যিহিষ্কেল 39:22 - Chakma Bible

²² সেদিন্যেত্তুন্ ধুরি ইস্রায়েলীয়গুনে হবর্ পেবাক্, মুয়ই তারার গোজেন লগেপ্রভু।

যিহিষ্কেল 39:22 ပူးပေါင်းရင်းမြစ်များ

গীতসংহিতা 9:16

দোল্ বিচেরর্ মাধ্যমে লগেপ্রভু নিজোরে জানিবাত্তে দে; তে পাজিগুনোরে তা কামর্ ফালত্ ফেলায়।

যিরমিয় 24:7

মুয়ই যে লগেপ্রভু সিয়েন হবর্ পেবার মনান্ মুই তারারে দিম। তারা মর্ মানুচ্ অবাক্ আর মুই তারার গোজেন ওম্, কিত্তে বেক্ মনান্ দিইনে তারা মইধু ফিরি এবাক্।

যিরমিয় 31:34

নিজোর পাড়াল্যেবোরে আর নিজোর ভেইবোরে কনজনে ইয়েন কোইনে আর শিক্ষ্যে ন-দিবাক্, ‘লগেপ্রভুরে চিনিবাত্তে চিগো,’ কিত্তে বেক্কুনে মরে চিনোন্। সেনত্তে মুই তারার অন্যেয়ানি খেমা গুরিম, তারার পাপ্‌পানি আর কনদিন্‌অ ইদোত্ ন-রাগেম। মুই লগেপ্রভু এ কধাগান ।” কঙর্‍‍‍‍‍‍‍‍‍‍

যিহিষ্কেল 28:26

সিয়েনত্ তারা ঘর-বাড়ি বানেইনে গমেডালে বজত্তি গুরিবাক্ আর আংগুর খেত্ গুরিবাক্। তারার ঠাট্টা-মশকারি গুরিয়্যে কায়কুরে জাদ্‌‌‌‌‌‌‌‌‌‌‌‌‌ বেক্কুনোরে যেক্কে মুই সাজা দিম সেক্কে তারা গমেডালে বজত্তি গুরিবাক্। সেক্কে তারা হবর্ পেবাক্, মুয়ই তারার্ গোজেন লগেপ্রভু।”

যিহিষ্কেল 34:30

সেক্কে তারা হবর্ পেবাক্, মুই তারার গোজেন লগেপ্রভু তারা লগে লগে আগং আর তারা, অত্তাৎ ইস্রায়েলীয়গুনে মর্ মানুচ্।

যিহিষ্কেল 39:23

আর জাদ্‌তুনে হবর্ পেবাক যে, ইস্রায়েলীয়গুনে তারার্ পাপত্তে বন্দীদজাত্ যেইয়োন, কিত্যে তারা মঅ উগুরে অবিশ্বেজি ওইয়োন্। সেনত্তে মর্ মুয়োন মুই তারাত্তুন্ ফিরেই রাগেয়োং আর শত্রুগুনো আঢত্ তারারে তুলি দুয়োং; তারা বেক্কুনে যুদ্ধোত্ মারা পোজ্যন্।

যিহিষ্কেল 39:28

সেক্কে তারা হবর্ পেবাক, মুয়ই তারার্ গোজেন লগেপ্রভু, কিত্যে নানান্ জাদ ভিদিরে তারারে বন্দীদজাত্ পাদেলেয়ো মুই তারারে নিজো দেজত্ ফিরেই আনিম, কাররে ফেলেই ন-রাগেম।

যিহিষ্কেল 39:7

মর্ মানুচ্ ইস্রায়েলীয়গুনো ভিদিরে মুই মঅ পবিত্রতাগান ফগদাং গুরিম। মঅ নাঙান্ মুই আর্ অপবিত্র অবাত্তে ন-দিম; সেক্কে জাদ্‌‌‌‌তুনে হবর্ পেবাক, মুয়ই লগেপ্রভু, ইস্রায়েল ভিদিরে সেই সুদ্ধো-সাংগ মানুচ্চো।

যোহন 17:3

তরে, মানে এক্কো গুরি সত্য গোজেনরে আর তুই যিবেরে দিপাধেয়োচ্ সেই যীশু খ্রীষ্টরে হবর্ পানাই অলঅ উমর্‌অ জিংকানি।

১ যোহন 5:20

আমি আরঅ কোই পরিই যে, গোজেনর্ পুয়োবো এইনে আমারে বুঝিবার খেমতা দিয়্যে যেন সত্য গোজেনরে আমি জানি পারিই। যিবে সত্য গোজেন আমি তা সমারে এগত্তর্, অত্তাৎ তা পুয়োবো যীশু খ্রীষ্ট সমারে এগত্তর্ আঘিই। তেয়ই সত্য গোজেন আর তেয়ই উমর্‌অ জিংকানি।