়েনি গুরিবার দরকার্‌ সিয়েনি গুরিদাক্‌ আর ইস্রায়েল জাদ পাপ্পানি ঢাগি দিবার্‌ বেবস্থা গুরিদাক্‌।

১ বংশধর 9:23

তারা বংশর্ মানুচ্চুনে লগেপ্রভু ঘরর্‌, অত্তাৎ থেবার্‌-তাম্বুলো দোরানিত্‌ চুগি দিদাক্‌।

২ বংশধর 13:11

পত্তিদিন বেন্যে আর সাজোন্যে ধর্মগুরুগুনে লগেপ্রভুর নাঙে পুজ্যে-উৎসর্বর অনুষ্ঠান গরন্‌ আর তুম্বাজ্‌ আগর্‌বাট্টি জ্বালান। তারা সিজি গোজ্যে টেবিলো উগুরে মুজুঙো-রুটি সাজেইনে রাগান্‌ আর পত্তিদিন সাজোন্যে অক্তত্‌ সোনার চেরাগটগ উগুরে চেরাক্কুন্‌ জ্বালেই দুয়োন্‌। আমি আমা গোজেন লগেপ্রভুর উগুম মজিম কাম্‌ গুরিই, মাত্তর্‌ তুমি তারে ছাড়ি যেইয়ো।

গীতসংহিতা 134:1

ও লগেপ্রভুর সেবাগুরিয়েগুন্, যিগুনে লগেপ্রভুর ঘরত্ রেদোত্ সেবা-কাম গরঅ, তুমি বেক্কুনে লগেপ্রভুরে বাঈনী গরঅ।

যিহিষ্কেল 40:17

সে পরেদি তে মরে বারেদি উদোনত্ নেযেল। উদোনর্ চেরোকিত্তেদি মুই বেক্কুনে ত্রিশ্‌‌ছো এক কিত্তেদি খুলো গুদি দেগিলুং; সিগুনোর্ মুজুঙেদি বানিবার্ জাগা এলঅ।

যিহিষ্কেল 40:38

বারেদি উদোন সংমোধ্যে ভিদিরে গেদোর্ খুদোবো কায়কুরে এক কিত্তেদি খুলো এক্কো গুদি এলঅ; সিবে এলদে পুজ্যে-উৎসর্বর্ য়েমান য়েরা ধবার্ জাগা।

যিহিষ্কেল 44:11

তো উবোসনা-ঘরর্ গেট্টুন্ রোক্ষ্যে গুরিবার ভারান্ পেইনে আর সিয়েনত্ কাম গুরিনে তারা মঅ ঘরর্ সেবা-কাম গুরি পারিবাক্। তারা পূজ্যে-উৎসর্বর য়েমান কাবি পারিবাক্ আর মানুচ্চুনোত্তে উৎসর্বর অনুষ্ঠান গুরি পারিবাক্ আর মানুচ্চুনোরে সেবা গুরিবাত্তে তারা মুজুঙোত্ থিয়্যেই পারিবাক্।

যিহিষ্কেল 44:15

মাত্তর্ ইস্রায়েলীয়গুনে যেক্কে মত্তুন্ ভান্ন্যেই পধেদি যেইয়োন্ সেক্কে সাদোক বংশর্ যে লেবীয়গুনে ধর্মগুরু ইজেবে মঅ ঘরত্ বিশ্বেজ্ গুরিনে তারার্ কামানি গোজ্যন্ তারা মর্ সেবা-কাম্ গুরিবাত্তে মইধু এই পারিবাক্; তারা তেল্ আর লো উৎসর্ব গুরিবাত্তে মঅ মুজুঙোত্ থিয়্যেই পারিবাক্। মুই প্রভু লগেপ্রভু এ কধাগান কঙর্।

যিহিষ্কেল 45:4

এ ভাগ্‌‌‌‌‌‌কান ধর্মগুরুগুনোত্তে; সিয়েন পবিত্র। ধর্মগুরুগুনে উবোসনা-ঘরত্ সেবা-কাম গরন আর লগেপ্রভুরে সেবা গুরিবাত্তে তা মুজুঙোত্ উজেই যান্। সেই জাগানত্ অবঅ তারার্ ঘর-বাড়ি আর উবোসনা-ঘরত্তে সুদ্ধো-সাংগ জাগা।

যিহিষ্কেল 8:5

তে মরে কলঅ, “ও মান্‌‌জ্যর পুয়োবো, তুই উত্তোরেদি রিনি চাহ্।” সেনত্তে মুই সিন্দি রিনি চেলুং আর পূজোবোর্ গেদোত, অত্তাৎ উত্তোরেদি গেদোত্ সোমেবার পথ্‌‌‌তানত্ মুই সেই মূত্তিবোরে দেগিলুং।

লেবীয় 8:35

তুমি যেন মারা ন-পড় সেনত্তে এচ্চ্যেত্তুন্‌ ধুরি সাত দিন সং তুমি দিন-রেদ্‌ মিলন-তাম্বুলো ভিদিরে থেবা আর লগেপ্রভু চাইদে ধোক্ক্যেন গুরি কাম্‌ গুরিবা। মুই এ উগুমান পেইয়োং।”

গণাণা 18:5

ইস্রায়েলীয়গুনো উগুরে যেনে আরঅ মর্‌ রাগ্‌কান্ ফগদাং ন-অয় সেনত্তে পবিত্র তাম্বুলোর আর পূজোবো দেগাশুনো গুরিবার্‌ ভারান্ তমা উগুরে থেবঅ।

গণাণা 3:32

লেবীয়গুনোর বেগঅ দাঙর্‌ নেতা এলদে ধর্মগুরু হারোণর পূঅ ইলীয়াসর। পবিত্র তাম্বুলোর দেগাশুনো গুরিবার্‌ ভারান্‌ যিগুনোরে দিয়া ওইয়্যে তারারে দেগাশুনো গুরিবাত্তে ইলীয়াসররে নেযা ওইয়্যে।

গণাণা 3:38

মিলন-তাম্বুলো মুজুঙোত্, অত্তাৎ থেবার-তাম্বুলো পূগেন্দি মোশি, হারোণ আর তাঁর পূঅগুনোরে তাম্বুল তুলিবাত্তে কুয়ো ওইয়্যে। তাঁরার্‌ দায়িত্বো এলদে ইস্রায়েলীয়গুনোর্‌ ওইনে পবিত্র তাম্বুর বেক্‌ কামানি পরিচালনা গরানা। তাঁরা বাদে আর কনজনে পবিত্র তাম্বুল ইদু গেলে তারে মারে ফেলেবাত্তে কুয়ো ওইয়্যে।

১ তীমথিয় 6:20

ও তীমথিয়, যিয়েন রোক্ষ্যে গুরিবাত্যে তরে দিয়্যে ওইয়্যে সিয়েন গমেডালে রোক্ষ্যে গর্। মিজে জ্ঞানর্ ভোক্তি-নেইয়্যে বাজে কধা আর ভুল্ শিক্ষ্যেত্তুন্ দূরোত্ থাগ্।

ফগদাং পেইয়্যে 1:6

তে আমারে নিইনে এক্কান রেজ্য বানেয়্যে আর তার বাব আর গোজেনর্ সেবাত্যে ধর্মগুরু বানেয়্যে। উমরত্যে যীশু খ্রীষ্টর নাঙে বাঈনী ওক্‌ আর উমরত্যে তা খেমতাগান থোক্। আমেন।