যিহিষ্কেল 40:38 - Chakma Bible

³⁸ বারেদি উদোন সংমোধ্যে ভিদিরে গেদোর্ খুদোবো কায়কুরে এক কিত্তেদি খুলো এক্কো গুদি এলঅ; সিবে এলদে পুজ্যে-উৎসর্বর্ য়েমান য়েরা ধবার্ জাগা।

যিহিষ্কেল 40:38 ပူးပေါင်းရင်းမြစ်များ

১ রাজাবলী 6:8

তলে তালার সুমিবার পথ্‌তান্‌ এলদে তবনা-ঘরর দোগিণেদি; সিয়োত্তুন্‌ এক্কান সিড়ি দ্বিতালাত্‌ আর সে পরেন্দি তিন তালাত্‌ উঠ্যেগোই।

১ বংশধর 28:12

লগেপ্রভু ঘরর্‌ উদোন, সিয়েন চেরোকিত্তে গুদিগুন্‌, গোজেন ঘরর্‌ ধনভান্ডালানি আর উৎসর্ব পযাপিরানি রাগেবার্‌ ভান্ডাল যে আরুক্কানি পবিত্র আত্মা দায়ূদো ইদু ফগদাঙ্‌ গোজ্যে সিয়েনি বেক্কানি তে শলোমনরে জানেল।

২ বংশধর 4:6

তে দোশ্‌‍চুয়ো গাবালা বানেল আর পাচ্‌ছুয়ো রাগেল দোগিণেন্দি আর পাচছুয়ো রাগেল উত্তোরেন্দি। সিগুনো ভিদিরে পূজ্যে-উৎসর্বর জিনিসছানি ধুয়োদাক্‌, মাত্তর্‌ ধর্মগুরুগুনে নিজোর্‌ আত্‌-টেঙানি ধুয়োনার্‌ কামত্‌ বেবহার গুরিদাক্‌ দাঙর্‌ পিলেবো।

নহিমিয় 13:9

সে পরেন্দি মঅ উগুমে সে ঘরানি সিজি গরা অলঅ আর মুই গোজেনর ঘরর্‌ পযাপিরানি, সোজ্য-উৎসর্বর পযাপিরানি আর আগর্‌বাট্টি্‌পানি আরঅ সিদু আনিনে রাগেলুঙ্‌।

যিরমিয় 35:4

মুই তারার লগেপ্রভুর ঘরত্ গোজেনর মানুচ্ যিগ্‌দলিয়র পুয়ো হানন পুয়োগুনোর গুদিত্ নেযেলুং। সিবে অলদে শল্লুমর পুয়ো চুগিদার্ মাসেয়র গুদি উগুরে চাগরুনোর গুদিবো কায়-কুরে।

যিরমিয় 36:10

সেক্কে লগেপ্রভুর ঘর নূয়ো গেট্টো ইধু উগুরে উদোনত্ শাফনর পুয়ো গমরিয় লিগিয়্যেবোর ঘুদিবোত্ থিয়্যেইনে বারূকে সে বোইবোত্তুন্ যিরমিয়র কধানি বেক মানুচ্চুনো মুজুঙোত্ পড়িলো।

যিহিষ্কেল 40:12

চুগিদারুনোর্ পত্তি গুদি মুজুঙোত্ এলদে এক আত্ অজল্ আর এক আত্ পাদাজ্যে দেবাল্ আর গুদিগুন লাম্বাদি আর পাদাজ্যেদি এলদে ছয় আত্।

যিহিষ্কেল 40:17

সে পরেদি তে মরে বারেদি উদোনত্ নেযেল। উদোনর্ চেরোকিত্তেদি মুই বেক্কুনে ত্রিশ্‌‌ছো এক কিত্তেদি খুলো গুদি দেগিলুং; সিগুনোর্ মুজুঙেদি বানিবার্ জাগা এলঅ।

যিহিষ্কেল 40:44

ভিদিরে উদোন সংমোধ্যে গেদো কায়কুরে গীদ্ গেইয়্যেগুনোত্তে তিন্নো এক কিত্তেদি খুলো গুদি এলঅ; দ্বিবে উত্তোর্-গেদো কায়কুরে দোগিণো মু আর এক্কো পূগ-গেদো কায়কুরে উত্তোরেদি মু।

যিহিষ্কেল 40:45

তে মরে কলঅ, “দোগিণোদি মু গুদিবো উবোসনা-ঘরর দেগাশুনোর ভার্-পেইয়্যে ধর্মগুরুগুনোত্তে আর উত্তোরেদি মু গুদিবো পূজোর্ দেগাশুনোর্ ভার-পেইয়্যে ধর্মগুরুগুনোত্তে। সেই ধর্মগুরুগুন অলাক্ সাদোকর্ পুয়োগুন; লেবীয়গুনো ভিদিরে বানা তারা লগেপ্রভুর মুজুঙোত্ তার সেবা-কামত্তে যেই পারন্।”

যিহিষ্কেল 42:13

সে পরেদি তে মরে কলঅ, “উবোসনা-ঘরর মেলা জাগাত্ উত্তোর্ আর দোগিণেদি বিল্ডিং দ্বিয়েন ধর্মগুরুগুনোর। যে ধর্মগুরুগুনে লগেপ্রভু ইধু যান্ তারা এ বিল্ডিং দ্বিয়েনত্ উৎসর্বর দাঙর্ সুদ্ধো-সাংগ জিনিসচানি হেবাক্। সিয়েনত্ তারা শোস্য-উৎসর্ব, পাপ-উৎসর্ব আর দুষ উৎসর্বর দাঙর্ সুদ্ধো-সাংগ জিনিসচানি থবাক্, কিত্যে বিল্ডিং দ্বিয়েন সুদ্ধো-সাংগ।

লেবীয় 1:13

উৎসর্ব গুরিয়্যেবো সিবের্‌ টেঙানি আর পেদ ভিদিরে জিনিস্‌‌ছানি পানিলোই‌ ধোই দিবো আর ধর্মগুরুবো সিয়েনি লগে বেক্ য়েমান্নো পূজোবো উগুরে পুড়ি ফেলেব। ইবে পূজ্যে-উৎসর্ব, আগুন্দোই‌ গোজ্যে উৎসর্ব ভিদিরে এক্কো, যিবের্‌ তুম্বাজে লগেপ্রভু হুজি অয়।

লেবীয় 1:9

উৎসর্ব গুরিয়েবো সিবের্‌ টেঙান্‌ আর পেদ ভিদিরে বেক্কানি পানিলোই‌ ধোই দিবো আর ধর্মগুরুবো সিয়েনি সুদ্ধো পুরো গোরুবো পূজোবো উগুরে পুড়ি ফেলেব। ইবে পুজ্যে-উৎসর্ব, আগুন্দোই-গোজ্যে উৎসর্ব ভিদিরে এক্কো, যিবের্‌ তুম্বাজে লগেপ্রভু হুজি অয়।

লেবীয় 8:21

ভেড়াবোর্ পেদ ভিদিরে ভাগ্‌কানি আর টেঙানি তে পানিলোই ধোইনে গোদা ভেড়াবো পুজ্যে-উৎসর্ব ইজেবে পূজোবো উগুরে পুড়ি ফেলেল। ইবে লগেপ্রভুর্ নাঙে আগুন্দোই-গোজ্যে উৎসর্ব ভিদিরে এক্কো, যিবের্‌ তুম্বাজে লগেপ্রভু হুজি অয়্‌। মোশি বেক্কানি লগেপ্রভুর্ উগুম মজিম্ গুরিলো।

ইব্রীয় 10:22

সেনত্যে বিশ্বেজর্ মাধ্যমে যে নিচ্চয়তাগান এজে, এজঅ, আমি সেই পুরোপুরি নিচ্চয়তাগানর্ খাটি রিবেঙোই গোজেন মুজুঙোত্ যেই; কিয়া দুষি বিবেগ আঢত্তুন্ আমা রিবেঙানরে লো ছিদিনেই সিজি গরা ওইয়্যে আর পন্ পানিলোই আমা কিয়্যেগানিরে ধূয়ো ওইয়্যে।