যিহিষ্কেল 40:12 - Chakma Bible

¹² চুগিদারুনোর্ পত্তি গুদি মুজুঙোত্ এলদে এক আত্ অজল্ আর এক আত্ পাদাজ্যে দেবাল্ আর গুদিগুন লাম্বাদি আর পাদাজ্যেদি এলদে ছয় আত্।

যিহিষ্কেল 40:12 ပူးပေါင်းရင်းမြစ်များ

যিহিষ্কেল 40:11

সে পরেদি তে গেদোর্ মাপ নেযেল; সিয়েনর্ সোমেবার পথ্‌‌‌তান লাম্বাদি এলদে তের আত্ আর সোমেবার মুয়োন পাদাজ্যেদি এলদে দশ আত্।

যিহিষ্কেল 40:13

সে পরেদি তে গেদো ছালর্ পাদাজ্যেগুরি মাপ্ নিলো; তে এক্কো গুদির্ বারেদিত্তুন্ তা মুজুঙেদি গুদিবোর বারেদি সং মাবিলো-এক্কো গুদির্ দেবাল খুলো জাগানত্তুন্ তা মুজুঙেদি গুদিবোর্ দেবাল খুলো জাগানর্ দূরোত্ এলদে পোজোস্ আত্।

যিহিষ্কেল 40:16

গুদিগুনোর্ বারেদি দেবালত্ আর খুদো দ্বিবের্ কায়কুরে দেবালানত্ জালি দিয়্যে জানালা এলঅ, আর গেদো শেজদি যে গুদিবো এলঅ সিয়েনর্ দেবালানত্অ সেবাবোত্যে এলঅ; এবাবোত্যেগুরি গেদোর্ দেবালানিত্ সেবাবোত্যে জানালা এলঅ। ইয়েনি বাদেয়ো খুদো দ্বিবেত্ খাজোর্ গাজ্ খোদাই গোজ্যে এলঅ।

যিহিষ্কেল 40:29

সেই গেদোর্ চুগিদারুনোর্ গুদিগুন, খুদো দ্বিবে আর শেজর্ গুদিবো অন্যগুনো ধোক্ক্যেন এক্কুই মাবর্ এলঅ। অন্য গেদো ধোক্ক্যেন এ গেইট্টোত্অ জানালা এলঅ। গেইট্টো এলঅ পঞ্চাশ আত্ লাম্বা আর পোজোস্ আত্ পাদাজ্যে।

যিহিষ্কেল 40:38

বারেদি উদোন সংমোধ্যে ভিদিরে গেদোর্ খুদোবো কায়কুরে এক কিত্তেদি খুলো এক্কো গুদি এলঅ; সিবে এলদে পুজ্যে-উৎসর্বর্ য়েমান য়েরা ধবার্ জাগা।

যিহিষ্কেল 40:7

গেদোত্ চুগিদারুনোর্ গুদিগুন্ এক মাবেদে কাদি লাম্বা আর এক মাবেদে কাদি পাদাজ্যে আর এক গুদিত্তুন আর এক গুদি ভিদিরে দেবালান্ পাচ্ আত্ দাঙর্ এলঅ। গেদোর্ শেজদি উবোসনা-ঘর মুয়োদি গুদিবোত্ সোমেবার মুয়োন এলদে এক মাবেদে কাদি।