Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




যিহিষ্কেল 39:23 - Chakma Bible

23 আর জাদ্‌তুনে হবর্ পেবাক যে, ইস্রায়েলীয়গুনে তারার্ পাপত্তে বন্দীদজাত্ যেইয়োন, কিত্যে তারা মঅ উগুরে অবিশ্বেজি ওইয়োন্। সেনত্তে মর্ মুয়োন মুই তারাত্তুন্ ফিরেই রাগেয়োং আর শত্রুগুনো আঢত্ তারারে তুলি দুয়োং; তারা বেক্কুনে যুদ্ধোত্ মারা পোজ্যন্।

အခန်းကိုကြည့်ပါ။ ကော်ပီ




যিহিষ্কেল 39:23
27 ပူးပေါင်းရင်းမြစ်များ  

আমা পূরোণিমানুচ্চুনোর্ সময়োত্তুন্ ধুরি আরাম্ভ গুরিনে এচ্চ্যে সং আমি বোউত্ পাপ গোজ্যেই। আমা পাপত্যেই আমার আর আমা রাজাগুনোর্ আহ্ আমা ধর্মগুরুগুনোর অন্য রাজাগুনোর্ আঢত্ মোজ্যন্, বন্দীদযা, লুদো খানা আর অসর্মান ওইয়োন, আর এজঅ সেই অবস্থাগান রোইয়্যে।


ও লগেপ্রভু, কিত্তেই তুই দূরোত্ থিয়্যেই আগচ্? দুঘোর্ দিনোত্ কিত্তেই তুই নিজোরে লুগেই রাগেয়োচ্?


তে অন্য জাদ্‌তুনো আদত্ তারারে তুলি দিলো; তারারে ঈচ্ গুরিয়্যেগুনে তারারে শাজন্ গরা ধুরিলাক্।


ও লগেপ্রভু, তুই দোয়্যেলোই মর্ রেজ্যগান ঠিগ্ রাগেয়োচ্, মাত্তর্ যেক্কেনে তুই মুয়োন ফিরেলে সেক্কেনে মুই অমকদ দোরেলুং।


তবনা গুরিবাত্তে যেক্কে তুমি আঢ্ তুলিবা সেক্কে মুই তমাত্তুন্ মঅ চোগ্‌কুনোরে ফিরেই নিম্। যুনিয়ো বা বোউত্ তবনা গরঅ মুই সিয়েনি ন-শুনিম্, কিত্তে তমা আঢ্‌তানি লোলোই ভরা।


যাকোবরে কন্না লুদো হেবাত্তে দিয়্যে? আর ইস্রায়েলরে কন্না লুদেয়্যেগুনো আঢত্ তুলি দিয়্যে? তে কি লগেপ্রভু নয়, যিবের্ বিরুদ্ধে আমি পাপ গোজ্যেই? তারা তা পধেদি চলিবাত্তে ন-চান্, তা উগুমান্ ন-পালান্।


মাত্তর্ তমা ভান্ন্যেয়ানিয়ে লগেপ্রভুত্তুন্ তমারে ফারগ্ গুরি দিয়্যে। তমা পাপত্তে তে তা মুয়োন তমাত্তুন্ ফিরেই নেযেয়্যে; সেনত্তে তে ন-শুনে।


কনজনে তরে ন-ডাগন্ বা কোজোলি গুরিবাত্তে কনজনে তইদু ন-এজন্, কিত্তে আমা ইন্দিত্তুন্ তুই তঅ মুয়োন ফিরেই রাগেয়োচ্ আর আমা পাপত্তে আমারে ভস্ত ওই যেবাত্তে দুয়োর্।


মুই লগেপ্রভুত্তে বাজ্জেই থেম্, যিবে যাকোব-বংশগুনোত্তুন্ মুয়োন ফিরেই রাগেয়্যে; মুই তা উগুরে বিশ্বেজ্ গুরিম।


তমা ভান্ন্যেই আর জঘন্য কামানি লগেপ্রভু যেক্কে আর সোজ্য গুরি ন-পারিলো সেক্কে তমা দেজ্‌‌‌‌চান মানুচ্ নেইয়্যে, ভস্ত ওইয়্যে জাগা আর ঈচ্ গরে পারা ওই গেলঅ আর সে দেজ নাঙান মানুচ্চুনে অভিশাব্ ইজেবে বেবহার গরন। এজঅ সেবাবোত্যে রোইয়্যে।


যিরূশালেমানে অমকদ পাপ গোজ্যে, সেনত্তে তে অসিজি ওই যেইয়্যে। যিগুনে তারে সর্মান গুরিদাক্ তারা বেক্কুনে তারে ঈচ্ গত্তন্, কিত্তে তারা তার্ লাংতা-বাংতা অবস্থাগান্ দেখ্যন; তে ভঅনিজেস্ ফেলার্ আর মুয়োন লুগোর্।


“সেনত্তে ও মান্‌‌জ্যর পুয়োবো, তুই ইস্রায়েলীয়গুনোরে কঅ, প্রভু লগেপ্রভু কোইয়্যেদে, ‘তমা পুরোণি মানুচ্চুনে অবিশ্বেজর্ কাম গুরিনে মরে অগমান গোজ্যন্।


সেক্কে তমা চেরোকিত্তে বাঁজি থেইয়্যে জাদ্‌‌তুনে হবর্ পেবাক যে, মুই লগেপ্রভু ভাঙা জাগানি আরঅ তুল্যং আর পড়ি থেইয়্যে জাগাত্ আরঅ গাজ লাগেয়োং। মুই লগেপ্রভু এ কধাগান কোইয়োং আর মুই সিয়েনই গুরিম।’”


তারা ইত্তুন্ মুই মর্ মুয়োন আর্ ফিরেই ন-রাগেম, কিত্যে ইস্রায়েলীয়গুনো উগুরে মুই মর্ আত্মাগান ঢালি দিম। মুই প্রভু লগেপ্রভু এ কধাগান কঙর্।”


ডাগেত্‌তুনে মর্ সুদ্ধো-সাংগ জাগানত্ সোমেইনে সিয়েন অসিজি গুরিবাক্, আর মুই তারা ইন্দিত্তুন্ মুয়োন ফিরেই নিম্।


মর্‌ সুদোম ভাঙানাত্যে মুই তমা উগুরে যুদ্ধো আনিম। শত্রুগুনে দেগিনে যেক্কে তুমি শঅরত্‌ যেইনে চুমিবা সেক্কে তমা ইধু মুই ভানা পাদেই দিম, আর সেক্কে তুমি শত্রুর আঢত্ যেইনে পুরিবা।


তে কলঅ, মুই তারাত্তুন্ মুয়োন ফিরেই নেযেম, যেরেন্দি তারার দজা কি অয় দেগিবোং; কিত্যে ইগুন উগুদো পদেন্দি যেইয়্যে জাদ্, অবিশ্বেজী পুঅ।


কেন্‌জান্ গুরি একজনে আজার জনরে ধাবেই-দে, কেন্‌জান্ গুরি দ্বিজনরে দেগিনে দশ আজার মানজ্যে ধেই যান, যুনি তারার জিরেবার-মুড়োবো শত্রুগুনোর আদত্‌ তারারে বেজা দিইনে থান, যুনি লগেপ্রভু শত্রুগুনোর আদত্‌ তারারে তুলি দিইনে থায়?


সেনত্তেই লগেপ্রভু রাগে লুটগুরিয়্যেগুনোর আঢত্‌ ইস্রায়েলীয়গুনোরে তুলি দিদো। তারা তারার্‌ পযাপিরানি লুদেই নিদাক্‌। তারার্‌ চেরোকিত্তে শত্রুগুনোর আঢত্‌ তে তারারে তুলি দিদো, সেনত্তেই তারা শত্রুগুনোর বিরুদ্ধে আর ঠিয়্যেই ন-পারিদাক্‌।


সেনত্তেই ইস্রায়েল উগুরে লগেপ্রভুর রাগ্‌কান জুলি উদিলো আর তে অরাম-নহরয়িমর রাজা কূশন-রিশিয়াথয়িমর আঢত্‌ তারারে তুলি দিলো। তারা আস্‌টো বছর সং তার্‌ অধীনোত্‌ তলে এলাক্‌।


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ