যিহিষ্কেল 40:27 - Chakma Bible

²⁷ ভিদিরে উদোনতঅ এক্কো দোগিণো মু গেইট্ এলঅ। তে সেই গেদোত্তুন্ বারেদি উদোনর্ দোগিণো মু গেদো সং মাবিলো; সিবে একশ আত্ অলঅ।

যিহিষ্কেল 40:27 ပူးပေါင်းရင်းမြစ်များ

যিহিষ্কেল 40:19

সে পরেদি তে পূগেদি বারেদি উদোন গেদোর্ শেজ্ দুযিত্তুন্ ভিদিরে উদোন গেদোত্ সোমেবার মুয়োন সং মাবিলো; সিয়েনর দূরোত্তান্ এলদে একশ আত্। সেবাবোত্যেগুরি উত্তোরেদি দূরোত্ এলদে একশ আত্।

যিহিষ্কেল 40:23

ভিদিরে উদোনর্ পূগেদি মু গেদো ধোক্ক্যেন তার উত্তোরেদি মু এক্কো গেইট্ এলঅ। তে বারেদি উদোনর্ গেদোত্তুন্ ভিদিরে উদোনর্ গেদো সং মাবিলো; সিয়েন একশ আত্ অলঅ।

যিহিষ্কেল 40:32

সে পরেদি তে মরে ভিদিরে উদোনর্ পূগেদি আনিলো আর সে জাগানর্ গেইট্‌তো মাবিলো; সিবের্ মাপ্‌পান অন্যগুনো ধোক্ক্যেন এলঅ।

যিহিষ্কেল 40:35

সে পরেদি তে মরে উত্তোর্-গেদো ইধু আনিনে সিবে মাবিলো। সিবে অন্যগুনো ধোক্ক্যেন এক্কুই মাবর্ এলঅ।

যিহিষ্কেল 40:44

ভিদিরে উদোন সংমোধ্যে গেদো কায়কুরে গীদ্ গেইয়্যেগুনোত্তে তিন্নো এক কিত্তেদি খুলো গুদি এলঅ; দ্বিবে উত্তোর্-গেদো কায়কুরে দোগিণো মু আর এক্কো পূগ-গেদো কায়কুরে উত্তোরেদি মু।

যিহিষ্কেল 40:47

সে পরেদি তে উদোনান্ মাবিলো। সিয়েন এলদে একশ আত্ লাম্বা আর একশ আত্ পাদাজ্যে এক্কান চের্‌‌‌‌কোনা জাগা। আর পূজোবো উবোসনা-ঘরর মুজুঙোত্ এলঅ।