যিহিষ্কেল 40:17 - Chakma Bible

¹⁷ সে পরেদি তে মরে বারেদি উদোনত্ নেযেল। উদোনর্ চেরোকিত্তেদি মুই বেক্কুনে ত্রিশ্‌‌ছো এক কিত্তেদি খুলো গুদি দেগিলুং; সিগুনোর্ মুজুঙেদি বানিবার্ জাগা এলঅ।

যিহিষ্কেল 40:17 ပူးပေါင်းရင်းမြစ်များ

১ রাজাবলী 6:5

আজল্‌ গুদিবো আর দাঙর্‌ পবিত্র জাগানর্‌ তিন কিত্তেন্দি দেবালত্‌ বাস্যে তে এক্কান তিন তালা ঘর বানেল। সিয়েন ভিদিরে ভালোক্কুন্‌ গুদি এলাক।

২ রাজাবলী 23:11

যিহূদার রাজাগুনে যেদক্কানি রথ আর ঘোড়ারে বেলান্‌ পূজোনা নাঙে দুয়োন্‌ যোশিয় সে ঘোড়াগুন্‌ নিগিলে দিইনে রথ্‌তানি পুড়ি ফেলেল। লগেপ্রভুর ঘরত্‌ সুমিবার্‌ পথ্‌তান কায়, উদোন সংমোধ্যে, নথন-মেলক নাঙে এক্কো কামগুরিয়্যের গুদিবো কায় ঘোড়াগুনোরে রাগা অদঅ।

১ বংশধর 23:28

এ লেবীয়গুনোর্‌ কামান্‌ এলদে লগেপ্রভু ঘরর্‌ সেবা-কামত্‌ হারোণ বংশধরুনোরে বল্‌ দেনা। ইয়েনি ভিদিরে এলদে তবনা-ঘরর্‌ উদোন্‌ আর কায়-কুরে গুদিগুন্‌ দেগাশুনো গরানা, বেক্‌ পবিত্র জিনিসছানি সিজি গুরি নেযানা আর গোজেন ঘরর্‌ অন্য কামানি গরানা।

১ বংশধর 9:26

যে চেরজন্‌ লেবীয় আজল্‌ চুগিদার এলাক্‌ তারা উগুরে এলঅ গোজেন ঘরর্‌ ধনভান্ডাল গুদিগুনো ভারান্‌।

২ বংশধর 31:11

সেক্কে হিষ্কিয় লগেপ্রভুর ঘরত্‌ কয়েক্কান্‌ ভান্ডাল-ঘর বানেবাত্তে উগুম্‌ দিলো আর সিয়েনি বানা অলঅ।

যাত্রা 27:9

থেবার-তাম্বুলানর্‌ চেরোকিত্তেদি এক্কান উদোন্‌ থেবঅ‌। ইয়েনর্‌ দোগিণেদি অবঅ‌ একশত আত্‌। সিন্দি থেবঅ‌ পাগেয়্যে মসীনা সুদোলোই পর্দা।

যিহিষ্কেল 10:5

করূব্‌পুনোর ডুয়োগানির রঅ বারেদি উদোন সং শুনো যার্; সেই রবো এলদে বেগত্তুন্ খেমতাবলা লগেপ্রভুর কধা কবার্ রঅ ধোক্ক্যেন।

যিহিষ্কেল 40:18

সেই বান্যে জাগায়ান পত্তি গেদোর্ দ্বিকিত্তেদিয়ো এলঅ আর গেদোর্ লাম্বাগান সং এলঅ; ইয়েন এলদে তলেদি বান্যে জাগায়ান।

যিহিষ্কেল 40:38

বারেদি উদোন সংমোধ্যে ভিদিরে গেদোর্ খুদোবো কায়কুরে এক কিত্তেদি খুলো এক্কো গুদি এলঅ; সিবে এলদে পুজ্যে-উৎসর্বর্ য়েমান য়েরা ধবার্ জাগা।

যিহিষ্কেল 40:44

ভিদিরে উদোন সংমোধ্যে গেদো কায়কুরে গীদ্ গেইয়্যেগুনোত্তে তিন্নো এক কিত্তেদি খুলো গুদি এলঅ; দ্বিবে উত্তোর্-গেদো কায়কুরে দোগিণো মু আর এক্কো পূগ-গেদো কায়কুরে উত্তোরেদি মু।

যিহিষ্কেল 40:45

তে মরে কলঅ, “দোগিণোদি মু গুদিবো উবোসনা-ঘরর দেগাশুনোর ভার্-পেইয়্যে ধর্মগুরুগুনোত্তে আর উত্তোরেদি মু গুদিবো পূজোর্ দেগাশুনোর্ ভার-পেইয়্যে ধর্মগুরুগুনোত্তে। সেই ধর্মগুরুগুন অলাক্ সাদোকর্ পুয়োগুন; লেবীয়গুনো ভিদিরে বানা তারা লগেপ্রভুর মুজুঙোত্ তার সেবা-কামত্তে যেই পারন্।”

যিহিষ্কেল 41:6

সে গুদিগুন এক্কো উগুরে আর এক্কো গুরি তিন তালা এলঅ; পত্তি তালাত্ ত্রিশ্‌ছো গুরি গুদি এলাক্। গুদিগুন ভরান্ রাগেবাত্তে উবোসনা-ঘরর্ দেবাল তিন দাগেদি থাক্ এলাক্। গুদিগুনোর বীম সে থাক্‌‌কুনো উগুরে বোজেয়্যে এলঅ, উবোসনা-ঘরর দেবাল ভিদিরে ভোরেয়্যে ন-এলঅ।

যিহিষ্কেল 42:1

পরেদি তে মরে উবোসনা-ঘরর উত্তোরেদি বারেদি উদোনত্ আনিনে এক্কান বিল্ডিঙোত্ নেযেল। সেই বিল্ডিঙান্ উবোসনা-ঘরর্ উত্তোরেদি মেলা জাগান কায় আর পোজিমেদি বিল্ডিঙান কায় এলঅ।

যিহিষ্কেল 42:10

উবোসনা-ঘরর্ দোগিণেদি ঠিগ্ এক্কুই এক্কান বিল্ডিং এলঅ। সিয়েন এলদে ভিদিরে উদোনর্ মেলা জাগান কায় আর পোজিমেদি বিল্ডিঙান কায়।

যিহিষ্কেল 42:3

এ বিল্ডিঙান এলদে ভিদিরে উদোনর্ কুড়ি আঢর্ সেই মেলা জাগায়ান আর বারেদি উদোনর্ ঘিজ্যে জাগান ভিদিরে। বিল্ডিঙান্ তিন তালা এলঅ আর পত্তি তালাত্ গুদিগুনো মুজুঙোত্ আঢিবার পথ এলঅ।

যিহিষ্কেল 42:4

সে পথ্‌‌‌তান এলদে দশ আত্ পাদাজ্যে; সিয়েনত্তুন্ বিল্ডিঙো ভিদিরে মেলা জাগানত্ যেবাত্তে এক আত্ পাদাজ্যে এক্কান পথ এলঅ। বিল্ডিঙোর্ গুদিগুন উত্তোরেদি খুলো এলঅ।

যিহিষ্কেল 44:1

সে পরেদি সেই মানুচ্চো মরে উবোসনা-ঘরর পূগেদি মু বারেদি গেদো ইধু ফিরেই আনিলো; গেট্টো বান্যে এলঅ।

যিহিষ্কেল 45:5

বাদবাগি পোজোস্ আজার্ মাবেদে কাদি লাম্বা আর দশ আজার্ মাবেদে কাদি পাদাজ্যে জাগায়ান সেই লেবীয়গুনোর্ গজগত্ থেবঅ যিগুনে উবোসনা-ঘরর্ কাম গরন। সিয়েনত্ তারা বজত্তি গুরিবাক্।

যিহিষ্কেল 46:21

সে পরেদি তে মরে বারেদি উদোনত্ আনিনে তার্ চের্‌‌বো কোণাত্ ঘুরেইনে আনিলো, আর মুই পত্তি কোণাত্ আহ্ এক্কান গুরি চিগোন্ উদোন দেগিলুং।

ফগদাং পেইয়্যে 11:2

মাত্তর্ উবোসনা-ঘরর্ বারেদি যে উদোনান্ আঘে সিয়েন বাদ দিচ্‌, ন-মাবিচ্; কিয়া সিয়েন অযিহূদীগুনোরে দিয়্যে ওইয়্যে। তারা বিয়াল্লিশ্ মাস সং পবিত্র শঅরান টেঙোই উরিবাক্।