যিহিষ্কেল 40:36 - Chakma Bible

³⁶ তার চুগিদারুনোর্ গুদিগুন, খুদো দ্বিবে আর সোমেবার গুদিবো অন্যগুনো ধোক্ক্যেন এক্কুই মাবর্ এলঅ। অন্য গেদো ধোক্ক্যেন এ গেইট্টোত্অ জানালা এলঅ। গেইট্টো পঞ্চাশ আত্ লাম্বা আর পোজোস্ আত্ পাদাজ্যে এলঅ।

যিহিষ্কেল 40:36 ပူးပေါင်းရင်းမြစ်များ

১ রাজাবলী 7:4

ঘরর্ চেরোকিত্তে দেবালত্‌ মুজুঙো-মুজুঙি তিন সুর জানালা দিয়্যে অলঅ।

যিহিষ্কেল 40:16

গুদিগুনোর্ বারেদি দেবালত্ আর খুদো দ্বিবের্ কায়কুরে দেবালানত্ জালি দিয়্যে জানালা এলঅ, আর গেদো শেজদি যে গুদিবো এলঅ সিয়েনর্ দেবালানত্অ সেবাবোত্যে এলঅ; এবাবোত্যেগুরি গেদোর্ দেবালানিত্ সেবাবোত্যে জানালা এলঅ। ইয়েনি বাদেয়ো খুদো দ্বিবেত্ খাজোর্ গাজ্ খোদাই গোজ্যে এলঅ।

যিহিষ্কেল 40:21

সিয়েনর্ দ্বিকিত্তেদি তিন্নো গুরি গুদিগুনোর্ মাপ্ আর সিয়েনর্ খুদোগুন আহ্ সিয়েনর যেরেদি গুদিগুনোর মাপ পৌইল্যা গেদোর্ বেক্ মাপ্‌পেদে ধোক্ক্যেন এলঅ। সিগুন এলাক্ পঞ্চাশ আত্ লাম্বা আর পোজোস্ আত্ পাদাজ্যে।

যিহিষ্কেল 40:29

সেই গেদোর্ চুগিদারুনোর্ গুদিগুন, খুদো দ্বিবে আর শেজর্ গুদিবো অন্যগুনো ধোক্ক্যেন এক্কুই মাবর্ এলঅ। অন্য গেদো ধোক্ক্যেন এ গেইট্টোত্অ জানালা এলঅ। গেইট্টো এলঅ পঞ্চাশ আত্ লাম্বা আর পোজোস্ আত্ পাদাজ্যে।

যিহিষ্কেল 40:7

গেদোত্ চুগিদারুনোর্ গুদিগুন্ এক মাবেদে কাদি লাম্বা আর এক মাবেদে কাদি পাদাজ্যে আর এক গুদিত্তুন আর এক গুদি ভিদিরে দেবালান্ পাচ্ আত্ দাঙর্ এলঅ। গেদোর্ শেজদি উবোসনা-ঘর মুয়োদি গুদিবোত্ সোমেবার মুয়োন এলদে এক মাবেদে কাদি।