যিহিষ্কেল 40:16 - Chakma Bible

¹⁶ গুদিগুনোর্ বারেদি দেবালত্ আর খুদো দ্বিবের্ কায়কুরে দেবালানত্ জালি দিয়্যে জানালা এলঅ, আর গেদো শেজদি যে গুদিবো এলঅ সিয়েনর্ দেবালানত্অ সেবাবোত্যে এলঅ; এবাবোত্যেগুরি গেদোর্ দেবালানিত্ সেবাবোত্যে জানালা এলঅ। ইয়েনি বাদেয়ো খুদো দ্বিবেত্ খাজোর্ গাজ্ খোদাই গোজ্যে এলঅ।

যিহিষ্কেল 40:16 ပူးပေါင်းရင်းမြစ်များ

১ রাজাবলী 6:29

তবনা-ঘরর দ্বিবে গুদিত্‌ পুরো দেবালানিত্‌ করূব, খাজোর্‌ গাজ আর ফূট্যে ফুল কাবিনে বানেয়্যে এলঅ।

১ রাজাবলী 6:32

দোরানর দ্বি ডাগেন্দি তে করূব, খাজোর গাজ আর ফুট্যে ফুল কাবিনে সনালোই নাদি দিলো আর সে করূব আর খাজোর্‌ গাজ্‌অ উগুরে সোনা পিদেইনে সিগুনোর আরুক্‌ দি দিলো।

১ রাজাবলী 6:35

সে ডাগকানির্ উগুরে তে করূব, খাজোর গাজ আর ফুট্যে ফুলোর আরুক্‌ বানেইনে সোনা পাত্‌তোই নাদি দিলো।

১ রাজাবলী 6:4

ঘরানর্‌ দেবাল ভিদিরে তে জানালা ধোক্ক্যেন গুরিনে কানা কানা জাল ধোক্ক্যেন্‌ জাগা বানেল।

১ রাজাবলী 7:4

ঘরর্ চেরোকিত্তে দেবালত্‌ মুজুঙো-মুজুঙি তিন সুর জানালা দিয়্যে অলঅ।

২ বংশধর 3:5

আজল্‌ দাঙর্‌ গুদিবো শলোমনে পত্তমে বেরস গাজ তক্তালোই ঢাগি দিলো আর সে পরেন্দি সিয়েন্‌ গম্‌ সোনালোই বেড়েই দিলো, আর সিয়েন্‌ খাজোর্‌ আর শিগল আরুক্‌কোই সাজা অলঅ।

গীতসংহিতা 92:12

গোজেন ভক্তগুনে খাজোর গাজ ধোক্ক্যেন্ ফুলে-গুলোগুলিয়ে ভুরি উদিবাক্; তে লেবাননর্ এরস গাজ ধোক্ক্যেন দাঙর্ অবাক্।

যিহিষ্কেল 40:12

চুগিদারুনোর্ পত্তি গুদি মুজুঙোত্ এলদে এক আত্ অজল্ আর এক আত্ পাদাজ্যে দেবাল্ আর গুদিগুন লাম্বাদি আর পাদাজ্যেদি এলদে ছয় আত্।

যিহিষ্কেল 40:15

গেদোত্ সোমেবার মুয়োনত্তুন্ গেদোর্ কাজা কুরেদি গুদিবো সং দূরোত্ এলদে পঞ্চাশ আত্।

যিহিষ্কেল 40:25

অন্য গেদো ধোক্ক্যেন এ গেইট্টোত্অ জানালা এলঅ। গেইট্টো এলঅ পঞ্চাশ আত্ লাম্বা আর পোজোস্ আত্ পাদাজ্যে।

যিহিষ্কেল 40:26

সিয়েনত্ উদিবার সিড়িগানত্ সাত্‌‌‌তো পোইদ্যে এলঅ আর গেদোর্ শেজ্ দুযিত্ তা গুদিবো এলঅ। গেদো ভিদিরে দ্বিকিত্তেদি খুদোগুনোত্ খাজোর্ গাজ নক্‌‌‌‌শা গোজ্যে এলঅ।

যিহিষ্কেল 40:29

সেই গেদোর্ চুগিদারুনোর্ গুদিগুন, খুদো দ্বিবে আর শেজর্ গুদিবো অন্যগুনো ধোক্ক্যেন এক্কুই মাবর্ এলঅ। অন্য গেদো ধোক্ক্যেন এ গেইট্টোত্অ জানালা এলঅ। গেইট্টো এলঅ পঞ্চাশ আত্ লাম্বা আর পোজোস্ আত্ পাদাজ্যে।

যিহিষ্কেল 40:30

ভিদিরে উদোনর্ নানান্ জাগাত্ খুদো উগুরে ছাদ দিয়্যে জাগা এলঅ। সিয়েন এলদে পোজোস্ আত্ লাম্বা আর পাচ্ আত্ পাদাজ্যে।

যিহিষ্কেল 40:31

ভিদিরে উদোনর্ দোগিণো মু গেদোত্ সোমেবার গুদিবো মুয়োন এলদে বারেদি উদোন ইন্দি। গেদোত্ সোমেবার্ পধ দি কিত্তেদি খুদোগুনোত্ খাজোর্ গাজ নক্‌শা গোজ্যে এলঅ। সিদু উদিবার সিড়িগানত্ আস্‌টোবো পোইদ্যে এলঅ।

যিহিষ্কেল 40:33

তা চুগিদারুনোর্ গুদিগুন, খুদো দ্বিবে আর সোমেবার গুদিবো অন্যগুনো ধোক্ক্যেন এক্কুই মাবর্ এলঅ। অন্য গেদো ধোক্ক্যেন এ গেইট্টোত্অ জানালা এলঅ। গেইট্টো পঞ্চাশ আত্ লাম্বা আর পোজোস্ আত্ পাদাজ্যে এলঅ।

যিহিষ্কেল 40:34

তার্ সোমেবার গুদিবো মুয়োন এলদে বারেদি উদোন ইন্দি। গেদোত্ সোমেবার পধ দ্বিকিত্তেদি খুদোগুনোত্ খাজোর্ গাজ নক্‌‌শা গোজ্যে এলঅ। সিদু উদিবার সিড়িগানত্ আস্‌‌টোবো পোইদ্যে এলঅ।

যিহিষ্কেল 40:36

তার চুগিদারুনোর্ গুদিগুন, খুদো দ্বিবে আর সোমেবার গুদিবো অন্যগুনো ধোক্ক্যেন এক্কুই মাবর্ এলঅ। অন্য গেদো ধোক্ক্যেন এ গেইট্টোত্অ জানালা এলঅ। গেইট্টো পঞ্চাশ আত্ লাম্বা আর পোজোস্ আত্ পাদাজ্যে এলঅ।

যিহিষ্কেল 40:37

তার খুদো দ্বিবে এলঅ বারেদি উদোন ইন্দি; সিগুনোত্ খাজোর্ গাজ নক্‌শা গোজ্যে এলঅ। সিদু উদিবার সিড়িগানত্ আস্‌‌‌টোবো পোইদ্যে এলঅ।

যিহিষ্কেল 40:7

গেদোত্ চুগিদারুনোর্ গুদিগুন্ এক মাবেদে কাদি লাম্বা আর এক মাবেদে কাদি পাদাজ্যে আর এক গুদিত্তুন আর এক গুদি ভিদিরে দেবালান্ পাচ্ আত্ দাঙর্ এলঅ। গেদোর্ শেজদি উবোসনা-ঘর মুয়োদি গুদিবোত্ সোমেবার মুয়োন এলদে এক মাবেদে কাদি।

যিহিষ্কেল 41:25

আজল্ গুদিবোর্ দোরো হেবা দ্বিবে উগুরে দেবাল ধোক্ক্যেন করূব আর খাজোর্ গাজ নক্‌‌শা গোজ্যে এলঅ। বারান্দাত্ সোমেবার মুয়ো ছাল তলেদি এক্কো বীম্ এলঅ।

যিহিষ্কেল 41:26

বারান্দার জালি দিয়্যে জানালানির্ দ্বিকিত্তেদি আর ফ্রেমানিত্ খাজোর্ গাজ নক্‌‌শা গোজ্যে এলঅ। ইগুন বাদেয়ো উবোসনা-ঘরর বীমুনোত্ আর কায়কুরে গুদিগুনোত্অ খাজোর্ গাজ নক্‌‌শা গোজ্যে এলঅ।

যিহিষ্কেল 41:3

সে পরেদি তে ভিদিরে গুদিত্ যেইনে সিদু সোমেবার দোরানর্ বাজু দ্বিবে মাবিলো; পত্তি বাজু এলাক্ দি আত্ পাদাজ্যে। দ্বিবে বাজুর্ সংমোধ্যেগানর্ জাগায়ান এলঅ ছয় আত্ আর বাজু লগে বাজেয়্যে দ্বিকিত্তেদি দেবালান্ লাম্বাদি এলঅ সাত আত্ গুরি।

যিহিষ্কেল 42:3

এ বিল্ডিঙান এলদে ভিদিরে উদোনর্ কুড়ি আঢর্ সেই মেলা জাগায়ান আর বারেদি উদোনর্ ঘিজ্যে জাগান ভিদিরে। বিল্ডিঙান্ তিন তালা এলঅ আর পত্তি তালাত্ গুদিগুনো মুজুঙোত্ আঢিবার পথ এলঅ।

যোহন 5:2

যিরূশালেম ভেড়া-গেদো কায়কুরে এক্কো পোর্ আঘে; সিয়েনত্ পাচ্চান্ ছাল্-দিয়্যে জাগা আঘে। ইব্রীয় কধাদি পোর্‌বো নাঙান্ বৈথেস্‌দা।

১ করিন্হীয় 13:12

আমি ইক্কিনে যেন আনাত্ গমেডালে ন-দেগির্, মাত্তর্ সেক্কেনে মুজুঙো-মুজুঙি দেগিবোং। মুই ইক্কিনে যিয়েন হবর্ পাং সিয়েন পুরো নয়, মাত্তর্ গোজেনে মরে যেবাবোত্যেগুরি হবর্ পায় সেক্কে মুই সেবাবোত্যেগুরি পুরোপুরি গুরি হবর্ পেইম্।

ফগদাং পেইয়্যে 7:9

ইয়েনর্ পরেদি মুই পত্তি জাত্, গুট্টি, দেশ আর ভাষা ভিদিরেত্তুন্ এদক্ মান্‌জ্যর ভিড় দেগিলুং, তারারে কেঅ গুণি ন-পারিলাক্। ধুব্ কাবড় উরিনে তারা সেই সিংহাসন আর ভেড়া-ছবুয়ো মুজুঙোত্ খাজোর্ পাদা আঢত্ গুরিনে থিয়্যেই এলাক্।