যিহিষ্কেল 39:17 - Chakma Bible

¹⁷ ও মান্‌‌‌জ্যর পুয়োবো, মুই প্রভু লগেপ্রভু কঙর্, তুই নানান্ বাবোত্যে পেখ্ আর নানান্ বাবোত্যে ঝার্‌‌‌‌বো য়েমানুনোরে ডাগিনে কঅ, তুমি এগত্তর্ অ আর মুই তমাত্তে ইস্রায়েলর মুড়োমুড়িগুনো উগুরে যে দাঙর্ দালিপূজোর্ বেবস্থা গোজ্যং সিয়েনত্তে চেরোকিত্তেত্তুন্ এগত্তর্ অ। সিয়েনত্ তুমি য়েরা আর লো হেবা।

যিহিষ্কেল 39:17 ပူးပေါင်းရင်းမြစ်များ

পত্থম 31:54

ইয়েনর পরেদি যাকোবে সেই মুড়োবোত্‌ য়েমান্‌-দালি দিলো আর তার কুদুম্মোগুনোরে খানা-দানা গুরিবাত্তেই ডাগিলো। খানা-দানার পরে সেই মুড়োবো উগুরেই তারা রেত্তো কাদেলাক্।

যিশাইয় 18:6

মুড়ো-মুড়ির্ শকুন আর ঝার এ্যামানুন ইদু তারারে বেক্কুনোরে ফেলেই রাগা অবঅ; পুরো গরমকাল্লোত্ শকুনুনে তারারে হেবাক্ আর ঝার্‌‌বো এ্যামানুনে হেবাক্ পুরো যার্‌‌কাল্লো ধুরি।

যিশাইয় 29:2

মাত্তর্ মুই অরীয়েল উগুরে দজা আনিম্। তে দুঘ্ পেবঅ আর আবিলেচ্ গুরিবো; তে মইদু এক্কো অরীয়েল ধোক্ক্যেন্, অত্তাৎ এক্কো পূযো ধোক্ক্যেন্ অবঅ।

যিশাইয় 34:6

লগেপ্রভুর তলোয়ারানে লো-লোই গাট্যে; সিয়েন তেল্‌‌লোই নাঢা যেইয়্যে। সেই লো-নি ভেড়া ছাগল ছঅ আর ছাগল লো ধোক্ক্যেন আর তেলানি ভেড়া ছাগল বুগো তেল ধোক্ক্যেন্, কিত্তে লগেপ্রভু বস্রাত এক্কো উৎসর্বর অনুষ্ঠান গুরিবো আর ইদোমত্ ভালোক্কুনোরে কাবি ফেলা অবঅ।

যিশাইয় 34:7

সিগুনো লগে ঝার গোরু, বলদ গোরু আর দাঙর্ দাঙর্ গোরু কাবা অবঅ। তারা দেজ্‌ছান লো-লোই ভিজি যেবঅ, আর তেলানি ধূল্যেলোই নাঢা যেবঅ।‌

যিশাইয় 56:9

মাদর্ আর ঝারর্ বেক এ্যামানুন্, তুমি এইনে হেই ফেলঅ।

যিরমিয় 12:9

মঅ সোম্বোত্তিগান মইধু অদ্ভূদ রংয়র শিগেরী পেগো ধোক্ক্যেন ওইয়্যে, যিবেরে অন্য শিগেরী পেগ্‌কুনে ঘিরিনে আক্রমণ গোজ্যন্। তুই যেইনে বেক্ ঝার্‌‌‌‌বো য়েমানুনোরে এগত্তর্ গুরিনে আন যেন তারা হেই পান। ‌

যিরমিয় 25:33

সেক্কে লগেপ্রভু যিগুনোরে মারে ফেলেব তারা পিত্‌থিমীর এক ধুজিত্তুন অন্য ধুজি সং বেক্ জাগানিত্ পড়ি থেবাক্। তারাত্তে কনজনে আবিলেচ্ ন-গুরিবাক্ বা তারারে কনজনে এগত্তর্ অ ন-গুরিবাক্ বা গোর্‌‌‌‌‌অ ন-দিবাক্, মাত্তর্ তারা অবাক্ মাদিত্ পোজ্যে গবর ধোক্ক্যেন।

যিরমিয় 46:10

মাত্তর্ সেই দিনুন অলঅ বেগত্তুন্ খেমতাবলা প্রভু লগেপ্রভুর দিন। সে দিন্নো অলঅ তা শত্রুগুনো উগুরে হেনা সুজিবার দিন। তলোয়ারর ঈল্ ন-অনা সং, তা লো-গানর্ তিরেস্ ন-পানা সং গ্রাস গরা ধুরিবো; কিত্তে উত্তোরেদি দেজত্, ইউফ্রেটিস গাঙ পাড়ত্ বেগত্তুন্ খেমতাবলা প্রভু লগেপ্রভু উৎসর্বর অনুষ্ঠান গুরিবো।

যিহিষ্কেল 29:5

মুই তরে আর তর্ গাঙানর্ বেক মাছচুনোরে ধূল্যেচর-চাগালাত্ ফেলেই রাগেম। তুই খুলো মাদত্ পড়ি থেবে আর তরে তুলিনে গোর্ দিয়্যে ন-অবঅ। মুই হানা ইজেবে তরে ঝার্‌‌‌‌‌‌‌‌‌‌‌‌‌‌‌বো য়েমান আর আগাজ পেখ্‌‌‌‌‌‌‌‌‌‌‌‌‌‌‌কুনোরে দিম।

যিহিষ্কেল 39:16

এবাবোত্যেগুরি তারা দেজ্‌‌চান সিজি গুরিবাক্। সেই কলগত্ এক্কান শঅর নাঙ্ অবঅ হামোনা (যিয়েনর্ ভেদ্‌তান্ দলবল)।

যিহিষ্কেল 39:4

ইস্রায়েলর মুড়োমুড়ি উগুরে তুই, তর্ বেক সৈন্যগুন আর তঅ লগে জাদ্‌‌‌তুনে পড়ি থেবাক্। মুই তরে শকুন আর ঝার য়েমানুনোরে হানা ইজেবে দিম্।

সফনিয় 1:7

তুমি প্রভু লগেপ্রভুর মুজুঙোত্ অলর্ অ, কিত্যে লগেপ্রভুর দিনুন্ কায়কুরে লুম্মেগি। লগেপ্রভু এক্কান উৎসর্বর আয়োজন গোজ্যে; তে যিগুনোরে বোলেয়্যে তারারে সিজি গোজ্যে।

মথি লেখ্যে গম্ হবর্ 24:28

যিয়েনত্ মরা কিয়্যে থেবঅ সিয়েনত্ শকুনুনে এইনে এক সমারে থুবেবাক্।

১ শমূয়েল 16:3

সেই উৎসর্বর অনুষ্ঠানত্‌ তুই যিশয়রে ভাত্যেবে। সে পরেন্দি তরে যিয়েন গরা পুরিবো সিয়েন মুই কোই দিম্‌। মুই যিবের্‌ কধা তরে কোম্‌ তুই তারে মর্‌ নাঙে অভিষেগ গুরিবে।”

১ শমূয়েল 17:46

লগেপ্রভু এচ্চ্যে দিনোত্‌ তরে মর্‌ আঢত্‌ তুলি দিবো। মুই তরে আঘাত গুরিম আর তর্‌ মাঢাবো কাবি নেযেম্‌। এচ্চ্যেই মুই পলেষ্টীয় সৈন্যগুনোর মরাকিয়্যেনি আগাজর পেক্কুনোরে আর পিত্‌থিমীর য়েমানুনোরে হেবাত্তে দিম। সিয়েনি দেগিনে পিত্‌থিমীর বেক্কুনে জানি পারিবাক্, ইস্রায়েলীয়গুনোর পক্ষে গোজেন বিলিনে একজন আঘে।

১ শমূয়েল 9:13

তুমি শঅরত্‌ সোমেলে তা সমারে তমার দেগা অবঅ। তুমি দেগিবা তে মুড়োমুড়ি উগুরে হেবাত্তে যার্‌। তে ন-যানা সং মানুচ্চুনে হানা-দানা ন-গুরিবাক্, কিত্যে তারে তাত্তুন্‌ উৎসর্বর জিনিসছানি বর্‌ দিয়্যে পুরিবো; সে পরেন্দি যিগুনোরে ডাগা ওইয়্যে তারা হেবাক্। তুমি ইক্কিনেই উদি যঅ, ইক্কিনেই তার দেগা পেবা।”