যিহিষ্কেল 4:14 - Chakma Bible

¹⁴ সেক্কে মুই কলুং, “ও প্রভু লগেপ্রভু, এবাবোত্যে ন-ওক্। মুই কনদিন্‌অ অসিজি ন-অং। চিগনত্তুন্ ধুরি এজ সং মুই মরা বা ঝার্‌‌‌‌বো য়েমান মারে ফেলেয়্যে কনঅ কিজু ন-হাং। কনঅ অসিজি য়েরা মঅ মুয়োদি কনদিন্‌অ ন-সমে।”

যিহিষ্কেল 4:14 ပူးပေါင်းရင်းမြစ်များ

যাত্রা 22:30

তমার গোরু আর ভেড়াছাগলুনোর্ বেলাইয়ো সিয়েন্‌ গুরিবা। সাত দিন্‌ সং তারার ছঅ‌গুন্‌ মা-বো ইদু থেবাক্, সে পরেদি আস্‌তো দিনোত্‌ সিগুন্‌ মরে দিয়্যে পুরিবো।

যাত্রা 22:31

“তুমি অবা মর্‌ নাঙে যুদো গোজ্যে মানুচ্‌। সেনত্তেই এন্‌ কনঅ‌ য়েমানর্‌ য়েরা তুমি ন-হেবা যিবেরে কনঅ‌ ঝাড়্‌বো জানোয়ারে কট্টা কট্টা গুরি মাদঠ্‌ ফেলে রাগেয়্যে; সিয়েনি কুকুরোরে হেবাত্তে দিবা।”

যিশাইয় 65:4

তারা গোর জাগানত্ বজন্ আর গুমুরো জাগানত্ রেদ্ কাদান; তারা শুগুরো য়েরা হান্ আর তারার পিলেগুনোত্ অসিজি য়েরার্ ঝুল্ থায়।

যিশাইয় 66:17

লগেপ্রভু কত্তে, “যিগুনে শূগোর আর উন্দুরো য়েরা আর অন্য জঘন্য জিনিস হান্ আর অনুষ্ঠান-চালেয়্যেবোর্ পিজে পিজে পূজোর বাগানত্ যেবাত্তে দেবেদাগুনো নাঙে যুদো গুরি রাগান আর সিজি গরন্, তারা এক সমারে শেজ্ ওই যেবাক্।

যিরমিয় 1:6

সেক্কে মুই কলুং, “বেগত্তুন্ খেমতাবলা গোজেন, মুই কধা কোই ন-জানং; মুই দঅ চিগোন গুরো ধোক্ক্যেন্।”

যিহিষ্কেল 20:49

সেক্কে মুই কলুং, “ও প্রভু লগেপ্রভু, মানুচ্চুনে মঅ পৌইদ্যেনে কদন্, মুই বানা হিত্যে কধানি কঙর্।”

যিহিষ্কেল 4:15

তে কোইয়্যেদে, “আচ্ছা, মান্‌‌‌‌‌জ্য ঘু বদলে মুই তরে গবর ঘু পুড়িনে তঅ রুটিগানি সিগিবার উগুম্ দিলুং।”

যিহিষ্কেল 44:31

মুরি যেইয়্যে বা ঝর্‌‌‌‌‌বো য়েমানে কট্টা গোজ্যন্ এবাবোত্যে কনঅ পেগ্ বা য়েমান ধর্মগুরুগুনে ন-হেবাক্।

যিহিষ্কেল 9:8

মুই সেক্কে উবোসনা-ঘরত্ গায় গায় এলুং। সে অক্তত্ মুই মাঢা নিগিরি পড়িনে আবেগ সমারে কলুং, “হায়, প্রভু লগেপ্রভু! যিরূশালেম উগুরে তঅ রাগ্‌‌‌‌কান ঢালি দিইনে তুই কি ইস্রায়েলর বাদবাগি বেক্কুনোরে ভস্ত গুরি ফেলেবে?”

দানিয়েল 1:8

মাত্তর্ দানিয়েলে মনে মনে ঠিগ্ গুরিলো, তে রাজার হানা আর আংগুর-রস দিইনে নিজোরে অসিজি ন-গুরিবো। এবাবোত্যেগুরি যেনে নিজোরে অসিজি গরা ন-পড়ে সেনত্তে তে রাজার কামগুরিয়্যে আজল্লো ইধু অনুমতি চেলঅ।

লেবীয় 17:15

“কনঅ জনে যুনি মরা য়েমানর্‌ বা ঝার্‌বো য়েমানে ছিনি ফেলেয়্যে য়েমানর্‌ য়েরা খায়-তে ইস্রায়েলীয় ওক্‌ বা তারার্‌ ভিদিরে বজত্তি-গোজ্যে জাদর্‌ মানুচ্‌ ওক্‌-তাত্তুন্‌ তার্‌ কাবড়-চুগোর্‌ ধোয়নে পানিলোই গাদা পুরিবো। তে সাজোন্যে সং ফি-বলা অবস্থায় থেবঅ, সে পরেদি তে সুদ্ধো-সাংগ অবঅ।

লেবীয় 19:7

কিত্যেই তিন দিনোত্‌ সে য়েরাগান্‌ ফি-বলা ওই যায়। যুনি কনজনে সে য়েরাগান্‌ খান্‌ সালে লগেপ্রভু সে উৎসর্ববো আর ন-গুজিবো।

লেবীয় 22:8

তে কনঅ মরা য়েমান বা ঝার্‌বো য়েমানে হেই ফেলেয়্যে য়েমানর্‌ য়েরা হেইনে নিজোরে ফি-বলা গুরি ন-পারিবো। মুই লগেপ্রভু।

প্রেরিত্‌ 10:14

পিতরে কলঅ, “না, না, প্রভু, কনঅ বাবদে না। অপবিত্র বা অসিজি কনঅ কিজু মুই কনদিন্অ ন-হাং।”

দ্বি’লম্বর বিররণ 14:21

মুরিনে পড়ি থেইয়্যে কনঅ প্রাণী তুমি ন হেবা, কিত্যে তুমি তমার লগেপ্রভুর নাঙে এক্কো ফারক গোজ্যে জাদ। তমার আদাম বা শঅরত্‌ বজত্তি গোজ্যে অন্য জাদর্‌ কনঅ মান্‌জ্যরে তুমি সিবে দি পারিবা আর সিবে তে হেই পারিবো, বা তুমি কনঅ বিদেশী ইদু সিবে বিজি দি পারিবা।

দ্বি’লম্বর বিররণ 14:3

তুমি কনঅ ঘিনাইদে জিনিস ন-হেবা।