যিহিষ্কেল 40:10 - Chakma Bible

¹⁰ পূগেদি গেদো ভিদিরে দ্বিকিত্তেদি তিন্নো গুরি বেক্কুনে ছোবুয়ো গুদি এলঅ; সিগুনোর পত্তিবোর মাপ্ এলদে সং আর সিগুনো ভিদিরে দেবালানির্ পত্তি মাপ্ এক্কুই এলঅ।

যিহিষ্কেল 40:10 ပူးပေါင်းရင်းမြစ်များ

যিহিষ্কেল 40:11

সে পরেদি তে গেদোর্ মাপ নেযেল; সিয়েনর্ সোমেবার পথ্‌‌‌তান লাম্বাদি এলদে তের আত্ আর সোমেবার মুয়োন পাদাজ্যেদি এলদে দশ আত্।

যিহিষ্কেল 40:21

সিয়েনর্ দ্বিকিত্তেদি তিন্নো গুরি গুদিগুনোর্ মাপ্ আর সিয়েনর্ খুদোগুন আহ্ সিয়েনর যেরেদি গুদিগুনোর মাপ পৌইল্যা গেদোর্ বেক্ মাপ্‌পেদে ধোক্ক্যেন এলঅ। সিগুন এলাক্ পঞ্চাশ আত্ লাম্বা আর পোজোস্ আত্ পাদাজ্যে।

যিহিষ্কেল 40:29

সেই গেদোর্ চুগিদারুনোর্ গুদিগুন, খুদো দ্বিবে আর শেজর্ গুদিবো অন্যগুনো ধোক্ক্যেন এক্কুই মাবর্ এলঅ। অন্য গেদো ধোক্ক্যেন এ গেইট্টোত্অ জানালা এলঅ। গেইট্টো এলঅ পঞ্চাশ আত্ লাম্বা আর পোজোস্ আত্ পাদাজ্যে।

যিহিষ্কেল 40:44

ভিদিরে উদোন সংমোধ্যে গেদো কায়কুরে গীদ্ গেইয়্যেগুনোত্তে তিন্নো এক কিত্তেদি খুলো গুদি এলঅ; দ্বিবে উত্তোর্-গেদো কায়কুরে দোগিণো মু আর এক্কো পূগ-গেদো কায়কুরে উত্তোরেদি মু।

যিহিষ্কেল 40:7

গেদোত্ চুগিদারুনোর্ গুদিগুন্ এক মাবেদে কাদি লাম্বা আর এক মাবেদে কাদি পাদাজ্যে আর এক গুদিত্তুন আর এক গুদি ভিদিরে দেবালান্ পাচ্ আত্ দাঙর্ এলঅ। গেদোর্ শেজদি উবোসনা-ঘর মুয়োদি গুদিবোত্ সোমেবার মুয়োন এলদে এক মাবেদে কাদি।

যিহিষ্কেল 40:9

সে গুদিবো লাম্বাদি এলদে আস্‌‌‌তো আত্ আর সিয়েনত্তুন্ নিগিলিবার পধত্ দ্বি কিত্তেদি খুদো দ্বিবে এলাক্ দ্বিআত্ গুরি পাদাজ্যে। গেদো শেজদি সেই গুদিবোর্ মুয়োন এলদে উবোসনা-ঘর ইন্দি।