যিহিষ্কেল 40:2 - Chakma Bible

² গোজেনর দিয়্যে দর্শনানর ভিদিরেদি তে মরে ইস্রায়েল দেজত্ নেযেইনে এক্কান অমকদ অজল্ মুড়ো উগুরে রাগেল। সেই মুড়োবোর্ দোগিণেদি কয়েক্কান বিল্ডং এলঅ যিগুন চাদে শঅর ধোক্ক্যেন্।

যিহিষ্কেল 40:2 ပူးပေါင်းရင်းမြစ်များ

১ বংশধর 28:12

লগেপ্রভু ঘরর্‌ উদোন, সিয়েন চেরোকিত্তে গুদিগুন্‌, গোজেন ঘরর্‌ ধনভান্ডালানি আর উৎসর্ব পযাপিরানি রাগেবার্‌ ভান্ডাল যে আরুক্কানি পবিত্র আত্মা দায়ূদো ইদু ফগদাঙ্‌ গোজ্যে সিয়েনি বেক্কানি তে শলোমনরে জানেল।

১ বংশধর 28:19

দায়ূদে কলঅ, “লগেপ্রভু যে আরুক্কান্‌ মইদু ফগদাঙ্‌ গোজ্যে সিয়েন পরিচালনায় মুই সিয়েন্‌ ছাবেয়োং, আর সে আরুক্কানর্‌ বেক্কানি বুঝিবার জ্ঞানান্‌ তে মরে দিয়্যে।”

গীতসংহিতা 48:2

গোজেনর থেবার জাগায়ান সেই সিয়োন মুড়োবো, অজলত্ বানেয়্যে দাঙর্ রাজার সে শঅরান চাদে দোল্; গোদা দুনিয়াগানরে সিয়েনে হুজিয়ে রাগায়।

যিশাইয় 14:13

তুই মনে মনে কোইয়োচ্চ্যে, মুই স্বর্গত্ উদিম্, গোজেন তারাগুনো উগুরে মঅ সিংহাসনান্ তুলিম্; যিয়েনত্ দেবেদাগুনে এগত্তর্ অন্ উত্তোরেদি সে মুড়োবো উগুরে মুই সিংহাসনত্ বুজিম্।

যিশাইয় 48:2

তুমি দঅ নিজোরে সুদ্ধো-সাংগ শঅরর্ আদাম্মে বিলি কোই থাগঅ আর ইস্রায়েলর গোজেন উগুরে বিশ্বেজ্ গরঅ, যিবের নাঙান বেগত্তুন্ খেমতাবলা লগেপ্রভু।

যিহিষ্কেল 1:1

ত্রিশ বজরর্ চের্ মাজর্ পাচ্ দিনোত্ মুই যেক্কে কবার গাঙ পারত্ বন্দীগুনো ভিদিরে এলুং সেক্কে আগাজ্‌‌‌চান খুলি গেলঅ আর মুই গোজেনর দর্শন পেলুং।

যিহিষ্কেল 20:40

সেক্কে দেজ ভিদিরে মর্ সুদ্ধো-সাংগ মুড়োবো উগুরে, ইস্রায়েলর অজল্ মুড়োবো উগুরে ইস্রায়েলর বেক্ মানুচ্চুনে মরে সেবা গুরিবাক্ আর সিয়েনত্ মুই তারারে গুজি লোম্। সিয়েনত্ মুই তমার বেক সুদ্ধো-সাংগ উৎসর্বনি, দান আর গম্ গম্ বক্‌‌‌‌‌শিজচানি মাগিম্।

যিহিষ্কেল 37:22

সিয়েনত্ ইস্রায়েলর মুড়ো-মুড়ি উগুরে মুই তারারে নিইনে এক্কান রেজ্য বানেম্। তারা বেক্কুনো উগুরে একজনে রাজা অবঅ আর তারা আর্ কনদিন্‌অ দ্বিবে ন-অবাক্ বা দ্বিয়েন রেজ্য ভাগ্ ন-অবঅ।

যিহিষ্কেল 41:1

সে পরেদি তে মরে উবোসনা-ঘরর্ আজল্ গুদিবোত্ আনিনে দোরোত্ বাজু দ্বিবে মাবিলো; দ্বিকিত্তেদি বাজু পাদাজ্যে এলাক্ ছয় আত্ গুরি;

যিহিষ্কেল 43:12

ইয়েন অলঅ উবোসনা-ঘরর্ আইন-মুড়োবো উগুরে চেরোকিত্তে বেক্ চাগালাগান অবঅ বজমান্ সুদ্ধো-সাংগ। উবোসনা-ঘরর আইনান্ এবাবোত্যে।

যিহিষ্কেল 8:3

তে আঢ্‌তান বাবেইনে মঅ মাঢাবো চুলানি ধুরিলো। সেক্কে গোজেনর আত্মাগানে মরে আগাজত্ তুলি নেযেল আর গোজেনর দিয়্যে দর্শনর্ ভিদিরে তে মরে যিরূশালেমর উবোসনা-ঘর ভিদিরে উদোনর্ উত্তোরেদি গেদোত্ সোমেবার পথ্‌তানত্ নেযেল। সিয়েনত্ এমন এক্কো মূত্তি এলঅ যিবে গোজেনর রাগ্‌কান তুলি দিয়্যে।

দানিয়েল 7:1

বাবিল রাজা বেল্‌‌‌শৎসরর রাজাগিরির্ পত্তম্ বজরত্ দানিয়েলে বিচ্চোনত্ পড়িনে ভালোক্কানি স্ববন্ দেগিলো আর তা স্ববনর্ সাপ্তাবোর্ বেপারান্ তে এধোক্ক্যেনগুরি লিগিলো: রেদোত্ স্ববন ভিদিরে মুই দেগিলুং, আগাজর্ চেরান বোইয়্যেরে বড়্ সাগরানরে উলোত্ পালত্ গরের্।

দানিয়েল 7:7

রেদোত্ মর্ সেই স্ববনত্ মুই চের্ লম্বর য়েমান্নো দেগিলুং। সিবে অলদে দর্‌‌‌‌গরেপারা, দর্ লাগেয়্যে আর অমকদ বোলী। তার দাঙর্ দাঙর্ লুয়োর্ দাত্ এলাক্। তা শিগের্‌‌‌‌বোরে তে কট্টা গুরি গিলি ফেলেল আর যিয়েন বাগি রলঅ সিয়েন টেঙোই উরিলো। ইবে আগ য়েমান্নোত্তুন্ যুদো এলঅ আর তার দোশ্‌‌‌‌‌চুয়ো শিং এলাক্।

মীখা 4:1

শেজ্‌কালত্ বেক মুড়োমুড়িগুনো ভিদিরেত্তুন্ সেই মুড়োবোরে বেগত্তুন্ অজলত্ তুলো অবঅ যিয়েনত্ লগেপ্রভুর্ ঘর্ আঘে। চিগোন চিগোন মুড়োগুনোত্তুন্ সিবেরে অজলত্ তুলো অবঅ, আর বেক্ জাদ্‌তুনে পানি গঙার ধোক্ক্যেন তান্দি যেবাক্। ‌‌‌

প্রেরিত্‌ 16:9

রেদোত্ পৌলে এক্কান দর্শনত্ দেগিলো, ম্যাসিডোনিয়া রেজ্যর্ এক্কো মানুচ্‌ থিয়্যেইনে তারে কোজোলি গুরিনে কত্তে, “ম্যাসিডোনিয়াত্ এইনে আমারে সাহায্য গত্তি।”

প্রেরিত্‌ 2:17

শেচ্‌ কালত বেক্‌ মানুচ্চুনো উগুরে মুই মঅ আত্মাগান ঢালি দিম্; সেক্কে তমা পুয়োগুনে আর ঝিগুনে ভাববাদী ইজেবে গোজেন কধা কবাক্, তমা গাবুজ্যেগুনে দর্শন পেবাক্, তমা বুড়ো মানুচ্চুনে স্ববন্ দেগিবাক্।

গালাতীয় 4:26

মাত্তর্ যে যিরূশালেমান্ স্বর্গর্, তে স্বাধীন; তেয়ই আমার মা।