যিহিষ্কেল 39:6 - Chakma Bible

⁶ মুই মাগোগ উগুরে আর যিগুনে দূর দেজ্‌‌‌চানিত্ গমেডালে বজত্তি গত্তন্ তারা উগুরে আগুন পাদেম্; সেক্কে তারা হবর্ পেবাক্, মুয়ই লগেপ্রভু।

যিহিষ্কেল 39:6 ပူးပေါင်းရင်းမြစ်များ

গীতসংহিতা 72:10

তর্শীশ আর দ্বিব্‌পুনোর রাজাগুনে তারে খাজানা দেদোক্; শিবা আর সবা দেজর রাজাগুনেয়ো তার পাইদ্যে বক্‌শিজ্‌ছান তারে দেদোক্।

যিশাইয় 66:19

লগেপ্রভু আরঅ কত্তে, “মুই তারা ইদু এক্কান চিহ্নো থিদেবর্ গুরিম আর যিগুনে বাঁজি থেবাক্ তারা ভিদিরেত্তুন্ কয়েকজনরে মুই জাদ্‌তুনো ইদু পাদেম্-তর্শীশ, পূল আর নাঙ্-গোজ্যে ধনুবলা লূদ, তূবল আর গ্রীস ইদু আর যেদক্কানি দূরো দেজ্ মর্ সুনাঙান ন-শুনে আর মর্ মহিমায়ো ন-দেগন্ তারা ইদু পাদেম্। তারা জাদ্‌তুনো ভিদিরে মর্ মহিমার কধাগান ফগদাং গুরিবাক্।‌‌‌‍‌‌‌‍

যিরমিয় 25:22

সোর আর সীদোনর বেক্ রাজাগুনোরে; সাগরর্ ওপারত্ দেজর্ রাজাগুনোরে;

যিহিষ্কেল 30:16

মুই মিসর দেজত্ আগুন বাজেই দিম; সীন শঅরান্ যন্ত্রণায় মজরা যেবঅ। নো শঅর উগুরে অদাদত্ দযা এবঅ; নোফ দিনোত্ দুঘোত্ পুরিবো।

যিহিষ্কেল 30:8

যেক্কে মুই মিসরত্ আগুন বাজেই দিম আর তার বেক্ বল্‌‌‌দিয়্যেগুনে চুরমার ওই যেবাক্ সেক্কে তারা হবর্ পেবাক, মুয়ই লগেপ্রভু।

যিহিষ্কেল 30:9

সেদিন্যে আরামে থেইয়্যে কূশরে দর্ দেগেবাত্তে হবর্ কোইয়্যেগুনে মর্ উগুমে জাহাজত্ গুরিনে নিগিলি যেবাক্। মিসরর শেজ্ দিনোত্ কূশর্‌অ যন্ত্রণা অবঅ, কিত্যে সেদিন্নো তা উগুরেয়ো এবঅ।

যিহিষ্কেল 37:6

মুই তমা আড়ুনো লগে আড়্ বানি দিম, তমা উগুরে য়েরা বাড়েই দিম আর চামাড়ালোই সিয়েনি নাঢি দিম। মুই তমা ভিদিরে নিজেস্ দিম আর তুমি জেদা অবা। সেক্কে তুমি হবর্ পেবা যে, মুয়ই লগেপ্রভু।’”

যিহিষ্কেল 38:11

তুই কবে, তুই এমন এক্কান দেজ্ আক্রমন গুরিবে যে আদামানিত্ দেবাল্ নেই। তুই সুগে-শান্দিয়্যে আর নিচিদে থেইয়্যে মানুচ্চুনোরে আক্রমন গুরিবে যিগুনে দেবাল্, গেইত আর লাগাড়া নেইয়্যে গুরি বজত্তি গরন্।

যিহিষ্কেল 38:13

সেক্কে শিবা, দদান আর তর্শীশ আর তার বেক্ আদামানির বেবসায়ীগুনে তরে পুযোর্ গুরিবাক্, তুই লুদেবাত্তে এচ্চোস্ নাহি আর সনা-রূপা, য়েমানপাল আর পযাপিরা নেযেবাত্তে আর ভালোক্কানি পযাপিরা কাড়ি নিবাত্তে তঅ দলবল এগত্তর্ গোজ্যস্ নাহি।

যিহিষ্কেল 38:2

ও মান্‌‌‌‌‌জ্যর্ পুয়োবো, তুই মাগোগ দেজর্ মেশক আর তূবলর আজল্ শাজন্‌গুরিয়্যে গোগর ইন্দি মুয়োন দিইনে এই আগাম্ কধানি কঅ,

যিহিষ্কেল 38:6

গোমর দেজর্ বেক্ সৈন্যগুন আর উত্তোরেদি শেজ্ দুযির্ বৈৎ-তোগর্ম দেজর্ বেক সৈন্যগুন তঅ সমারে থেবাক্। বোউত্ জাদে তঅ সমাজ্যে অবাক্।

যিহিষ্কেল 39:5

তুই খুলো মাদত্ পড়ি থেবে, কিত্তে মুই প্রভু লগেপ্রভু এ কধাগান কোইয়োং।

আমোষ 1:10

সেনত্তে মুই সোর দেবাল উগুরে আগুন পাধেই দিম; সিয়েনে তার্ ঘরানি পুড়ি ফেলেব।”

আমোষ 1:4

সেনত্তে মুই হসায়েলর রাজঘরান উগুরে আগুন পাদেম; সিয়েনে বিন্‌‌হদদর্ ঘরানিরে পুড়ি ফেলেব।

আমোষ 1:7

সেনত্তে মুই গাজার দেবাল উগুরে আগুন পাদেম; সিয়েনে তার ঘরানিরে পুড়ি ফেলেব।

নহূম 1:6

তার্ বেজার্ অনা মুজুঙোত্ কন্না টিগিই থেই পারে? কন্না সোজ্য গুরি পারে তার্ দর্‌গরেপারা রাগ্‌কান? তা রাগ্‌কান আগুনো ধোক্ক্যেন জ্বলে; তা মুজুঙোত্ দাঙর্ দাঙর্ শিলুন্ কট্টা কট্টা ওই যান।

সফনিয় 2:11

লগেপ্রভু তারা ইধু অমকদ দর্‌‌গরেপারা অবঅ; তে পিত্‌‌থিমীর বেক দেবেদাগুনোরে বল্‌‌পোজ্যে গুরিবো। সেক্কে দূর দেজর্ বেক জাদর্ মানুচ্চুনে নিজো নিজো দেজত্তুন্ তার্ উবোসনা গুরিবাক্।

ফগদাং পেইয়্যে 20:8

তে সেক্কে যেইনে গোদা পিত্‌থিমীর জাদ্‌তুনোরে, অত্তাৎ গোগ-মাগোগরে ভুল পধেদি নেযেব আর যুদ্ধোত্যে তারারে এক সমারে এগত্তর্ গুরিবো। ইগুনে জনেদি অবাক্ দোজ্জ্যে সাগরর্ ধূল্যেচর ধোক্ক্যেন গুণি ন-পুরেইয়্যে।

ফগদাং পেইয়্যে 20:9

সেক্কে মুই দেগিলুং, তারা উজেই যেইনে গোজেন মানুচ্চুনোর থেবার চাগালাগান আর তার্ সেই কোচ্‌পেইয়্যে শঅরান ঘিরিলাক্। মাত্তর্ স্বর্গত্তুন্ আগুনান্ লামি এইনে তারারে পুড়ি ফেলেল।

বিচের গুরিয়্যেগুন 18:7

সে পাঁচজন মান্‌জ্যে সেক্কে সিয়েনত্তুন্‌ লয়ীশোত্‌ গেলাক্‌। তারা দেগিলাক সিদুগোর্‌ মানুচ্চুনে সীদোনীয়গুনো ধোক্কেন্‌ দর্‌নেইয়্যে, সুগে-শান্দিয়্যে আর নিচিদেগুরি বজত্তি গত্তন্‌। তারারে দুখ্‌ দিই পারন এধোক্ক্যেন কনঅ মানুচ্‌ সে জাগানত্‌ নেই। ইয়েনবাদেয়ো তারা সীদোনীয়গুনোত্তুন ভারোদ্দুরোত্‌ বজত্তি গত্তন্‌ আর অন্য কারঅ লগে তারার কনঅ মিলেমিছে নেই।