যিহিষ্কেল 39:7 - Chakma Bible

⁷ মর্ মানুচ্ ইস্রায়েলীয়গুনো ভিদিরে মুই মঅ পবিত্রতাগান ফগদাং গুরিম। মঅ নাঙান্ মুই আর্ অপবিত্র অবাত্তে ন-দিম; সেক্কে জাদ্‌‌‌‌তুনে হবর্ পেবাক, মুয়ই লগেপ্রভু, ইস্রায়েল ভিদিরে সেই সুদ্ধো-সাংগ মানুচ্চো।

যিহিষ্কেল 39:7 ပူးပေါင်းရင်းမြစ်များ

গীতসংহিতা 103:1

ও মর্ পরাণান্, লগেপ্রভুর বাঈনী গর্; ও মর্ মনান, তা পবিত্রতাগানর বাঈনী গর্।

যাত্রা 20:7

কনঅ‌ ভান্ন্যেই আশাই তুমি তমার গোজেন লগেপ্রভুর্‌ নাঙান্‌ ন-গিনিবা। যিবে সিয়েন্‌ গুরিবো তারে লগেপ্রভু সাজা-দিবো।

যিশাইয় 12:6

ও সিয়োন মানুচ্চুন্, তুমি দাঙর্ গুরিনে রঅ ছাড় আর হুজিয়ে গীদ্ গঅ, কিত্তে ইস্রায়েলর সেই পবিত্র মানুচ্চো তমা ভিদিরে দাঙর্।”

যিশাইয় 37:23

তুই কারে অসর্মান্ গোজ্যস্? কা বিরুদ্ধে তুই অগমানর্ কধা কোইয়োচ্? তুই কা বিরুদ্ধে রঅ চাজ্যস্ আর বাড়্‌বো গুরিনে চোগেদি রিনি চেইয়োচ্? ইস্রায়েলর সেই পবিত্র মানুচ্চোর্ বিরুদ্ধে তুই ইয়েনি গোজ্যস্।

যিশাইয় 43:14

লগেপ্রভু, তমার্ উদ্ধোরগুরিয়্যে, ইস্রায়েলর্ সেই সুদ্ধো-সাংগ মানুচ্চো এ কধাগান কোইয়্যেদে, “মুই তমাত্তে বাবিলোত্ মানুচ্ পাদেম আর যে জাহাজ্‌চান নিইনে বাবিলীয়গুনে বাড়্‌‌বো গুরিদাক্ সিয়েনত্ গুরি ধেই যেইয়্যে মানুচ্চুনো ধোক্ক্যেন্ গুরি সে বাবিলীয়গুনোরে আনিম্। ‌

যিশাইয় 43:3

কিত্তে মুয়ই তর্ গোজেন লগেপ্রভু, তর্ উদ্ধোর গুরিয়্যে, ইস্রায়েলর সেই সুদ্ধো-সাংগ মানুচ্চো। মুই তর্ উদ্ধোরর্ মূল্য ইজেবে মিসর দেজ্‌চান দিম, আর তঅ বদলে কূশ আর সবা দেজ্‌চানরে দিম।‌

যিশাইয় 45:11

“লগেপ্রভু, যিবে ইস্রায়েলর সেই সুদ্ধো-সাংগ মানুচ্, যিবে তারে বানেয়্যে, তে এ কধাগান কোইয়্যে, ‘তুমি কি আগাম্ ঘটনা পৌইদ্যেনে মরে পুযোর্ গরর্? মঅ পুয়ো-ছাগুনো পৌইদ্যেনে বা মঅ আঢ কামানি পৌইদ্যেনে কি মরে উগুম্ দুয়োর্?

যিশাইয় 49:26

তঅ উগুরে যিগুনে অত্যেচার গরন্ মুই তারার য়েরানি তারারে হাবেম্; তারা মদ ধোক্ক্যেন গুরি নিজো লো-গান হেইনে মাত্তল্ অবাক্। সেক্কে বেক্ মানুচ্চুনে হবর্ পেবাক্, মুই লগেপ্রভু তর্ উদ্ধোরগুরিয়্যে, তর্ মুক্তিদিয়্যে, যাকোবর্ সেই খেমতাবলা মানুচ্চো।”

যিশাইয় 55:5

ঘেচ্চেকগুরি, যে জাদ্‌তুনোরে তুমি ন-চিনিদা তারারে ডাগিবা আর সেই জাদ্‌‍‌‌‍‍‍‍তুনে, যিগুনে তমারে ন-চিনোন্ তারা ধাবা ধাবা এইনে তমা ইদু এবাক্। তমা গোজেন লগেপ্রভু, ইস্রায়েলর সেই সুদ্ধো-সাংগ মানুচ্চোত্তে তারা সিয়েন গুরিবাক্, কিত্তে তে তমারে বাঈনী পানালোই বর্‌‍‌‌‍‍‍‍‌‌‍পুনোং গোজ্যে।” ‍‍

যিশাইয় 60:14

তরে যিগুনে অত্যেচার গুরিদাক্ তারা পুয়োগুনে মাঢা নিগিরিনে তঅ মুজুঙোত্ এবাক্; যিগুনে তরে ঈচ্ গুরিদাক তারা বেক্কুনে তরে জু জু জানেবাক্ আর তরে লগেপ্রভুর শঅর্, ইস্রায়েলর সেই সুদ্ধো-সাংগ মানুচ্চোর সিয়োন বিলি ডাগিবাক্।

যিশাইয় 60:9

ঘেচ্চেকগুরি দূর দেজ মানুচ্চুনে মত্তেই বাজ্জেই আগন্; তমা পূয়োগুনোর আর তারার সোনা রূবোনিলোই দূরোত্তুন্ দাঙর্ দাঙর্ তর্শীশ-জাহাজ্‌চোই বেক্কুনোত্তুন্ আগে আগে এত্তন্।‌‌ ইস্রায়েলর সেই সুদ্ধো-সাংগ মানুচ্চোর, তর্ গোজেন লগেপ্রভুরে বাঈনী গুরিবাত্তে তর্ পুয়োগুনে এত্তন্, কিত্তে তরে তে সয়সাগজ্যে গুরি সাজেয়্যে।

যিহিষ্কেল 20:14

মাত্তর্ মঅ সুনাঙান রোক্ষ্যে গুরিবাত্তে মুই সিয়েন ন-গরং, যেনে যে জাদ্‌‌‌‌‌তুনো মুজুঙোত্ মুই তারারে নিগিলেই আন্যং তারা ইধু মঅ নাঙান্ অসিজি ন-অয়।

যিহিষ্কেল 20:39

“‘ও ইস্রায়েলীয়গুন,মুই প্রভু লগেপ্রভু কঙর্, যঅ, তুমি পত্তিজনে যেইনে তমা মূত্তিগুনোরে সেবা গরঅ। মাত্তর্ পরেদি মঅ কধা তুমি হামাক্কায় শুনিবা আর সেক্কে তুমি তমার বক্‌‌‌‌‌শিজ্ আর মূত্তিলোই আর মর্ সুদ্ধো-সাংগ নাঙান অসিজি ন-গুরিবা।

যিহিষ্কেল 20:9

মাত্তর্ মঅ সুনাঙান্ রোক্ষ্যে গুরিবাত্তে মুই সিয়েন ন-গরং, যেনে তারা যে জাদ্‌‌‌‌তুনো ভিদিরে বজত্তি গোজ্যন তারা ইধু মঅ নাঙান্ অসিজি ন-অয়। মিসর দেজত্তুন্ ইস্রায়েলীয়গুনোরে নিগিলেই আনিনে সেই বেক্ জাদ্‌‌‌‌তুনোর চোগো মুজুঙোত্ মুই ইস্রায়েলীয়গুনো ইধু নিজোরে ফগদাং গুরিলুং।

যিহিষ্কেল 36:23

যে নাঙান্ জাদ ভিদিরে অসর্মান গরা ওইয়্যে মর্ সেই মহৎ নাঙানর্ পবিত্রতাগান মুই দেগেম; তুমি তারা ভিদিরে সেই নাঙান্ অপবিত্র গোজ্য। যেক্কে মুই তারা চোগো মুজুঙোত্ তমা ভিদিরেদি নিজোর্ পবিত্রতাগান দেগেম্ সেক্কে জাদ্‌‌‌‌‌‌‌‌‌‌‌তুনে হবর্ পেবাক্ যে, মুয়ই লগেপ্রভু।

যিহিষ্কেল 36:36

সেক্কে তমা চেরোকিত্তে বাঁজি থেইয়্যে জাদ্‌‌তুনে হবর্ পেবাক যে, মুই লগেপ্রভু ভাঙা জাগানি আরঅ তুল্যং আর পড়ি থেইয়্যে জাগাত্ আরঅ গাজ লাগেয়োং। মুই লগেপ্রভু এ কধাগান কোইয়োং আর মুই সিয়েনই গুরিম।’”

যিহিষ্কেল 38:16

দেজ্‌‌‌চান মেঘ ধোক্ক্যেন গুরি নাঢি ফেলেবাত্তে তুই মঅ মানুচ্ ইস্রায়েল বিরুদ্ধে উজেই এবে। ও গোগ, শেজ্ কালত্ মুই মঅ দেজ্‌‌‌‌‌চান বিরুদ্ধে তরে আনিম। সেক্কে মুই জাদ্‌‌‌‌‌তুনোর চোগো মুজুঙোত্ তঅ ভিদিরেদি নিজোরে সুদ্ধো-সাংগ বিলি দেগেম্ যেনে তারা মরে হবর্ পান।

যিহিষ্কেল 38:23

এবাবোত্যেগুরি ভালোক্ জাদ চোগো মুজুঙোত্ মুই নিজোরে ফগদাং গুরিম; মুই যে মহৎ আর পবিত্র সিয়েন দেগেম; সেক্কে তারা হবর্ পেবাক্, মুয়ই লগেপ্রভু।

যিহিষ্কেল 39:22

সেদিন্যেত্তুন্ ধুরি ইস্রায়েলীয়গুনে হবর্ পেবাক্, মুয়ই তারার গোজেন লগেপ্রভু।

যিহিষ্কেল 39:25

প্রভু লগেপ্রভু আরঅ কোইয়্যেদে, “মুই ইক্কিনে যাকোবরে বন্দীদজাত্তুন্ ফিরেই আনিম আর ইস্রায়েলর বেক্ মানুচ্চুনোরে মেয়্যে গুরিম আরে মঅ নাঙানর্ পবিত্রতাগানত্তে আওজি ওম্।

যিহিষ্কেল 39:8

ইয়েন্ এজের্, ইয়েন অবদে অবঅ। এ দিন্নো কধা মুই প্রভু লগেপ্রভু কোইয়োং।

লেবীয় 18:21

তমা ভিদিরেত্তুন কনজনে যেন তার্‌ পূঅ বা ঝিয়োরে মোলক দেবেদা ইদু আগুনোত্‌ পুড়িনে উৎসর্ব ন-গরন বা অন্য কনঅ বাবদে নিজোর্ গোজেনর্‌‌ নাঙে পবিত্রতাগান্ বর্‌বাদ্ ন-গরন। মুই লগেপ্রভু।