যিহিষ্কেল 40:29 - Chakma Bible

²⁹ সেই গেদোর্ চুগিদারুনোর্ গুদিগুন, খুদো দ্বিবে আর শেজর্ গুদিবো অন্যগুনো ধোক্ক্যেন এক্কুই মাবর্ এলঅ। অন্য গেদো ধোক্ক্যেন এ গেইট্টোত্অ জানালা এলঅ। গেইট্টো এলঅ পঞ্চাশ আত্ লাম্বা আর পোজোস্ আত্ পাদাজ্যে।

যিহিষ্কেল 40:29 ပူးပေါင်းရင်းမြစ်များ

১ রাজাবলী 7:4

ঘরর্ চেরোকিত্তে দেবালত্‌ মুজুঙো-মুজুঙি তিন সুর জানালা দিয়্যে অলঅ।

২ বংশধর 31:11

সেক্কে হিষ্কিয় লগেপ্রভুর ঘরত্‌ কয়েক্কান্‌ ভান্ডাল-ঘর বানেবাত্তে উগুম্‌ দিলো আর সিয়েনি বানা অলঅ।

নহিমিয় 13:9

সে পরেন্দি মঅ উগুমে সে ঘরানি সিজি গরা অলঅ আর মুই গোজেনর ঘরর্‌ পযাপিরানি, সোজ্য-উৎসর্বর পযাপিরানি আর আগর্‌বাট্টি্‌পানি আরঅ সিদু আনিনে রাগেলুঙ্‌।

যিরমিয় 36:10

সেক্কে লগেপ্রভুর ঘর নূয়ো গেট্টো ইধু উগুরে উদোনত্ শাফনর পুয়ো গমরিয় লিগিয়্যেবোর ঘুদিবোত্ থিয়্যেইনে বারূকে সে বোইবোত্তুন্ যিরমিয়র কধানি বেক মানুচ্চুনো মুজুঙোত্ পড়িলো।

যিহিষ্কেল 40:10

পূগেদি গেদো ভিদিরে দ্বিকিত্তেদি তিন্নো গুরি বেক্কুনে ছোবুয়ো গুদি এলঅ; সিগুনোর পত্তিবোর মাপ্ এলদে সং আর সিগুনো ভিদিরে দেবালানির্ পত্তি মাপ্ এক্কুই এলঅ।

যিহিষ্কেল 40:12

চুগিদারুনোর্ পত্তি গুদি মুজুঙোত্ এলদে এক আত্ অজল্ আর এক আত্ পাদাজ্যে দেবাল্ আর গুদিগুন লাম্বাদি আর পাদাজ্যেদি এলদে ছয় আত্।

যিহিষ্কেল 40:16

গুদিগুনোর্ বারেদি দেবালত্ আর খুদো দ্বিবের্ কায়কুরে দেবালানত্ জালি দিয়্যে জানালা এলঅ, আর গেদো শেজদি যে গুদিবো এলঅ সিয়েনর্ দেবালানত্অ সেবাবোত্যে এলঅ; এবাবোত্যেগুরি গেদোর্ দেবালানিত্ সেবাবোত্যে জানালা এলঅ। ইয়েনি বাদেয়ো খুদো দ্বিবেত্ খাজোর্ গাজ্ খোদাই গোজ্যে এলঅ।

যিহিষ্কেল 40:25

অন্য গেদো ধোক্ক্যেন এ গেইট্টোত্অ জানালা এলঅ। গেইট্টো এলঅ পঞ্চাশ আত্ লাম্বা আর পোজোস্ আত্ পাদাজ্যে।

যিহিষ্কেল 40:33

তা চুগিদারুনোর্ গুদিগুন, খুদো দ্বিবে আর সোমেবার গুদিবো অন্যগুনো ধোক্ক্যেন এক্কুই মাবর্ এলঅ। অন্য গেদো ধোক্ক্যেন এ গেইট্টোত্অ জানালা এলঅ। গেইট্টো পঞ্চাশ আত্ লাম্বা আর পোজোস্ আত্ পাদাজ্যে এলঅ।

যিহিষ্কেল 40:36

তার চুগিদারুনোর্ গুদিগুন, খুদো দ্বিবে আর সোমেবার গুদিবো অন্যগুনো ধোক্ক্যেন এক্কুই মাবর্ এলঅ। অন্য গেদো ধোক্ক্যেন এ গেইট্টোত্অ জানালা এলঅ। গেইট্টো পঞ্চাশ আত্ লাম্বা আর পোজোস্ আত্ পাদাজ্যে এলঅ।

যিহিষ্কেল 40:7

গেদোত্ চুগিদারুনোর্ গুদিগুন্ এক মাবেদে কাদি লাম্বা আর এক মাবেদে কাদি পাদাজ্যে আর এক গুদিত্তুন আর এক গুদি ভিদিরে দেবালান্ পাচ্ আত্ দাঙর্ এলঅ। গেদোর্ শেজদি উবোসনা-ঘর মুয়োদি গুদিবোত্ সোমেবার মুয়োন এলদে এক মাবেদে কাদি।