যিহিষ্কেল 40:1 - Chakma Bible

¹ আমা বন্দীদজাত্ পোজোস্ বজরর্ আরাম্ভত, মাসর্ দশ দিনোত, যিরূশালেম শঅরর্ পতনর্ চৌদ্দ বজর পরেদি লগেপ্রভুর আঢ্‌তানি মঅ উগুরে এলঅ। ‌‌

যিহিষ্কেল 40:1 ပူးပေါင်းရင်းမြစ်များ

যাত্রা 12:3

তুমি বেক্‌ ইস্রায়েলীয়গুনোরে এগত্তর্‌ গুরিনে কোই দুয়ো যেনে এ মাসর দশ তারিগোত্‌ পত্তি পরিবারর্‌ মুরুব্বীবো নিজোর পরিবারত্তে এক্কো গুরি ভেড়া ছাগল ছঅ বেঈ লয়। পত্তি ঘরত্তে এক্কো গুরি ভেড়াছাগল ছঅ নেযা পড়িবো।

যাত্রা 12:41

চেরশঅ ত্রিশ বজর্‌ শেজ অবার দিন্নোত্‌ লগেপ্রভুর বেক্‌ মানেইয়ুন সৈন্যদল ধোক্ক্যেন গুরি মিসর্‌ দেজ্‌চান ফেলেইনে নিগিলি এচ্ছোন্।

যাত্রা 40:2

বজরর্‌ পত্তম মাজর্‌ পোইল্যে দিনোত্‌ তুই থেবার-তাম্বুলান, অত্তাৎ মিলন-তাম্বুলান বানেবে।

যিহিষ্কেল 11:24

সে পরেদি গোজেনর আত্মাগানে মরে তুলি নিলো আর তার দিয়্যে দর্শনর ভিদিরেদি আরঅ বাবিলোত্ বন্দীগুনো ইধু নেযেল। যে দর্শনান্ মুই দেখ্যং ইয়েনর পরেদি সিয়েন শেজ্ ওই গেলঅ।

যিহিষ্কেল 29:17

আমা বন্দীদজার্ সাতেশ বজরর পত্তম মাজর্ পৌইল্যা দিনোত্ লগেপ্রভুর এ কধাগান মইধু ফগদাং অলঅ,

যিহিষ্কেল 3:14

গোজেনর্ আত্মাগানে মরে তুলি নেযেবার্ অক্তত্ মুই মনে মনে কাঙেলেত্যে আর রাগ্‌‌‌‌‌‌কোই গেলুং, আর লগেপ্রভুর দরমর আঢ্‌‌‌‌‌‌তানি মঅ উগুরে এলঅ।

যিহিষ্কেল 3:22

সিয়েনত্ লগেপ্রভুর্ খেমতাবলা আঢ্‌‌তানি মঅ উগুরে এলঅ আর তে মরে কলঅ, “তুই উদিনে কলগত্ যাহ্, সিদু মুই তঅ লগে কধা কোম্।”

যিহিষ্কেল 32:1

আমা বন্দীদজার্ বার বজরর্ বার মাজর্ পত্তম দিনোত্ লগেপ্রভুর এ কধাগান মইধু ফগদাং অলঅ,

যিহিষ্কেল 32:17

আমা বন্দীদজার বার বজরর্ সময় সেই মাজর্ পনর দিনোত্ লগেপ্রভুর এ কধাগান মইধু ফগদাং অলঅ,

যিহিষ্কেল 33:21

আমা বন্দীদজার্ বার বজরর্ দশ মাজর্ পাচ্ দিনোত্ এক্কো মানুচ্ যিরূশালেমত্তুন্ ধেইনে মইধু এইনে কলঅ, “শত্রুগুনে শঅর্ গজক্ গোজ্যন্।”

যিহিষ্কেল 37:1

লগেপ্রভুর আঢ্‌‌‌তানি মঅ উগুরে এলঅ আর তে তার্ আত্মালোই মরে নেযেইনে এক্কো কলগর্ সংমোধ্যে রাগেল; জাগায়ান আড়্‌‌‌গোড়ালোই ভরা এলঅ।

যিহিষ্কেল 8:1

বন্দীদজাত্ থেবার ছয় বজরর্ ছয় মাসর্ পাচ্ দিনোত্ মুই যেক্কে মঅ ঘরত্ বুয়োই এলুং আর যিহূদার বুড়ো নেতাগুনে মঅ মুজুঙোত্ বুয়োই এলাক্ সেক্কে প্রভু লগেপ্রভুর আঢ্‌‌‌তানি সেই জাগানত মঅ উগুরে এলঅ।

ফগদাং পেইয়্যে 1:10

প্রভুর দিনোত্ পবিত্র আত্মাগানে মরে পরিচালনা গোজ্জ্যে। এন্ সময়োত্ মঅ পিজেদি তূরীর রঅ ধোক্ক্যেন একজনর দাঙর্ রঅ শুনিলুং।