যিহিষ্কেল 39:4 - Chakma Bible

⁴ ইস্রায়েলর মুড়োমুড়ি উগুরে তুই, তর্ বেক সৈন্যগুন আর তঅ লগে জাদ্‌‌‌তুনে পড়ি থেবাক্। মুই তরে শকুন আর ঝার য়েমানুনোরে হানা ইজেবে দিম্।

যিহিষ্কেল 39:4 ပူးပေါင်းရင်းမြစ်များ

যিশাইয় 14:24

বেগত্তুন্ খেমতাবলা লগেপ্রভু শমক্ গুরি কোইয়্যেদে, “ঘেচ্চেকগুরি, মুই যেবাবোত্যেগুরি ঠিগ্ গোজ্যং সেবাবোত্যেগুরি ঘুদিবো, আর সিয়েন থির্ থেবঅ।

যিশাইয় 14:25

মঅ দেজ্‌‌ছান ভিদিরে মুই আসিরিয়ার্ রাজারে চুর্‌‌মার্ গুরিম আর মঅ মুড়ো-মুড়িগুনো উগুরে তারে টেঙোই উড়িম্। সেক্কে মঅ মানুচ্চুনো ইত্তুন্ তা জুঙোলান্ দূর্ ওই যেবঅ আর তারার্ কানাগানিত্তুন্ তা বুধিবো সুরি যেবঅ।”

যিরমিয় 15:3

লগেপ্রভু কোইয়্যেদে, মুই তারা বিরুদ্ধে চের্ বাবোত্যে ভস্তগুরিয়্যেরে পাধেই দিম। সিয়েনি অলঅ, মারে ফেলেবাত্তে তলোয়ার, টানি লোই যেবাত্তে কুগুর, হেই ফেলেবাত্তে আর ভস্ত গুরিবাত্তে আগাজর্ পেগ আর ঝার য়েমান।

যিরমিয় 25:33

সেক্কে লগেপ্রভু যিগুনোরে মারে ফেলেব তারা পিত্‌থিমীর এক ধুজিত্তুন অন্য ধুজি সং বেক্ জাগানিত্ পড়ি থেবাক্। তারাত্তে কনজনে আবিলেচ্ ন-গুরিবাক্ বা তারারে কনজনে এগত্তর্ অ ন-গুরিবাক্ বা গোর্‌‌‌‌‌অ ন-দিবাক্, মাত্তর্ তারা অবাক্ মাদিত্ পোজ্যে গবর ধোক্ক্যেন।

যিহিষ্কেল 29:5

মুই তরে আর তর্ গাঙানর্ বেক মাছচুনোরে ধূল্যেচর-চাগালাত্ ফেলেই রাগেম। তুই খুলো মাদত্ পড়ি থেবে আর তরে তুলিনে গোর্ দিয়্যে ন-অবঅ। মুই হানা ইজেবে তরে ঝার্‌‌‌‌‌‌‌‌‌‌‌‌‌‌‌বো য়েমান আর আগাজ পেখ্‌‌‌‌‌‌‌‌‌‌‌‌‌‌‌কুনোরে দিম।

যিহিষ্কেল 33:27

তুই তারারে কঅ, মুই প্রভু লগেপ্রভু মঅ জিংকানির্ নাঙে কঙর্, যিগুনে সেই ভস্তর্ জাগাত্ আগন তারা যুদ্ধোত্ মুরি যেবাক্, যিগুনে মাদত্ আগন তারারে হেবাত্তে মুই ঝার্‌‌বো য়েমানুনো ইধু তারারে দিম আর যিগুনে তাম্বুলোত্ আহ্ গাদত্ আগন তারা ভানালোই মুরিবাক্।

যিহিষ্কেল 35:8

তর্ মুড়ো-মুড়িগুন মুই মোজ্যন্দে মানুচ্চুনোরে দিইনে নাঢি দিম; যুদ্ধোত্ যিগুনে মুরি যেইয়োন তারা তর্ মুড়োই মুড়োই, কলগে কলগে আর তর্ বেক পানি গঙারানিত্ পড়ি থেবাক্।

যিহিষ্কেল 38:21

মঅ দেজর্ বেক্ মুড়োমুড়িগুনো উগুরে গোগর্ বিরুদ্ধে মুই যুদ্ধো ডাগি আনিম। পত্তি মান্‌‌জ্যর লাম্বা ছুরি থেবঅ তা ভেইয়োর্ বিরুদ্ধে।

যিহিষ্কেল 39:5

তুই খুলো মাদত্ পড়ি থেবে, কিত্তে মুই প্রভু লগেপ্রভু এ কধাগান কোইয়োং।

নহূম 3:3

ঘোড়া বাহিনীগুনে আক্রমন গত্তন্, লাম্বা ছুরিগানি ঝিমিলের্, সেলুন্ ঝিক্ ঝিক্ গরের্। চঅ, বোউত্ আহত মানুচ্ আর মরা কিয়্যের্ কুড়্, গুণি ন-ফুরেইয়্যে মরাকিয়্যে, মান্‌জ্যে মরা কিয়্যে উগুরে উজোত্ খাদন্।