যিহিষ্কেল 4:17 - Chakma Bible

¹⁷ সেনত্তে হানা আর পানির অভাব অবঅ। তারা একজন আর একজনরে দেগিনে আমক্ অবাক্ আর তারার পাপত্তে তারা ক্ষয় ওই যেবাক্।

যিহিষ্কেল 4:17 ပူးပေါင်းရင်းမြစ်များ

২ রাজাবলী 6:25

সেক্কে শঅরত্‌ অমকদ ভাদরাত্‌ দেগা দিলো। এ ঘিরেনাগান্‌ এদকদিন ধুরি চলিলোদে, এক্কো গাধার মাধা পেরায় এক কেজি রূবোলোই আর এক পাবা কোদোরোর্‌ ঘু সাত গ্রাম রূবোলোই বেজা যেদঅ।

যিহিষ্কেল 24:23

তমা মাঢাত্ তুমি মাপালার্ বানিবা আর টেঙত্ জদা পিনিবা। তুমি আবিলেচ্ ন-হেবা বা ন-কানিবা, মাত্তর্ নিজো নিজো পাপত্তে বল্‌‌‌‌‌‌‌‌‌‌পোজ্যে ওই যেবা আর একজন আর একজন ইধু ফোবেবা।

যিহিষ্কেল 33:10

ও মান্‌জ্যর পুয়োবো‌‌‌‌‌‌‌‌‌‌‌, তুই ইস্রায়েল জাদরে কঅ, তুমি কত্তে তমা ভান্ন্যেয়ানি আর পাপর্ ভারানি তমা উগুরে চাবি দিয়্যে আঘে; সেনত্তেই তুমি ক্ষয় ওই যর্, বাঁজিবার আজা নেই।

লেবীয় 26:26

মুই তমারে হানার্‌ অভাব-অনটনত্‌ ঘোদেম্‌। সেক্কে দশজন মিলের্‌ রুটি সেঁক্‌কে এক্কোত্তুন্‌ বেশ্‌ চুলো ন-লাগিবো, আর হেবার্‌ অক্তত্‌ তুমি রুটি মাবি মাবি দিবা। তুমি পেট ভুরি হেই ন-পেবা।

লেবীয় 26:39

সে পরেদিয়ো তমা ভিদিরে যিগুনে সিয়েনত্‌ পড়ি থেবাক্‌ তারা তারার্‌ নিজোর আর আগমানুচ্চুনোর্‌ দুজোর্‌ কারনে শেজ্ ওই যেবাক্।

আমোষ 4:8

পানিত্তে মানুচ্চুনে দুলোদে দুলোদে আদামে আদামে গেলাক্ মাত্তর্ যগাজ্যে পানি হেই ন-পেলাক্; তো তুমি মইধু ফিরি ন-এলা।